കേന്ദ്ര പ്രതിരോധ വകുപ്പിൽ 1.12 ലക്ഷം വരെ ശമ്പളം; സീനിയർ ടെക്നിക്കൽ അസിസ്റ്റന്റ്, ടെക്നീഷ്യൻ ഒഴിവുകൾ; പത്താം ക്ലാസ്സ്/ ഐ.ടി.ഐ/ ഡിപ്ലോമക്കാർക്ക് അപേക്ഷിക്കാം

കേന്ദ്ര പ്രതിരോധ മന്ത്രാലയത്തിന് കീഴിലുള്ള ഡിഫൻസ് റിസർച്ച് ആൻഡ് ഡെവലപ്മെന്റ് ഓർഗനൈസേഷനിൽ (DRDO) വമ്പൻ തൊഴിലവസരം. സെന്റർ ഫോർ പേഴ്സണൽ ടാലന്റ് മാനേജ്മെന്റ് (CEPTAM) വഴി 764 ഒഴിവുകളിലേക്ക് അപേക്ഷ ക്ഷണിച്ചു.

സീനിയർ ടെക്നിക്കൽ അസിസ്റ്റന്റ് ബി (STA-B), ടെക്നീഷ്യൻ എ (Tech-A) എന്നീ തസ്തികകളിലേക്കാണ് നിയമനം. യോഗ്യരായ ഉദ്യോഗാർത്ഥികൾക്ക് 2026 ജനുവരി 1  January 11 വരെ ഓൺലൈനായി അപേക്ഷിക്കാം.

ഒഴിവുകളും യോഗ്യതയും

1. സീനിയർ ടെക്നിക്കൽ അസിസ്റ്റന്റ്-ബി (STA-B): 561 ഒഴിവുകൾ

• യോഗ്യത: ബന്ധപ്പെട്ട വിഷയത്തിൽ ബി.എസ്സി (B.Sc) അല്ലെങ്കിൽ 3 വർഷത്തെ എൻജിനീയറിങ് ഡിപ്ലോമ.

• ശമ്പളം: ലെവൽ 6 (₹35,400 – ₹1,12,400).

2. ടെക്നീഷ്യൻ-എ (Tech-A): 203 ഒഴിവുകൾ

• യോഗ്യത: പത്താം ക്ലാസ്സ് ജയം + ബന്ധപ്പെട്ട ട്രേഡിൽ ഐ.ടി.ഐ (ITI) സർട്ടിഫിക്കറ്റ്.

• ശമ്പളം: ലെവൽ 2 (₹19,900 – ₹63,200).

⚠️ പ്രത്യേകം ശ്രദ്ധിക്കുക: ഈ തസ്തികകളിലേക്ക് ഉയർന്ന യോഗ്യതയുള്ളവരെ (M.Sc, B.Tech, B.E, Ph.D) പരിഗണിക്കുന്നതല്ല. നിർദ്ദിഷ്ട യോഗ്യത ഉള്ളവർ മാത്രം അപേക്ഷിക്കുക.

പ്രായപരിധി

18 വയസ്സിനും 28 വയസ്സിനും ഇടയിൽ (2026 ജനുവരി 1 അടിസ്ഥാനമാക്കി). സംവരണ വിഭാഗങ്ങൾക്ക് നിയമാനുസൃതമായ ഇളവ് ലഭിക്കും.

അപേക്ഷാ ഫീസ്

സ്ത്രീകൾ, SC/ST, ഭിന്നശേഷിക്കാർ, വിമുക്തഭടന്മാർ എന്നിവർക്ക് 500 രൂപ (ഇത് പരീക്ഷ എഴുതിയാൽ തിരികെ ലഭിക്കും). മറ്റുള്ളവർക്ക് 750 രൂപ (ഇതിൽ 500 രൂപ പരീക്ഷ എഴുതിയാൽ തിരികെ ലഭിക്കും).

അപേക്ഷിക്കേണ്ട വിധം

www.drdo.gov.in എന്ന ഔദ്യോഗിക വെബ്സൈറ്റ് വഴി ഓൺലൈനായി അപേക്ഷ സമർപ്പിക്കാം.