സംസ്ഥാന മെറിറ്റ് സ്കോളർഷിപ്പ് പുതുക്കാൻ അവസരം: ബിരുദ വിദ്യാർത്ഥികൾക്ക് ജൂലൈ 25 വരെ അപേക്ഷിക്കാം!
ഗൂഗിളിൽ കരിയർ വാർത്തകൾ വേഗത്തിൽ ലഭിക്കാൻ
Career Lokam വെബ്സൈറ്റ് നിങ്ങളുടെ ഗൂഗിൾ സെർച്ചിൽ Preferred Source ആയി ആഡ് ചെയ്യുക.
➕ Add to Google
2023-24 വർഷത്തിൽ സ്റ്റേറ്റ് മെറിറ്റ് സ്കോളർഷിപ്പ് നേടിയ ബിരുദ വിദ്യാർത്ഥികൾക്ക് 2024-25 വർഷത്തേക്കുള്ള സ്കോളർഷിപ്പ് പുതുക്കാൻ അപേക്ഷ ക്ഷണിച്ചു. ജൂലൈ 25 ആണ് അവസാന തീയതി.
സംസ്ഥാന മെറിറ്റ് സ്കോളർഷിപ്പ് പുതുക്കലിന് അപേക്ഷ ക്ഷണിച്ചു
2023-24 വർഷം സംസ്ഥാനത്തെ സർക്കാർ, എയ്ഡഡ് ആർട്സ് & സയൻസ്, മ്യൂസിക്, സംസ്കൃത കോളേജുകളിലും യൂണിവേഴ്സിറ്റി ഡിപ്പാർട്ട്മെൻ്റുകളിലും ബിരുദ കോഴ്സുകളിൽ ഒന്നാം വർഷ ക്ലാസ്സിൽ പ്രവേശനം നേടി സ്റ്റേറ്റ് മെറിറ്റ് സ്കോളർഷിപ്പിന് അർഹത നേടിയ വിദ്യാർത്ഥികളിൽ നിന്നും 2024-25 വർഷത്തേക്കുള്ള സ്റ്റേറ്റ് മെറിറ്റ് സ്കോളർഷിപ്പ് പുതുക്കലിന് (Renewal) അപേക്ഷ ക്ഷണിച്ചു.
പ്രധാന നിർദ്ദേശം: പൂരിപ്പിച്ച അപേക്ഷകളും ആവശ്യമായ രേഖകളും 2025 ജൂലൈ 25-നകം തിരുവനന്തപുരം കോളേജ് വിദ്യാഭ്യാസ ഡയറക്ടറേറ്റിലെ സ്കോളർഷിപ്പ് വിഭാഗത്തിൽ ലഭിച്ചിരിക്കണം.
ആർക്കൊക്കെ അപേക്ഷിക്കാം?
-
2023-24 വർഷത്തെ സ്റ്റേറ്റ് മെറിറ്റ് സ്കോളർഷിപ്പിന് (Fresh) അർഹത നേടിയവരായിരിക്കണം.
-
ഒന്നാം വർഷ ബിരുദ പരീക്ഷ ആദ്യ ചാൻസിൽ തന്നെ പാസാവുകയും 50 ശതമാനവും അതിന് മുകളിലും മാർക്ക് നേടിയിരിക്കണം.
അപേക്ഷ സമർപ്പിക്കേണ്ട രീതി
അപേക്ഷകർ കോളേജ് വിദ്യാഭ്യാസ വകുപ്പിന്റെ ഔദ്യോഗിക വെബ്സൈറ്റുകളായ collegiateedu.kerala.gov.in, www.dcescholarship.kerala.gov.in എന്നിവ സന്ദർശിക്കുക. ഈ വെബ്സൈറ്റുകളിലെ ‘Scholarships news and updates’ എന്ന വിഭാഗത്തിൽ പ്രസിദ്ധീകരിച്ച ‘State Merit Scholarship (Renewal) 2024-25’ എന്ന അപേക്ഷാഫോം ഡൗൺലോഡ് ചെയ്യുക.
അപേക്ഷാഫോം പൂരിപ്പിച്ച് താഴെ പറയുന്ന രേഖകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം സമർപ്പിക്കണം:
-
ഒന്നാം വർഷ ബിരുദ പരീക്ഷയുടെ മാർക്ക് ലിസ്റ്റുകൾ
-
ബാങ്ക് പാസ്സ് ബുക്കിൻ്റെ ആദ്യ പേജ്
അപേക്ഷ സമർപ്പിക്കേണ്ട വിലാസം:
സ്പെഷ്യൽ ഓഫീസർ ഫോർ സ്കോളർഷിപ്പ്സ്,
കോളേജ് വിദ്യാഭ്യാസ ഡയറക്ടറേറ്റ്,
വികാസ് ഭവൻ,
തിരുവനന്തപുരം – 695033.
അപേക്ഷകൾ നേരിട്ടോ, തപാൽ മുഖേനയോ സമർപ്പിക്കാവുന്നതാണ്.
പുതിയ തൊഴിൽ അവസരങ്ങളും വിദ്യഭ്യാസ വാർത്തകളും ദിവസവും അറിയാൻ
ഇപ്പോൾ തന്നെ WнaтѕAρρ ഗ്രൂപ്പിൽ ജോയിൻ ചെയ്യൂ..👇
📱https://bn1.short.gy/CareerLokam
