2024-ലെ 4 വർഷത്തെ ഇന്റഗ്രേറ്റഡ് ടീച്ചർ എജ്യുക്കേഷൻ പ്രോഗ്രാമിലേക്കുള്ള (ഐടിപിഇ) ദേശീയ അധ്യാപക യോഗ്യതാ പരീക്ഷയ്ക്ക് (എൻസിടിഇ) ഇപ്പോൾ അപേക്ഷിക്കാം. ഓൺലൈനിൽ അപേക്ഷിക്കാനുള്ള അവസാന തീയതി ഏപ്രിൽ 30, രാത്രി 11:30 ആണ്.
12-ാം ക്ലാസ് പാസായവർക്ക് അപേക്ഷിക്കാം.
എന്താണ് ഐടിപിഇ ?
ഐടിപിഇ ഒരു ഇരട്ട ബിരുദ പ്രോഗ്രാമാണ്. ഇതിൽ വിദ്യാർത്ഥികൾക്ക് അവരുടെ തിരഞ്ഞെടുത്ത വിഷയത്തിലും അധ്യാപനത്തിലും പ്രാവീണ്യം നേടാം. ഈ പ്രോഗ്രാം പൂർത്തിയാക്കുന്നവർക്ക് സർക്കാർ, സ്വകാര്യ സ്കൂളുകളിൽ അദ്ധ്യാപകരായി ജോലി ലഭിക്കാൻ അർഹതയുണ്ട്. 2030 മുതൽ അധ്യാപകജോലിക്ക് ഈ യോഗ്യത നിർബന്ധമാകാൻ സാധ്യതയുണ്ട്.
ഈ പുതിയ ബി.എഡ് പ്രോഗ്രാം തിരഞ്ഞെടുത്ത ഐച്ഛിക വിഷയത്തിലും അധ്യാപനത്തിലും പ്രാവീണ്യം നേടാൻ നിങ്ങളെ സഹായിക്കും. ഇത് നിങ്ങളെ രണ്ട് വ്യത്യസ്ത മേഖലകളിൽ വിദഗ്ദ്ധനാക്കുകയും തൊഴിൽ സാധ്യതകൾ വിപുലീകരിക്കുകയും ചെയ്യും.
യോഗ്യത:
- 12-ാം ക്ലാസ് പാസായവർക്ക് അപേക്ഷിക്കാം.
- ഈ വർഷം 12–ാം ക്ലാസ് പരീക്ഷ എഴുതിയവർക്കും അപേക്ഷിക്കാം
- മിനിമം മാർക്ക് നിബന്ധനയില്ല.
- പ്രായപരിധിയുമില്ല.
പരീക്ഷാ ഫീസ്:
- 1200 രൂപ (സാധാരണ വിഭാഗം)
- 1000 രൂപ (പിന്നാക്ക, സാമ്പത്തിക പിന്നാക്ക വിഭാഗം)
- 650 രൂപ (പട്ടിക, ഭിന്നശേഷി, ട്രാൻസ്ജെൻഡർ വിഭാഗം)
പരീക്ഷാ വിവരങ്ങൾ:
- പരീക്ഷാ രീതി: ഓൺലൈൻ കംപ്യൂട്ടർ അധിഷ്ഠിത പരീക്ഷ.
- മൾട്ടിപ്പിൾ ചോയ്സ് ചോദ്യങ്ങൾ.
- 13 ഭാഷകളിൽ ലഭ്യമാണ്.
- 180 മിനിറ്റ് സമയം.
- നെഗറ്റിവ് മാർക്കുണ്ട്
- രണ്ട് ഘട്ടങ്ങളിലായി നടക്കും.
പരീക്ഷാ കേന്ദ്രങ്ങൾ
- 78 പരീക്ഷാകേന്ദ്രങ്ങളിൽ നിന്നും രണ്ടെണ്ണം തിരഞ്ഞെടുക്കാം
- കേരളത്തിലെ കേന്ദ്രങ്ങൾ : തിരുവനന്തപുരം, കോട്ടയം, ഇടുക്കി, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, കണ്ണൂർ, കവരത്തി(ലക്ഷദ്വീപ്).
- പരീക്ഷാകേന്ദ്രം മേയ് അവസാനവാരം അറിയിക്കും.
പ്രവേശനം ലഭിക്കുന്ന സ്ഥാപനങ്ങൾ:
- ഐഐടികൾ
- എൻഐടികൾ
- കേന്ദ്ര/സംസ്ഥാന സർവകലാശാലകൾ
- റീജിയണൽ ഇൻസ്റ്റിറ്റ്യൂട്ട്സ് ഓഫ് എജ്യുക്കേഷൻ
- സർക്കാർ കോളേജുകൾ
- 64 സ്ഥാപനങ്ങളിലെ 6100 സീറ്റുകളിലേക്കാണ് ഇത്തവണ പ്രവേശനം.
കേരളത്തിലെ സ്ഥാപനങ്ങൾ:
- എൻഐടി, കോഴിക്കോട്: ബി.എസ്.സി-ബി.എഡ് (50 സീറ്റുകൾ)
- കേന്ദ്ര സർവകലാശാല, കാസർകോട്: ബി.എ-ബി.എഡ്, ബി.എസ്.സി-ബി.എഡ്, ബി.കോം-ബി.എഡ് (50 സീറ്റുകൾ)
- സെൻട്രൽ സംസ്ക്രിറ്റ് യൂണിവേഴ്സിറ്റി ഗുരുവായൂർ ക്യാംപസ്: ബി.എ-ബി.എഡ് (100 സീറ്റുകൾ)
അപേക്ഷിക്കുന്നതെങ്ങനെ:
https://ncet.samarth.ac.in ൽ നിന്ന് ഓൺലൈനിൽ അപേക്ഷിക്കുക.
കൂടുതൽ വിവരങ്ങൾക്ക്:
www.nta.ac.in
വിശദമായ വിവരങ്ങൾക്ക് NTA-യുടെ ഇൻഫർമേഷൻ ബുള്ളറ്റിൻ പരിശോധിക്കുക.
ഹെൽപ്ലൈൻ: 011-40759000
email : ncet@nta.ac.in
പുതിയ തൊഴിൽ അവസരങ്ങളും വിദ്യഭ്യാസ വാർത്തകളും ദിവസവും അറിയാൻ ഇപ്പോൾ തന്നെ WнaтѕAρρ ഗ്രൂപ്പിൽ ജോയിൻ ചെയ്യൂ..👇 📱https://bn1.short.gy/CareerLokam
Tags:
EDUCATION