കേരള റബ്ബർ ലിമിറ്റഡിൽ തൊഴിലവസരം; മാനേജർ, പ്രോജക്ട് എൻജിനീയർ ഒഴിവുകൾ; ശമ്പളം 89,000 രൂപ വരെ

സംസ്ഥാന സർക്കാരിന്റെ കീഴിലുള്ള കേരള റബ്ബർ ലിമിറ്റഡിൽ (KRL) വിവിധ തസ്തികകളിലേക്ക് കരാർ അടിസ്ഥാനത്തിൽ നിയമനം നടത്തുന്നതിന് അപേക്ഷ ക്ഷണിച്ചു. സെന്റർ ഫോർ മാനേജ്മെന്റ് ഡെവലപ്മെന്റ് (CMD) വഴിയാണ് റിക്രൂട്ട്മെന്റ് നടപടികൾ പുരോഗമിക്കുന്നത്. പ്രോജക്ട് എൻജിനീയർ, മാനേജർ തസ്തികകളിലായി രണ്ട് ഒഴിവുകളാണുള്ളത്. യോഗ്യരായ ഉദ്യോഗാർത്ഥികൾക്ക് ഓൺലൈനായി അപേക്ഷ സമർപ്പിക്കാം.

ഒഴിവുകളും ശമ്പളവും

മാനേജർ (ഫിനാൻസ് ആൻഡ് അക്കൗണ്ട്സ്) തസ്തികയിൽ ഒരു ഒഴിവാണുള്ളത്. തിരഞ്ഞെടുക്കപ്പെടുന്നവർക്ക് 79,000 രൂപ മുതൽ 89,000 രൂപ വരെ പ്രതിമാസ ശമ്പളം ലഭിക്കും. പ്രോജക്ട് എൻജിനീയർ (ഇലക്ട്രിക്കൽ) തസ്തികയിലും ഒരു ഒഴിവ് റിപ്പോർട്ട് ചെയ്തിട്ടുണ്ട്. ഈ തസ്തികയിലേക്ക് 35,000 രൂപയാണ് പ്രതിമാസ വേതനം നിശ്ചയിച്ചിരിക്കുന്നത്.

വിദ്യാഭ്യാസ യോഗ്യതയും പ്രായപരിധിയും

മാനേജർ (ഫിനാൻസ്) തസ്തികയിലേക്ക് അപേക്ഷിക്കുന്നവർ സി.എ (CA), സി.എം.എ (CMA) അല്ലെങ്കിൽ ഐ.സി.ഡബ്ല്യു.എ (ICWA) യോഗ്യത നേടിയവരായിരിക്കണം. കൂടാതെ പ്രശസ്തമായ സ്ഥാപനങ്ങളിൽ അക്കൗണ്ട്സ്/ഫിനാൻസ് വിഭാഗത്തിൽ 8 വർഷത്തെ പ്രവൃത്തിപരിചയം നിർബന്ധമാണ്. 45 വയസ്സാണ് ഉയർന്ന പ്രായപരിധി. പ്രോജക്ട് എൻജിനീയർ തസ്തികയിലേക്ക് ഇലക്ട്രിക്കൽ എൻജിനീയറിങ്ങിൽ ബി.ടെക് ബിരുദവും രണ്ട് വർഷത്തെ പ്രവൃത്തിപരിചയവുമാണ് യോഗ്യത. ഇതിൽ ഒരു വർഷം സബ്സ്റ്റേഷൻ സംബന്ധമായ ജോലികളിലുള്ള പരിചയമായിരിക്കണം. 35 വയസ്സാണ് ഈ തസ്തികയുടെ ഉയർന്ന പ്രായപരിധി.

അപേക്ഷിക്കേണ്ട വിധം

താൽപ്പര്യമുള്ള ഉദ്യോഗാർത്ഥികൾക്ക് സി.എം.ഡി കേരളയുടെ ഔദ്യോഗിക വെബ്സൈറ്റായ www.cmd.kerala.gov.in വഴി ഓൺലൈനായി അപേക്ഷിക്കാം. ഈ റിക്രൂട്ട്മെന്റിലേക്ക് അപേക്ഷാ ഫീസ് ആവശ്യമില്ല എന്നത് ഉദ്യോഗാർത്ഥികൾക്ക് ആശ്വാസകരമാണ്. അപേക്ഷ സ്വീകരിക്കുന്ന അവസാന തീയതി 2026 ജനുവരി 28 ആണ്. ഷോർട്ട്ലിസ്റ്റ് ചെയ്യപ്പെടുന്ന ഉദ്യോഗാർത്ഥികളെ ഇന്റർവ്യൂവിന് ക്ഷണിക്കും.

🩺 Career Clinic - സംശയങ്ങൾ ചോദിക്കാം!

താഴെ വിവരങ്ങൾ നൽകുക. വിദഗ്ദ്ധർ മറുപടി നൽകും.

Please enable JavaScript in your browser to complete this form.

Name *

First

Last

Ask Name Doubt

WhatsApp Number *

Email *

Ask Your Doubt

Submit