പെൺകുട്ടികൾക്ക് 13,000 രൂപ വരെ ലഭിക്കുന്ന സ്കോളർഷിപ്പ്; ഹോസ്റ്റൽ സ്റ്റൈപ്പന്റിനും അപേക്ഷിക്കാം
ന്യൂനപക്ഷ മതവിഭാഗങ്ങളിലെ (മുസ്ലീം, ക്രിസ്ത്യൻ, സിഖ്, ബുദ്ധ, ജൈന, പാഴ്സി) പെൺകുട്ടികൾക്കായി സംസ്ഥാന ന്യൂനപക്ഷ ക്ഷേമ വകുപ്പ് നൽകുന്ന ‘സി.എച്ച്. മുഹമ്മദ് കോയ സ്കോളർഷിപ്പ് / ഹോസ്റ്റൽ സ്റ്റൈപന്റ്’ (2025-26)-ലേക്ക് അപേക്ഷ ക്ഷണിച്ചു.
കേരളത്തിലെ സർക്കാർ/എയ്ഡഡ് സ്ഥാപനങ്ങളിൽ ബിരുദം, ബിരുദാനന്തര ബിരുദം, പ്രൊഫഷണൽ കോഴ്സുകൾ പഠിക്കുന്നവർക്കും, സ്വാശ്രയ കോളേജുകളിൽ മെറിറ്റ് സീറ്റിൽ പ്രവേശനം നേടിയവർക്കും അപേക്ഷിക്കാം.
സ്കോളർഷിപ്പ് തുകകൾ
ഒരു വിദ്യാർത്ഥിനിക്ക് സ്കോളർഷിപ്പ് അല്ലെങ്കിൽ ഹോസ്റ്റൽ സ്റ്റൈപന്റ് എന്നിവയിൽ ഏതെങ്കിലും ഒന്നിന് മാത്രമേ അപേക്ഷിക്കാൻ സാധിക്കൂ.
ബിരുദം (Degree): ₹5,000.
ബിരുദാനന്തര ബിരുദം (PG): ₹6,000.
പ്രൊഫഷണൽ കോഴ്സ്: ₹7,000.
ഹോസ്റ്റൽ സ്റ്റൈപന്റ്: ₹13,000 (സർക്കാർ/സർവകലാശാല അംഗീകൃത ഹോസ്റ്റലുകളിൽ നിൽക്കുന്നവർക്ക്).
അർഹതാ മാനദണ്ഡങ്ങൾ
മാർക്ക്: യോഗ്യതാ പരീക്ഷയിൽ 50% ത്തിൽ കുറയാത്ത മാർക്ക് ഉണ്ടായിരിക്കണം.
വരുമാനം: കുടുംബ വാർഷിക വരുമാനം 8 ലക്ഷം രൂപയിൽ കവിയരുത് (ബി.പി.എൽ വിഭാഗത്തിന് മുൻഗണന).
കേരളത്തിൽ സ്ഥിര താമസക്കാരായിരിക്കണം.
ആദ്യ വർഷങ്ങളിൽ അപേക്ഷിക്കാൻ കഴിയാത്തവർക്കും ഇപ്പോൾ അപേക്ഷിക്കാം.
അപേക്ഷിക്കേണ്ട വിധം
www.mwdscholarship.kerala.gov.in എന്ന വെബ്സൈറ്റ് വഴി ഓൺലൈനായി അപേക്ഷ സമർപ്പിക്കണം. ഓൺലൈൻ അപേക്ഷയുടെ പ്രിന്റൗട്ടും അനുബന്ധ രേഖകളും 2025 ജനുവരി 9-നകം പഠിക്കുന്ന സ്ഥാപനമേധാവിക്ക് സമർപ്പിക്കേണ്ടതാണ്.
കൂടുതൽ വിവരങ്ങൾക്ക്: 0471-2300523, 0471 2300524.
പുതിയ തൊഴിൽ അവസരങ്ങളും വിദ്യഭ്യാസ വാർത്തകളും ദിവസവും അറിയാൻ
ഇപ്പോൾ തന്നെ WнaтѕAρρ ഗ്രൂപ്പിൽ ജോയിൻ ചെയ്യൂ..👇
📱.
🩺 Career Clinic - സംശയങ്ങൾ ചോദിക്കാം!
താഴെ വിവരങ്ങൾ നൽകുക. വിദഗ്ദ്ധർ മറുപടി നൽകും.
