കേരളത്തിലെ വിവിധ സർവകലാശാലകളിലെ പഠനവകുപ്പുകൾ/അഫിലിയേറ്റഡ് കോളേജുകൾ എന്നിവയിൽ സൈക്കോളജി/അനുബന്ധ മാസ്റ്റേഴ്സ് പ്രോഗ്രാം നടക്കുന്നുണ്ട്.
മാസ്റ്റേഴ്സ് പ്രവേശനത്തിന് കേരളത്തിൽ പൊതുവായ ഒരു വിദ്യാഭ്യാസ മാനദണ്ഡങ്ങളില്ല. ഓരോ സ്ഥാപനങ്ങളിലും വ്യത്യസ്തമായ യോഗ്യതകളാണുള്ളത്.
ഓരോ സർവകലാശാലയുടെയും അവയിൽ അഫിലിയേറ്റ് ചെയ്ത സ്ഥാപനങ്ങലിലെയും കോഴ്സുകളും യോഗ്യതയും പരിചയപ്പെടാം
കേരള സർവകലാശാല
- കേരള സർവകലാശാലയുടെ കാര്യവട്ടം കാമ്പസിലെ സൈക്കോളജി പഠനവകുപ്പിൽ നടത്തുന്ന കോഴ്സ് എം.എസ്സി. അപ്ലൈഡ് സൈക്കോളജി
- യോഗ്യത:സൈക്കോളജിയിൽ ബി.എ./ബി.എസ്സി. ബിരുദം വേണം.
- അഫിലിയേറ്റഡ് കോളേജുകളിലെ എം.എസ്സി. സൈക്കോളജി, എം.എസ്സി. കൗൺസലിങ് സൈക്കോളജി പ്രോഗ്രാമുകൾ
- യോഗ്യത: സൈക്കോളജിയിലെ ബി.എ./ബി.എസ്സി. ബിരുദം അല്ലെങ്കിൽ സൈക്കോളജി/ആനിമൽ ബിഹേവിയർ/ആനിമൽ ഓർ ഹ്യൂമൻ ഫിസിയോളജി/ചൈൽഡ് ഡെവലപ്മെന്റ്/ കൗൺസലിങ് എന്നിവയിലൊരു പേപ്പറെങ്കിലും പഠിച്ചിട്ടുള്ള മറ്റു വിഷയങ്ങളിലെ ബിരുദം വേണം.
- കേരള സർവകലാശാലയുടെ/കേരള സർവകലാശാല അംഗീകരിച്ച, സൈക്കോളജി/കൗൺസലിങ്ങിലെ ഒരുവർഷത്തെ ഡിപ്ലോമയോ ബി.എഡ്. ബിരുദമോ അധിക യോഗ്യതയായുള്ള ബിരുദധാരികൾക്കും അപേക്ഷിക്കാം.
മഹാത്മാഗാന്ധി സർവകലാശാല
- മഹാത്മാഗാന്ധി സർവകലാശാലയുടെ കീഴിലെ അഫിലിയേറ്റഡ് കോളേജുകളിൽ സൈക്കോളജി എം.എസ്സി.ക്ക് സൈക്കോളജി/റീഹാബിലിറ്റേഷൻ സയൻസ് ബിരുദധാരികൾക്ക് അപേക്ഷിക്കാം.
- എം.ജി. സർവകലാശാലയുടെ പഠനവകുപ്പിലെ എം.എസ്സി. സൈക്കോളജി പ്രോഗ്രാമിലേക്ക് ഏതു വിഷയത്തിൽ ബിരുദമുള്ളവർക്കും അപേക്ഷിക്കാം.
കാലിക്കറ്റ് സർവകലാശാല
- കാലിക്കറ്റ് സർവകലാശാല പഠനവകുപ്പ്: എം.എസ്സി. അപ്ലൈഡ് സൈക്കോളജി പ്രോഗ്രാം
- യോഗ്യത: സൈക്കോളജിയിലെ ബി.എ./ബി.എസ്സി.
- അഫിലിയേറ്റഡ് കോളേജുകൾ: കോഴ്സ്: എം.എസ്സി. ക്ലിനിക്കൽ സൈക്കോളജി
- യോഗ്യത: സൈക്കോളജി ബി.എ./ബി.എസ്സി.,എം.എസ്സി. സൈക്കോളജി-ബി.എസ്സി. സൈക്കോളജി.
കണ്ണൂർ സർവകലാശാലാ
- കണ്ണൂർ സർവകലാശാലാ പഠനവകുപ്പിൽ നടക്കുന്ന ക്ലിനിക്കൽ ആൻഡ് കൗൺസലിങ് സൈക്കോളജി കോഴ്സ്ലേക്ക് ഏതു വിഷയത്തിൽ ബിരുദമുള്ളവർക്കും അപേക്ഷിക്കാം.
- അഫിലിയേറ്റഡ് കോളേജിലെ എം.എസ്സി. കൗൺസലിങ് സൈക്കോളജി കോഴ്സിന് ഏതു വിഷയത്തിൽ ബിരുദമുള്ളവർക്കും അപേക്ഷിക്കാം.