67 തസ്തികകളിൽ പി.എസ്.സി വിജ്ഞാപനം വരുന്നു: എക്സൈസ് ഇൻസ്പെക്ടർ, ബീറ്റ് ഫോറസ്റ്റ് ഓഫീസർ ഉൾപ്പെടെ നിരവധി അവസരങ്ങൾ!

എക്സൈസ് ഇൻസ്പെക്ടർ, അസിസ്റ്റൻ്റ് സർജൻ, ബീറ്റ് ഫോറസ്റ്റ് ഓഫീസർ ഉൾപ്പെടെ 67 തസ്തികകളിലേക്ക് കേരള പബ്ലിക് സർവീസ് കമ്മീഷൻ (പി.എസ്.സി.) പുതിയ വിജ്ഞാപനം പുറത്തിറക്കാൻ ഒരുങ്ങുന്നു. പി.എസ്.സി. യോഗം അംഗീകരിച്ച ഈ വിജ്ഞാപനങ്ങൾ ജൂലൈ 31-ലെ ഗസറ്റിൽ പ്രസിദ്ധീകരിക്കും. അതിനുശേഷം ഉദ്യോഗാർത്ഥികൾക്ക് ഓൺലൈനായി അപേക്ഷ സമർപ്പിക്കാം. അപേക്ഷ സ്വീകരിക്കുന്ന അവസാന തീയതി സെപ്റ്റംബർ 3 ആയിരിക്കും.

---

പ്രധാന തസ്തികകളും അവസരങ്ങളും

പുതിയ വിജ്ഞാപനങ്ങളിൽ ജനറൽ റിക്രൂട്ട്മെന്റ് (സംസ്ഥാനതലം, ജില്ലാതലം), സ്പെഷ്യൽ റിക്രൂട്ട്മെന്റ് (സംസ്ഥാനതലം, ജില്ലാതലം), എൻ.സി.എ വിജ്ഞാപനങ്ങൾ എന്നിവ ഉൾപ്പെടുന്നു.

ജനറൽ റിക്രൂട്ട്മെന്റ് (സംസ്ഥാനതലം)

• ഗവ. ഹോമിയോപ്പതി മെഡിക്കൽ കോളേജുകളിൽ പ്രൊഫസർ ഇൻ ഹോമിയോപ്പതിക് ഫാർമസി

• ആരോഗ്യ വകുപ്പിൽ അസിസ്റ്റൻ്റ് സർജൻ/കാഷ്വാലിറ്റി മെഡിക്കൽ ഓഫീസർ

• വൊക്കേഷണൽ ഹയർ സെക്കൻഡറി വിദ്യാഭ്യാസ വകുപ്പിൽ നോൺ വൊക്കേഷണൽ ടീച്ചർ ഇൻ ഇംഗ്ലീഷ് (തസ്തികമാറ്റം മുഖേന), മാത്തമാറ്റിക്സ് (തസ്തികമാറ്റം മുഖേന)

• മരാമത്ത് വകുപ്പിൽ അസിസ്റ്റന്റ് എൻജിനീയർ (സിവിൽ)

• ഇൻഷുറൻസ് മെഡിക്കൽ സർവീസസിൽ അസിസ്റ്റൻ്റ് ഇൻഷുറൻസ് മെഡിക്കൽ ഓഫീസർ (ഹോമിയോ)

• ഹോമിയോപ്പതി വകുപ്പിൽ മെഡിക്കൽ ഓഫീസർ (തസ്തികമാറ്റം മുഖേന)

• കെമിക്കൽ എക്സാമിനേഴ്സ് ലബോറട്ടറിയിൽ സയൻ്റിഫിക് ഓഫീസർ

• സ്റ്റേറ്റ് ആർക്കൈവ്സിൽ അസിസ്റ്റൻ്റ് കൺസർവേഷൻ ഓഫീസർ, പ്രിസർവേഷൻ സൂപ്പർവൈസർ

• എക്സൈസ് വകുപ്പിൽ എക്സൈസ് ഇൻസ്പെക്ടർ (ട്രെയിനി) (നേരിട്ടും തസ്തികമാറ്റം മുഖേനയും)

• ഗ്രൗണ്ട് വാട്ടർ വകുപ്പിൽ ജിയോഫിസിക്കൽ അസിസ്റ്റൻ്റ്

• മെഡിക്കൽ വിദ്യാഭ്യാസ വകുപ്പിൽ റേഡിയോഗ്രാഫർ

• സ്റ്റേറ്റ് കോ-ഓപ്പറേറ്റിവ് ബാങ്ക് ലിമിറ്റഡിൽ ലാ ഓഫീസർ

• ആയുർവേദ മെഡിക്കൽ വിദ്യാഭ്യാസ വകുപ്പിൽ ടെക്നിക്കൽ അസിസ്റ്റൻ്റ് (വിഷ)

• ഖാദി ആൻഡ് വില്ലേജ് ഇൻഡസ്ട്രീസ് ബോർഡിൽ ബി കിപ്പിങ് ഫീൽഡ് മാൻ

• സാങ്കേതിക വിദ്യാഭ്യാസ വകുപ്പിൽ ട്രേഡ്സ്മാൻ ടൂൾ ആൻഡ് ഡൈ മേക്കിങ്

• കേരള സ്റ്റേറ്റ് ഫിനാൻഷ്യൽ എൻ്റർപ്രൈസസ് ലിമിറ്റഡിൽ പ്യൂൺ/വാച്ച്മാൻ (കെ.എസ്.എഫ്.ഇ ലിമിറ്റഡിലെ പാർട്ട് ടൈം ജീവനക്കാരിൽനിന്നു മാത്രം)

• കേരള ടൂറിസം ഡിവലപ്മെൻ്റ് കോർപ്പറേഷൻ ലിമിറ്റഡിൽ ഓഫീസ് അസിസ്റ്റൻ്റ് (നേരിട്ടും തസ്തികമാറ്റം മുഖേനയും)

• മീറ്റ് പ്രോഡക്ട്സ് ഓഫ് ഇന്ത്യ ലിമിറ്റഡിൽ ഫിനാൻസ് അസിസ്റ്റൻ്റ്

• ഷിപ്പിങ് ആൻഡ് ഇൻലാൻഡ് നാവിഗേഷൻ കോർപ്പറേഷൻ ലിമിറ്റഡിൽ ടിക്കറ്റ് ഇഷ്യൂർ കം മാസ്റ്റർ

• കേരള സെറാമിക്സ് ലിമിറ്റഡിൽ ഗാർഡ്.

ജനറൽ റിക്രൂട്ട്മെന്റ് (ജില്ലാതലം)

• തിരുവനന്തപുരം, കൊല്ലം ജില്ലകളിൽ വിദ്യാഭ്യാസ വകുപ്പിൽ പ്രി-പ്രൈമറി ടീച്ചർ

• പാലക്കാട് ജില്ലാ വിദ്യാഭ്യാസ വകുപ്പിൽ എൽ.പി. സ്കൂൾ ടീച്ചർ (തമിഴ് മീഡിയം)

• വിവിധ ജില്ലകളിൽ വിദ്യാഭ്യാസ വകുപ്പിൽ ഡ്രോയിങ് ടീച്ചർ (ഹൈസ്കൂൾ)

• തിരുവനന്തപുരം ജില്ലാ വിദ്യാഭ്യാസ വകുപ്പിൽ ഫിസിക്കൽ എജുക്കേഷൻ ടീച്ചർ (യു.പി.എസ്) മലയാളം മീഡിയം

• തിരുവനന്തപുരം ജില്ലാ ആയുർവേദ മെഡിക്കൽ വിദ്യാഭ്യാസ വകുപ്പിൽ ലബോറട്ടറി ടെക്നിഷ്യൻ

• വിവിധ ജില്ലകളിൽ വിവിധ വകുപ്പുകളിൽ സാർജന്റ് (പാർട്ട് 1, 2) (നേരിട്ടും തസ്തികമാറ്റം മുഖേനയും)

• തിരുവനന്തപുരം ജില്ലാ അച്ചടിവകുപ്പിൽ കോപ്പി ഹോൾഡർ (ഹിന്ദി തമിഴ്)

• വിവിധ ജില്ലകളിൽ വനം-വന്യജീവി വകുപ്പിൽ ബീറ്റ് ഫോറസ്റ്റ് ഓഫീസർ (നേരിട്ടും തസ്തികമാറ്റം മുഖേനയും)

• വിവിധ ജില്ലകളിൽ ഫയർ ആൻഡ് റെസ്ക്യൂ സർവീസസിൽ വുമൺ ഫയർ ആൻഡ് റെസ്ക്യൂ ഓഫീസർ (ട്രെയിനി)

• വിവിധ ജില്ലകളിൽ അച്ചടിവകുപ്പിൽ ബൈൻഡർ

• തിരുവനന്തപുരം ജില്ലാ വിദ്യാഭ്യാസ വകുപ്പിൽ പാർട്ട്ടൈം ഹൈസ്കൂൾ ടീച്ചർ (ഹിന്ദി)

• കണ്ണൂർ ജില്ലാ വിദ്യാഭ്യാസ വകുപ്പിൽ പാർട്ട്ടൈം ജൂനിയർ ലാംഗ്വേജ് ടീച്ചർ (അറബിക്) എൽ.പി.എസ്.

സ്പെഷ്യൽ റിക്രൂട്ട്മെന്റ് (സംസ്ഥാനതലം)

• ഹയർ സെക്കൻഡറി വിദ്യാഭ്യാസ വകുപ്പിൽ ഹയർ സെക്കൻഡറി സ്കൂൾ ടീച്ചർ മാത്തമാറ്റിക്സ് (പട്ടികവർഗം)

• വാട്ടർ അതോറിറ്റിയിൽ ഡിവിഷണൽ അക്കൗണ്ട്സ് ഓഫീസർ (പട്ടികവർഗം)

• പോലീസ് സർവീസിൽ സബ് ഇൻസ്പെക്ടർ ഓഫ് പോലീസ് (ട്രെയിനി) (പട്ടികവർഗം)

• മരാമത്ത് വകുപ്പിൽ മൂന്നാംഗ്രേഡ് ഓവർസിയർ (സിവിൽ) (പട്ടികജാതി/പട്ടികവർഗം)

• കേരള സ്റ്റേറ്റ് കൺസ്ട്രക്ഷൻ കോർപ്പറേഷൻ ലിമിറ്റഡിൽ എൻജിനിയറിങ് അസിസ്റ്റന്റ് ഗ്രേഡ് 3 (പട്ടികജാതി, പട്ടികവർഗം).

സ്പെഷ്യൽ റിക്രൂട്ട്മെന്റ് (ജില്ലാതലം)

• വിവിധ ജില്ലകളിൽ വിവിധ വകുപ്പുകളിൽ കോൺഫിഡൻഷ്യൽ അസിസ്റ്റൻ്റ് (പട്ടികവർഗം).

ഇതിനുപുറമെ വിവിധ തസ്തികകളിൽ എൻ.സി.എ വിജ്ഞാപനങ്ങളും പി.എസ്.സി. പുറത്തിറക്കും. അപേക്ഷ സമർപ്പിക്കുന്നതിന് മുമ്പ് ജൂലൈ 31-ലെ ഗസറ്റിൽ വരുന്ന വിജ്ഞാപനം വിശദമായി വായിച്ച് മനസ്സിലാക്കേണ്ടതാണ്.