പോളിടെക്നിക് ഡിപ്ലോമ പ്രവേശനം 2025: പ്രൊവിഷണൽ റാങ്ക് ലിസ്റ്റും ട്രയൽ അലോട്ട്മെൻ്റും പ്രസിദ്ധീകരിച്ചു!

പോളിടെക്നിക് ഡിപ്ലോമ പ്രവേശനം 2025: റാങ്ക് ലിസ്റ്റും ട്രയൽ അലോട്ട്മെൻ്റും

2025-26 അധ്യയന വർഷത്തെ പോളിടെക്നിക് ഡിപ്ലോമ പ്രവേശനവുമായി ബന്ധപ്പെട്ട് പ്രധാനപ്പെട്ടൊരു അറിയിപ്പ്. അപേക്ഷകരുടെ പ്രൊവിഷണൽ റാങ്ക് ലിസ്റ്റും ട്രയൽ അലോട്ട്മെൻ്റും ഇപ്പോൾ www.polyadmission.org എന്ന വെബ്സൈറ്റിൽ പ്രസിദ്ധീകരിച്ചിട്ടുണ്ട്.

ട്രയൽ റാങ്കും അലോട്ട്മെൻ്റും പരിശോധിക്കാം

അപേക്ഷകർക്ക് അവരുടെ ആപ്ലിക്കേഷൻ നമ്പർ, രജിസ്ട്രേഷൻ നമ്പർ, മൊബൈൽ നമ്പർ ഇവയിൽ ഏതെങ്കിലും ഒന്നും ജനന തീയതിയും നൽകി ‘Trial Rank Details’, ‘Trial allotment details’ എന്നീ ലിങ്കുകൾ വഴി തങ്ങളുടെ ട്രയൽ റാങ്കും, ലഭിക്കാൻ സാധ്യതയുള്ള അലോട്ട്മെൻ്റും പരിശോധിക്കാവുന്നതാണ്.

ഓപ്ഷനുകളിൽ മാറ്റങ്ങൾ വരുത്താൻ അവസരം

അപേക്ഷകർക്ക് ഓൺലൈനായി ഓപ്ഷനുകളിൽ മാറ്റം വരുത്തുന്നതിനും, അപേക്ഷകളിൽ തിരുത്തലുകൾ നടത്തുന്നതിനും 2025 ജൂൺ 21-ന് വൈകിട്ട് 5 മണി വരെ സമയമുണ്ട്. ഈ അവസരം പ്രയോജനപ്പെടുത്തി വിദ്യാർത്ഥികൾക്ക് തങ്ങളുടെ പ്രവേശന സാധ്യതകൾ മെച്ചപ്പെടുത്താൻ കഴിയും.

ഓൺലൈൻ തിരുത്തലുകൾക്ക് ബുദ്ധിമുട്ട് നേരിടുന്നവരും മറ്റ് സംശയ നിവാരണങ്ങൾക്കും ഏറ്റവും അടുത്തുള്ള ഗവൺമെൻ്റ് / എയ്ഡഡ് / ഗവൺമെൻ്റ് കോസ്റ്റ് ഷെയറിംഗ് പോളിടെക്നിക് കോളേജിലെ ഹെൽപ് ഡെസ്ക്കുമായി ബന്ധപ്പെടാവുന്നതാണ്. പ്രവേശന നടപടികൾ സുഗമമാക്കാൻ ഹെൽപ് ഡെസ്ക്കുകൾ എല്ലാ സഹായങ്ങളും നൽകും.