എന്താണ് പ്രിന്റിങ് ടെക്നോളജി?
അച്ചടി ഉപകരണങ്ങളുടെ രൂപകൽപ്പന, നിർമ്മാണം, പ്രവർത്തനം, പരിപാലനം എന്നിവയെക്കുറിച്ചുള്ള പഠനമാണ് പ്രിന്റിങ് ടെക്നോളജി. ഒരു ആശയം ഒരു പേജിലേക്ക് എത്തിക്കുന്നതിനുള്ള എല്ലാ പ്രക്രിയകളും ഇതിൽ ഉൾപ്പെടുന്നു.
അച്ചടി ഒരു കല, ഒരു ശാസ്ത്രം
- പ്രിന്റിങ് ടെക്നോളജി എന്നത് കലയെയും ശാസ്ത്രത്തെയും സമന്വയിപ്പിക്കുന്ന ഒരു മേഖലയാണ്. ഒരു വശത്ത്, ഡിസൈൻ, ടൈപ്പോഗ്രഫി എന്നിവയിലൂടെ കലാത്മകമായ സൃഷ്ടികൾ സാധ്യമാക്കുന്നു. മറുവശത്ത്, അച്ചടിയന്ത്രങ്ങളുടെ സങ്കീർണമായ പ്രവർത്തനങ്ങളെക്കുറിച്ചുള്ള ശാസ്ത്രീയമായ അറിവും ഇതിന് അനിവാര്യമാണ്.
വിശാലമായ തൊഴിൽ സാധ്യതകൾ
- പ്രിന്റിങ് ടെക്നോളജിയിൽ ബിരുദം നേടുന്നവർക്ക് അച്ചടിമാധ്യമങ്ങൾ, പാക്കേജിങ് ഇൻഡസ്ട്രി, പരസ്യം, മാർക്കറ്റിംഗ് എന്നീ മേഖലകളിൽ വിശാലമായ തൊഴിൽ സാധ്യതകളുണ്ട്. പ്രിന്റിങ് പ്രെസ്സുകളിൽ സൂപ്രണ്ട്, ടെക്‌നീഷ്യൻ, ക്വാളിറ്റി കൺട്രോൾ എക്‌സ്‌പർട്ട് തുടങ്ങിയ പദവികളിൽ ജോലി ചെയ്യാം.
- സ്വന്തമായി ഒരു പ്രിന്റിങ് പ്രസ്സ് ആരംഭിക്കുകയോ, ഗ്രാഫിക് ഡിസൈനിംഗിൽ ഏർപ്പെടുകയോ ചെയ്യാം. ഡിജിറ്റൽ പ്രിന്റിംഗ്, ത്രീഡി പ്രിന്റിംഗ് തുടങ്ങിയ വളർന്നുവരുന്ന മേഖലകളിലും അവസരങ്ങൾ ഏറെയാണ്.
പഠനം എങ്ങനെ?
പ്രിന്റിങ് ടെക്നോളജിയിൽ സർട്ടിഫിക്കറ്റ്, ഡിപ്ലോമ, ബിരുദം, ബിരുദാനന്തര ബിരുദം, പിഎച്ച്ഡി തലങ്ങളിലുള്ള കോഴ്സുകൾ ലഭ്യമാണ്.
എസ്എസ്എൽസി/പ്ലസ്ടു പാസായവർക്ക് സർട്ടിഫിക്കറ്റ്/ഡിപ്ലോമ കോഴ്സുകൾക്കും, മാത്സ്, ഫിസിക്സ്, കെമിസ്ട്രി സഹിതം പ്ലസ്ടു പാസായവർക്ക് ബിടെക്/ബിഇ പ്രോഗ്രാമുകൾക്കും ചേരാം.
എന്തൊക്കെയാണ് പഠിക്കുന്നത്?
പ്രിന്റിങ് എൻജിനീയർമാർ അച്ചടിയന്ത്രങ്ങളുടെ രൂപകൽപന, പ്രവർത്തനം, പരിപാലനം തുടങ്ങിയ മേഖലകളിൽ പ്രത്യേക പരിശീലനം നേടുന്നു.
അച്ചടി പ്രക്രിയയുടെ വിവിധ ഘട്ടങ്ങളെക്കുറിച്ചുള്ള വിശദമായ അറിവ്, ഗ്രാഫിക് ഡിസൈൻ, മെറ്റീരിയൽ സയൻസ് തുടങ്ങിയ വിഷയങ്ങളും പഠന പദ്ധതിയിൽ ഉൾപ്പെടുത്തിയിരിക്കുന്നു.
എവിടെയാണ് ജോലി ലഭിക്കുക?
പ്രിന്റിങ് ടെക്നോളജിയിൽ ബിരുദം നേടിയവർക്ക് അച്ചടി മാധ്യമങ്ങൾ, പ്രിന്റിങ് ഇൻഡസ്ട്രി (പ്രസുകൾ, മാനുഫാക്ചറിങ്, മെയ്ന്റനൻസ്), പാക്കേജിങ് ഇൻഡസ്ട്രി എന്നീ മേഖലകളിൽ വിപുലമായ തൊഴിൽ സാധ്യതകളുണ്ട്. അധ്യാപന മേഖലയിലും ഇവർക്ക് മികച്ച അവസരങ്ങൾ ലഭിക്കും.
പഠനം എവിടെ?
ഇന്ത്യയിലെ നിരവധി പ്രമുഖ വിദ്യാഭ്യാസ സ്ഥാപനങ്ങളിൽ പ്രിന്റിങ് ടെക്നോളജിയിൽ ബിരുദ, ബിരുദാനന്തര ബിരുദ പഠനങ്ങൾ ലഭ്യമാണ്.
മണിപ്പാൽ യൂണിവേഴ്സിറ്റി, കോളജ് ഓഫ് എൻജിനീയറിങ് ചെന്നൈ, ജാദവ്പുർ യൂണിവേഴ്സിറ്റി കൊൽക്കത്ത തുടങ്ങിയവ ഇതിൽ ചിലതാണ്. കൂടാതെ, സർട്ടിഫിക്കറ്റ്, ഡിപ്ലോമ തലത്തിലുള്ള കോഴ്സുകളും ലഭ്യമാണ്.
പ്രധാന സ്ഥാപനങ്ങൾ
- മണിപ്പാൽ യൂണിവേഴ്സിറ്റി: പ്രിന്റിങ് ടെക്നോളജി (മീഡിയ ടെക്നോളജി)
- കോളജ് ഓഫ് എൻജിനീയറിങ് ചെന്നൈ: ബിഇ / എംഇ പ്രിന്റിങ് ആൻഡ് പാക്കേജിങ് ടെക്നോളജി
- ഇൻസ്റ്റിറ്റ്യൂട്ട് ഓഫ് എൻജിനീയറിങ് ആൻഡ് ടെക്നോളജി കാലിക്കറ്റ് യൂണിവേഴ്സിറ്റി: ബിടെക് പ്രിന്റിങ് ടെക്നോളജി
- ജാദവ്പുർ യൂണിവേഴ്സിറ്റി കൊൽക്കത്ത: ബിഇ പ്രിന്റിങ് എൻജിനീയറിങ്, എംഇ പ്രിന്റിങ് എൻജിനീയറിങ് ആൻഡ് ഗ്രാഫിക് കമ്യൂണിക്കേഷൻ
- അവിനാശിലിംഗം ഇൻസ്റ്റിറ്റ്യൂട്ട് ഫോർ ഹോം സയൻസ് ആൻഡ് ഹയർ എജ്യുക്കേഷൻ ഫോർ വിമൻ, കോയമ്പത്തൂർ: ബിഇ പ്രിന്റിങ് ടെക്നോളജി
3 വർഷ ഡിപ്ലോമ
- ഡോ. ടി.എം.എ.പൈ പോളിടെക്നിക്, മണിപ്പാൽ
- ഗവ. പോളിടെക്നിക്, ഷൊർണൂർ
- അരശൻ ഗണേശൻ പോളിടെക്നിക്, ശിവകാശി
- ഗവ. ഇൻസ്റ്റിറ്റ്യൂട്ട് പ്രിന്റിങ് ടെക്നോളജി, മുംബൈ
സർട്ടിഫിക്കറ്റ് / ഡിപ്ലോമ
- ഡോൺ ബോസ്കോ ഇൻസ്റ്റിറ്റ്യൂട്ട് ഓഫ് ഗ്രാഫിക് ആർട്സ് കമ്യൂണിക്കേഷൻ ടെക്നോളജി, കൊച്ചി: 2 വർഷ ഡിപ്ലോമ പ്രിന്റിങ് ടെക്നോളജി
- കേരള സ്റ്റേറ്റ് സെന്റർ ഫോർ അഡ്വാൻസ്ഡ് പ്രിന്റിങ് & ട്രെയ്നിങ്, സാങ്കേതിക വിദ്യാഭ്യാസ വകുപ്പ് എന്നിവ ചേർന്നു നടത്തുന്ന ഒരുവർഷ പ്രോഗ്രാമുകൾ: കെജിടിഇ പ്രിന്റിങ് ടെക്നോളജി (പ്രീപ്രസ് ഓപ്പറേഷൻ / പ്രസ് വർക്ക് / പോസ്റ്റ് പ്രസ് ഓപ്പറേഷൻ ആൻഡ് ഫിനിഷിങ്) കോഴ്സ്, സർട്ടിഫിക്കറ്റ് ഇൻ ഓഫ്സെറ്റ് പ്രിന്റിങ് ടെക്നോളജി.
പുതിയ തൊഴിൽ അവസരങ്ങളും വിദ്യഭ്യാസ വാർത്തകളും ദിവസവും അറിയാൻ ഇപ്പോൾ തന്നെ WнaтѕAρρ ഗ്രൂപ്പിൽ ജോയിൻ ചെയ്യൂ..👇 📱https://bn1.short.gy/CareerLokam
