പ്ലസ് ടു കഴിഞ്ഞവർക്കും ബിരുദധാരികൾക്കും കമ്പനി സെക്രട്ടറി (CS) ആകാം; കോർപ്പറേറ്റ് ലോകത്തെ ഉന്നത പദവി; ജൂൺ പരീക്ഷയ്ക്ക് ഫെബ്രുവരി 15 വരെ അപേക്ഷിക്കാം
ഇന്ത്യയിലെ കോർപ്പറേറ്റ് മേഖല അതിവേഗം വളർന്നുകൊണ്ടിരിക്കുമ്പോൾ, കമ്പനികളുടെ നിയമപരവും ഭരണപരവുമായ കാര്യങ്ങൾ നിയന്ത്രിക്കുന്ന വിദഗ്ധർക്ക് പ്രിയമേറുന്നു.
കോർപ്പറേറ്റ് ലോകത്തെ ഏറ്റവും തിളക്കമുള്ളതും മാന്യവുമായ കരിയറുകളിൽ ഒന്നാണ് കമ്പനി സെക്രട്ടറി (CS).
പാർലമെന്റ് ആക്ട് പ്രകാരം സ്ഥാപിതമായ ഇൻസ്റ്റിറ്റ്യൂട്ട് ഓഫ് കമ്പനി സെക്രട്ടറിസ് ഓഫ് ഇന്ത്യ (ICSI) ആണ് ഈ കോഴ്സ് നിയന്ത്രിക്കുന്നത്. ‘ഗവേണൻസ് പ്രൊഫഷണൽ’ എന്നറിയപ്പെടുന്ന ഈ പദവി, കേവലം ഒരു ജോലി എന്നതിലുപരി കമ്പനിയുടെ നട്ടെല്ലായി പ്രവർത്തിക്കുന്ന ഒന്നാണ്.
യോഗ്യതയും തെറ്റിദ്ധാരണകളും
കൊമേഴ്സ് വിദ്യാർത്ഥികൾക്ക് മാത്രമേ സി.എസ് പഠിക്കാൻ കഴിയൂ എന്നത് വ്യാപകമായ ഒരു തെറ്റിദ്ധാരണയാണ്.
ആർട്സ്, സയൻസ്, കൊമേഴ്സ് എന്നിങ്ങനെ ഏത് സ്ട്രീമിൽ പഠിച്ചവർക്കും കമ്പനി സെക്രട്ടറി കോഴ്സിന് ചേരാവുന്നതാണ്.
പ്ലസ് ടു പാസായവർക്കും ബിരുദധാരികൾക്കും ഈ കോഴ്സ് മികച്ച അവസരങ്ങൾ തുറന്നിടുന്നു.
സി.എസ് യോഗ്യതയെ പി.ജി ബിരുദത്തിന് തുല്യമായി യു.ജി.സി (UGC) അംഗീകരിച്ചിട്ടുണ്ട്. കൂടാതെ, യുകെയിലെ ENIC, സി.എസ് എക്സിക്യൂട്ടീവ് പ്രോഗ്രാമിനെ ബാച്ചിലേഴ്സ് ഡിഗ്രിയായും പ്രൊഫഷണൽ പ്രോഗ്രാമിനെ മാസ്റ്റേഴ്സ് ഡിഗ്രിയായും പരിഗണിക്കുന്നത്
വിദേശ തൊഴിൽ അവസരങ്ങൾക്ക്, പ്രത്യേകിച്ച് യുകെ, യുഎഇ എന്നിവിടങ്ങളിൽ വലിയ മുതൽക്കൂട്ടാണ്.
കോഴ്സ് ഘടനയും ഫീസും
മൂന്ന് ഘട്ടങ്ങളിലായാണ് പഠനം ക്രമീകരിച്ചിരിക്കുന്നത്.
പ്ലസ് ടു കഴിഞ്ഞവർക്ക് സി.എസ് എക്സിക്യൂട്ടീവ് എൻട്രൻസ് ടെസ്റ്റ് (CSEET) വഴി പ്രവേശനം നേടാം. നാല് പേപ്പറുകളാണ് ഇതിലുള്ളത്.
ബിരുദധാരികൾക്കും സി.എ/സി.എം.എ ഫൈനൽ പാസായവർക്കും സി.എസ്.ഇ.ഇ.ടി ഒഴിവാക്കി നേരിട്ട് എക്സിക്യൂട്ടീവ് പ്രോഗ്രാമിലേക്ക് പ്രവേശനം ലഭിക്കും. ഇതിൽ ഏഴ് പേപ്പറുകൾ പഠിക്കാനുണ്ട്.
അന്തിമ ഘട്ടമായ പ്രൊഫഷണൽ പ്രോഗ്രാമിലും ഏഴ് പേപ്പറുകളാണുള്ളത്.
ജൂൺ 2026-ലെ സി.എസ്.ഇ.ഇ.ടി പരീക്ഷയ്ക്ക് തയ്യാറെടുക്കുന്നവർ 2026 ഫെബ്രുവരി 15-ന് മുൻപായി രജിസ്റ്റർ ചെയ്യേണ്ടതാണ്.
7,500 രൂപയാണ് സി.എസ്.ഇ.ഇ.ടി ഫീസ്. എക്സിക്യൂട്ടീവ് പ്രോഗ്രാമിന് സി.എസ്.ഇ.ഇ.ടി പാസായവർക്ക് 18,400 രൂപയും ബിരുദധാരികൾക്ക് 23,400 രൂപയുമാണ് ഫീസ്.
തൊഴിൽ സാധ്യതകളും പഠിക്കേണ്ട പാഠവും
കീ മാനേജീരിയൽ പേഴ്സണൽ (KMP), കോർപ്പറേറ്റ് പ്ലാനർ, രജിസ്റ്റേർഡ് വാല്യുവർ, ഇൻസോൾവൻസി പ്രൊഫഷണൽ, ജി.എസ്.ടി പ്രൊഫഷണൽ, ആർബിട്രേറ്റർ തുടങ്ങിയ വിപുലമായ റോളുകൾ വഹിക്കാൻ സി.എസ് യോഗ്യതയുള്ളവർക്ക് സാധിക്കും.
സ്വന്തമായി പ്രാക്ടീസ് ചെയ്യാനോ വൻകിട കമ്പനികളിൽ ഉയർന്ന ശമ്പളത്തിൽ ജോലി ചെയ്യാനോ ഇത് അവസരമൊരുക്കുന്നു. ഒരു സി.എസ് എന്നത് കമ്പനിയുടെ മനസാക്ഷിയായാണ് കണക്കാക്കപ്പെടുന്നത്.
കമ്പനികൾ നിയമം പാലിക്കുന്നുണ്ടെന്നും ധാർമ്മികമായാണ് പ്രവർത്തിക്കുന്നതെന്നും ഉറപ്പുവരുത്തേണ്ടത് ഇവരുടെ ഉത്തരവാദിത്തമാണ്. സത്യസന്ധതയും ധാർമ്മികതയും (Integrity) ആണ് ഈ പ്രൊഫഷന്റെ അടിത്തറയെന്നും പുതിയ നിയമങ്ങളെക്കുറിച്ച് എപ്പോഴും അപ്ഡേറ്റഡ് ആയിരിക്കണമെന്നും വിദഗ്ധർ ചൂണ്ടിക്കാട്ടുന്നു.
പുതിയ തൊഴിൽ അവസരങ്ങളും വിദ്യഭ്യാസ വാർത്തകളും ദിവസവും അറിയാൻ
ഇപ്പോൾ തന്നെ WнaтѕAρρ ഗ്രൂപ്പിൽ ജോയിൻ ചെയ്യൂ..👇
📱https://bn1.short.gy/CareerLokam
🩺 Career Clinic - സംശയങ്ങൾ ചോദിക്കാം!
താഴെ വിവരങ്ങൾ നൽകുക. വിദഗ്ദ്ധർ മറുപടി നൽകും.
