തിരുവനന്തപുരം, എറണാകുളം, തൃശൂർ, കോഴിക്കോട് എന്നീ സർക്കാർ ലോ കോളജുകളിലെയും സ്വകാര്യ സ്വാശ്രയ ലോ കോളജുകളിലെയും പഞ്ചവത്സര ഇന്റഗ്രേറ്റഡ് എൽഎൽബി പ്രവേശനത്തിന് എൻട്രൻസ് പരീക്ഷാ കമ്മിഷണർ അപേക്ഷ ക്ഷണിച്ചു.
🔲 യോഗ്യത
- 45% എങ്കിലും മാർക്കോടെ പ്ലസ്ടു ജയിച്ചവർക്കും ഫലം കാത്തിരിക്കുന്നവർക്കും അപേക്ഷിക്കാം.
- പിന്നാക്ക/പട്ടിക വിഭാഗക്കാർക്ക് യഥാക്രമം 42% / 40% മാർക്ക് മതി.
- 2021 ഡിസംബർ 31ന് 17 വയസ്സ് തികയണം.
ബാച്‌ലർ ബിരുദവും നിയമബിരുദവും ചേർത്തു നൽകുന്ന ബിരുദമാണു ലഭിക്കുക.
- കോഴ്‌സിന്റെ അവസാന 6 മാസം പ്രായോഗിക പരിശീലനവുമുണ്ടാകും.
- 4 സർക്കാർ കോളജുകളിലായി ആകെ 360 സീറ്റുണ്ട്.
- 19 സ്വകാര്യ കോളജകളിൽ 2112 സീറ്റുകളും.
- പ്രഫഷനൽ കോളജ് പ്രവേശനത്തിന് കേരള സർക്കാർ മാനദണ്ഡപ്രകാരം സംവരണവുമുണ്ട്.
🔲 പരീക്ഷാ രീതി
കംപ്യൂട്ടർ അധിഷ്ഠിത എൻട്രൻസ് പരീക്ഷയിൽ 10% എങ്കിലും മാർക്ക് നേടണം. പട്ടികവിഭാഗം 5%.
കേരളത്തിലെ എല്ലാ ജില്ലകളിലും നടത്തുന്ന 2 മണിക്കൂർ എൻട്രൻസ് പരീക്ഷയിൽ ആകെ 200 ഒബ്‌ജെക്‌ടീവ് ചോദ്യങ്ങൾ ഉണ്ടാകും
- ◾ പൊതുവിജ്‌ഞാനം (45)
- ◾ ജനറൽ ഇംഗ്ലിഷ് (60)
- ◾ നിയമപഠനത്തിനുള്ള അഭിരുചി (70)
- ◾ കണക്കും മാനസികശേഷി (25)
ഓരോ ശരിയുത്തരത്തിനും 3 മാർക്ക്. തെറ്റിന് ഒരു മാർക്കു കുറയ്ക്കും. പരീക്ഷാ തീയതിയും സമയവും പിന്നീടറിയിക്കും.
🔲 അപേക്ഷ
- അപേക്ഷ 28ന് വൈകിട്ട് 4 വരെ www.cee.kerala.gov.in എന്ന സൈറ്റിൽ സ്വീകരിക്കും.
- അപേക്ഷാഫീ 685 രൂപ. പട്ടികവിഭാഗം 345 രൂപ.
- ഇ–ചലാൻ വഴി പോസ്റ്റ് ഓഫിസിൽ അടയ്ക്കാനും സൗകര്യമുണ്ട്.
Tags:
EDUCATION
