വ്യോമയാനമന്ത്രാലയത്തിന് കീഴിലുള്ള ഇന്ദിരാഗാന്ധി രാഷ്ട്രീയ ഉറാൻ അക്കാദമിയിൽ കമേഴ്സ്യൽ പൈലറ്റ് ലൈസൻസ് കോഴ്സിലേക്ക് ജൂലായ് 17 വരെ ഓൺലൈനായി അപേക്ഷിക്കാം.
2022 ജനുവരി മുതൽ ആരംഭിക്കുന്ന നാലു ബാച്ചുകളിലേക്കാണ് അഡ്മിഷൻ. 24 മാസമാണ് കോഴ്സ് ദൈർഘ്യം.
പൈലറ്റ് ലൈസൻസിനൊപ്പം താല്പര്യമുണ്ടെങ്കിൽ 3 വർഷം നീണ്ടു നിൽക്കുന്ന B.Sc. (Aviation) ബിരുദവും നേടാനാവസരമുണ്ട്.
കോഴ്സ്/സീറ്റ്
- ആകെ സീറ്റുകൾ : 120
- സംവരണം: പട്ടികജാതിക്കാർക്ക് 18 സീറ്റും പട്ടികവർഗത്തിന് 10 സീറ്റും പിന്നാക്കവിഭാഗക്കാർക്ക് 32 സീറ്റും സാമ്പത്തിക പിന്നാക്ക വിഭാഗത്തിന് 12 സീറ്റും സംവരണമുണ്ട്.
യോഗ്യത:
- കണക്ക്, ഫിസിക്സ് എന്നിവയ്ക്ക് 50 ശതമാനത്തിൽ കുറയാത്ത മാർക്കോടെ പ്ലസ്ടു പാസാകണം.
- പിന്നാക്ക വിഭാഗക്കാർക്ക് 45 ശതമാനം മതി.
പ്രായം :
- കോഴ്സിനു ചേരുമ്പോൾ 17 വയസ്സ് പൂർത്തിയായിരിക്കണം.
തെരഞ്ഞെടുപ്പ്:
- ഓൺലൈൻ പരീക്ഷ, പൈലറ്റ് അഭിരുചി പരീക്ഷ, ഇന്റർവ്യൂ എന്നിവയുണ്ട്. ഇതിൽ വിജയിക്കുന്നവർ ഡയറക്ടർ ഓഫ് സിവിൽ ഏവിയേഷനിൽനിന്ന് ലഭിച്ച മെഡിക്കൽ സർട്ടിഫിക്കറ്റ് കരസ്ഥമാക്കണം.
- പരിപൂർണ ആരോഗ്യവും ആവശ്യത്തിന് പൊക്കം, വണ്ണം, തൂക്കം എന്നിവയുള്ളവർമാത്രം അപേക്ഷിച്ചാൽ മതി.
- തിരുവനന്തപുരം അടക്കം 18 പരീക്ഷാകേന്ദ്രങ്ങളുണ്ട്. ഓൺലൈൻ പരീക്ഷ ആഗസ്ത് 21ന് നടക്കും.
സിലബസ്:
പ്ലസ്ടു നിലവാരത്തിലുള്ള ഇംഗ്ലീഷ്, കണക്ക്, ഫിസിക്സ് ആനുകാലിക വിഷയങ്ങൾ എന്നിവയാണ്പ്ര വേശനപരീക്ഷയ്ക്ക് വരിക. നെഗറ്റീവ് മാർക്ക് ഇല്ല.
ഫീസ്:
- വളരെയധികം ചെലവുവരുന്ന കോഴ്സ് കൂടിയാണിത് ട്രെയിനിങ് ഫീസുതന്നെ 45 ലക്ഷം രൂപ വരും.
- യൂണിഫോം, പഠനോപകരണങ്ങൾ, താമസം ഭക്ഷണം തുടങ്ങിയ മറ്റുചെലവുകൾ വേറെ.
- അപേക്ഷാഫീസ് 12,000 രൂപ.
വിവരങ്ങൾക്കും ഓൺലൈനായി അപേക്ഷ സമർപ്പിക്കുന്നതിനും www.igrua.gov.in എന്ന വെബ്സൈറ്റ് സന്ദർശിക്കുക