നീറ്റ് അപേക്ഷകരുടെ ശ്രദ്ധക്ക്: തിരുത്തൽ ഇന്ന് രാത്രി വരെ മാത്രം - അപേക്ഷ ഒന്നുകൂടി പരിശോധിച്ച് ഉറപ്പാക്കണമെന്ന് NTA
നീറ്റ് യു.ജി പരീക്ഷക്ക് വേണ്ടി സമർപ്പിച്ച ഒാൺലൈൻ അപേക്ഷകളിൽ തിരുത്തലിനുള്ള അവസാന അവസരം വ്യാഴാഴ്ച രാത്രി 11.50ന് അവസാനിക്കും.
അപേക്ഷയിൽ ജെൻഡർ, പൗരത്വം (നാഷനാലിറ്റി), ഇ-മെയിൽ, കാറ്റഗറി, സബ് കാറ്റഗറി തുടങ്ങിയവയിലാണ് തിരുത്തൽ അനുവദിക്കുക.
അപേക്ഷകർ ഇ-മെയിൽ വിലാസം ഒരിക്കൽ കൂടി പരിശോധിച്ച് ഉറപ്പാക്കണമെന്ന് എൻ.ടി.എ പ്രസിദ്ധീകരിച്ച സർക്കുലറിൽ നിർദേശിച്ചിട്ടുണ്ട്.
അപേക്ഷയിൽ നൽകുന്ന ഇ-മെയിൽ വിലാസത്തിലായിരിക്കും പരീക്ഷയുടെ സ്കാൻ ചെയ്ത ഒ.എം.ആർ ഉത്തരക്കടലാസിെൻറ പകർപ്പും സ്കോർ കാർഡും അയക്കുക.
