പി.എം ഇന്റേൺഷിപ്പ് പദ്ധതി വീണ്ടും; 23,000+ ഒഴിവുകൾ, ₹9000 സ്റ്റൈപ്പെൻഡ് | PM Internship Scheme 2026

PM Internship Scheme 2026 വഴി ഇന്ത്യയിലെ വൻകിട കോർപ്പറേറ്റ് കമ്പനികളിൽ തൊഴിൽ പരിശീലനം നേടാൻ യുവജനങ്ങൾക്ക് വീണ്ടും അവസരമൊരുങ്ങുന്നു. കേന്ദ്ര കോർപ്പറേറ്റ് കാര്യ മന്ത്രാലയം വികസിപ്പിച്ച PMIS വെബ് പോർട്ടൽ വഴിയാണ് രജിസ്ട്രേഷൻ നടക്കുന്നത്. സ്റ്റൈപ്പെൻഡ് നിരക്കിൽ ഉൾപ്പെടെ സുപ്രധാന മാറ്റങ്ങളോടെയാണ് ഈ പദ്ധതി വീണ്ടും ആരംഭിച്ചിരിക്കുന്നത്. വിദ്യാർത്ഥികൾക്കും തൊഴിലന്വേഷകർക്കും പുതിയ നൈപുണ്യങ്ങൾ നേടാനും കോർപ്പറേറ്റ് ലോകത്ത് മികച്ച തുടക്കം കുറിക്കാനും PM Internship Scheme 2026 സഹായിക്കും. ഇതിനെക്കുറിച്ചുള്ള വിശദമായ വിവരങ്ങൾ താഴെ നൽകുന്നു. കൂടുതൽ കരിയർ വാർത്തകൾ അറിയാൻ കരിയർ ലോകം സന്ദർശിക്കുക.

1. About PM Internship Scheme 2026

രാജ്യത്തെ യുവജനങ്ങൾക്ക് തൊഴിൽ നൈപുണ്യം നൽകുക എന്ന ലക്ഷ്യത്തോടെയാണ് പ്രധാനമന്ത്രി ഇന്റേൺഷിപ്പ് പദ്ധതി ആരംഭിച്ചത്. സോഫ്റ്റ്‌വെയർ ഡെവലപ്മെന്റ്, ബാങ്കിംഗ് ആൻഡ് ഫിനാൻസ്, ഓയിൽ ആൻഡ് ഗ്യാസ്, എനർജി, എഫ്.എം.സി.ജി (FMCG), ടെലികോം, ഇൻഫ്രാസ്ട്രക്ചർ, കൺസ്ട്രക്ഷൻ, റീട്ടെയിൽ, ഓട്ടോമോട്ടീവ്, ഫാർമസ്യൂട്ടിക്കൽ, ഏവിയേഷൻ ആൻഡ് ഡിഫൻസ്, കെമിക്കൽസ്, മീഡിയ തുടങ്ങി നിരവധി മേഖലകളിലാണ് ഇന്റേൺഷിപ്പ് ലഭ്യമാകുന്നത്.

2. Vacancies & Participating Companies

രാജ്യത്തൊട്ടാകെ നിലവിൽ 23,000-ത്തിലധികം അവസരങ്ങളാണ് പോർട്ടലിൽ ആക്റ്റീവ് ആയിട്ടുള്ളത്. കമ്പനികളുടെ ആവശ്യാനുസരണം ഒഴിവുകൾ പ്രസിദ്ധീകരിക്കും. കേരളത്തിൽ വിവിധ കമ്പനികളിലായി 610 അവസരങ്ങളുണ്ട്.

കേരളത്തിലെ പ്രമുഖ കമ്പനികൾ: മുത്തൂറ്റ് ഫിനാൻസ്, കൊച്ചിൻ ഷിപ്പ്‌യാർഡ്, HDFC ബാങ്ക്, തമിഴ്‌നാട് മെർക്കന്റൈൽ ബാങ്ക്, ഡാബർ ഇന്ത്യ, ഗെയിൽ (GAIL), മണപ്പുറം ഫിനാൻസ്, കിറ്റെക്സ്, ടെക് മഹീന്ദ്ര, ഹിന്ദുസ്ഥാൻ പെട്രോളിയം (HPCL), MRF, ഫെഡറൽ ബാങ്ക്, ബജാജ് ഫിനാൻസ് തുടങ്ങിയവയാണ് പ്രധാനമായും കേരളത്തിൽ അവസരങ്ങൾ നൽകുന്നത്. റിലയൻസ്, ടാറ്റ, ഇൻഫോസിസ് തുടങ്ങിയ വൻകിട കമ്പനികളും ദേശീയ തലത്തിൽ ഈ പദ്ധതിയുടെ ഭാഗമാണ്.

3. Eligibility Criteria (Qualification & Age)

PM Internship Scheme 2026 ന് അപേക്ഷിക്കുന്നവർ താഴെ പറയുന്ന യോഗ്യതകൾ നേടിയിരിക്കണം:

• വിദ്യാഭ്യാസ യോഗ്യത: പ്ലസ് ടു / ഹയർ സെക്കണ്ടറി, ഐ.ടി.ഐ (ITI), പോളിടെക്നിക് ഡിപ്ലോമ, അല്ലെങ്കിൽ ബിരുദം (BA, BSc, BCom, BCA, BBA, BPharma തുടങ്ങിയവ). വിദൂര വിദ്യാഭ്യാസത്തിലൂടെയോ ഓൺലൈനായോ പഠനം നടത്തുന്നവർക്കും അപേക്ഷിക്കാം.
• പ്രായപരിധി: 18 മുതൽ 25 വയസ്സ് വരെ.

4. Duration, Stipend & Benefits

പുതിയ മാറ്റങ്ങൾ പ്രകാരം ഇന്റേൺഷിപ്പ് കാലയളവും സ്റ്റൈപ്പെൻഡും വർദ്ധിപ്പിച്ചിട്ടുണ്ട്:

• കാലാവധി: ഇന്റേൺഷിപ്പ് കാലാവധി 12 മാസമായിരിക്കും (മുമ്പ് ഇത് 6 മാസമായിരുന്നു).
• സ്റ്റൈപ്പെൻഡ്: പ്രതിമാസം ₹9,000 രൂപ ലഭിക്കും. ഇതിൽ 6000 രൂപ സർക്കാർ നൽകും, ബാക്കി 3000 രൂപ കമ്പനികളുടെ CSR ഫണ്ടിൽ നിന്നുമാണ് നൽകുക.
• ഇൻഷുറൻസ്: തിരഞ്ഞെടുക്കപ്പെടുന്ന അപേക്ഷകർക്ക് ഇൻഷുറൻസ് കവറേജ് ലഭ്യമാക്കും.

5. Selection Process

യോഗ്യതയുടെയും മുൻഗണനയുടെയും അടിസ്ഥാനത്തിലാണ് തിരഞ്ഞെടുപ്പ്. ഒരു ഇന്റേൺഷിപ്പ് അവസരത്തിലേക്ക് ചുരുങ്ങിയത് 3 പേരെ ഷോർട്ട് ലിസ്റ്റ് ചെയ്ത് കമ്പനികൾക്ക് നൽകും. അതിൽ നിന്നും ഏറ്റവും യോഗ്യരായവരെ കമ്പനികൾ തിരഞ്ഞെടുക്കും. കോഴ്സ് വിജയകരമായി പൂർത്തിയാക്കുന്നവർക്ക് കേന്ദ്ര സർക്കാരിന്റെയും കമ്പനിയുടെയും സർട്ടിഫിക്കറ്റുകൾ ലഭിക്കും. ഇത് ഭാവിയിൽ മികച്ച തൊഴിൽ ലഭിക്കാൻ വലിയ മുതൽക്കൂട്ടാകും.

6. How to Apply Online

PM Internship Scheme 2026 വഴി ഇന്റേൺഷിപ്പിന് അപേക്ഷിക്കാൻ ഈ ഘട്ടങ്ങൾ പാലിക്കുക:

1. ഔദ്യോഗിക വെബ്സൈറ്റായ pminternship.mca.gov.in സന്ദർശിക്കുക.
2. രജിസ്ട്രേഷൻ ലിങ്ക് ക്ലിക്ക് ചെയ്ത് പ്രൊഫൈൽ ക്രിയേറ്റ് ചെയ്യുക.
3. വ്യക്തിഗത വിവരങ്ങൾ, വിദ്യാഭ്യാസം, ബാങ്ക് അക്കൗണ്ട് വിവരങ്ങൾ എന്നിവ നൽകുക.
4. സംസ്ഥാനവും താല്പര്യമുള്ള മേഖലയും തിരിച്ച് കമ്പനികളിലെ അവസരങ്ങൾ തിരയുക.
5. നിങ്ങളുടെ പ്രൊഫൈലിന് അനുയോജ്യമായ കമ്പനികൾ തിരഞ്ഞെടുത്ത് അപേക്ഷ (Apply) സമർപ്പിക്കുക.

Important Links

FAQ

1. ബി.ടെക് കഴിഞ്ഞവർക്ക് PM Internship Scheme ൽ അപേക്ഷിക്കാമോ?
ഇല്ല. ബി.ടെക്, എം.ബി.എ തുടങ്ങിയ ബിരുദാനന്തര/പ്രൊഫഷണൽ ബിരുദധാരികൾക്ക് ഈ പദ്ധതിയിൽ അപേക്ഷിക്കാൻ കഴിയില്ല.

2. ഇന്റേൺഷിപ്പ് കാലയളവിൽ എത്ര രൂപയാണ് സ്റ്റൈപ്പെൻഡ് ലഭിക്കുക?
പുതുക്കിയ നിയമപ്രകാരം പ്രതിമാസം 9000 രൂപയാണ് സ്റ്റൈപ്പെൻഡ് ആയി ലഭിക്കുക.

3. എങ്ങനെയാണ് കമ്പനികളെ തിരഞ്ഞെടുക്കേണ്ടത്?
pminternship.mca.gov.in പോർട്ടലിൽ നിങ്ങളുടെ സംസ്ഥാനവും താല്പര്യമുള്ള മേഖലയും നൽകി സേർച്ച് ചെയ്യുമ്പോൾ ലഭ്യമായ കമ്പനികളുടെ ലിസ്റ്റ് കാണാം. അതിൽ നിന്നും അനുയോജ്യമായവ തിരഞ്ഞെടുക്കാം.

4. ഇന്റേൺഷിപ്പ് കാലാവധി എത്ര നാളാണ്?
തിരഞ്ഞെടുക്കപ്പെടുന്നവർക്ക് 12 മാസം (ഒരു വർഷം) ദൈർഘ്യമുള്ള പരിശീലനമാണ് ലഭിക്കുക.

5. പി.ജി വിദ്യാർത്ഥികൾക്ക് അപേക്ഷിക്കാൻ കഴിയുമോ?
ഇല്ല, ബിരുദാനന്തര ബിരുദമുള്ളവർക്കും അപേക്ഷിക്കാൻ അർഹതയില്ല. സാധാരണ ഡിഗ്രി (BA, BSc, BCom), പോളിടെക്നിക്, ഐ.ടി.ഐ, പ്ലസ് ടു ഉള്ളവർക്കാണ് അവസരം.