ഡൽഹി നാഷണൽ ലോ യൂണിവേഴ്സിറ്റിയിൽ നിയമ പഠനത്തിന് അപേക്ഷിക്കാം

നിയമ പഠനം ഒരു മികച്ച കരിയറായി തിരഞ്ഞെടുക്കാൻ ആഗ്രഹിക്കുന്നവർക്ക് ഡൽഹിയിലെ നാഷണൽ ലോ യൂണിവേഴ്സിറ്റിയിൽ (NLU) പ്രവേശനം നേടാൻ അവസരം. 2026-27 അധ്യയന വർഷത്തേക്കുള്ള യു.ജി., പി.ജി. നിയമ പ്രോഗ്രാമുകളിലേക്ക് അപേക്ഷ ക്ഷണിച്ചു. പ്രവേശനത്തിന് പ്രായപരിധിയില്ല.

◼️ യോഗ്യതാ മാനദണ്ഡങ്ങൾ

▪️ ബി.എ. എൽ.എൽ.ബി. പ്രോഗ്രാം: പ്ലസ് ടു പരീക്ഷ 45 ശതമാനം മാർക്കോടെ പൂർത്തിയാക്കിയവർക്ക് അപേക്ഷിക്കാം.

▪️ എൽ.എൽ.എം. പ്രോഗ്രാം: 50 ശതമാനം മാർക്കോടെ എൽ.എൽ.ബി./തത്തുല്യ നിയമ പ്രോഗ്രാമുകൾ പൂർത്തിയാക്കിയവർക്ക് ഒരു വർഷത്തെ കോഴ്സിന് അപേക്ഷിക്കാം.

◼️ പ്രവേശന പരീക്ഷ: AILET 2025

▪️ പരീക്ഷാ തീയതി: 2025 ഡിസംബർ 14.

▪️ പരീക്ഷാരീതി: 150 മൾട്ടിപ്പിൾ ചോയ്സ് ചോദ്യങ്ങളുണ്ടാകും.

▪️ ചോദ്യ മേഖലകൾ: ഇംഗ്ലീഷ് ഭാഷ, കറൻ്റ് അഫയേഴ്സ്, പൊതുവിജ്ഞാനം, ലോജിക്കൽ റീസണിങ്.

▪️ കേരളത്തിലെ പരീക്ഷാ കേന്ദ്രങ്ങൾ: കൊച്ചി, തിരുവനന്തപുരം.

◼️ പ്രധാന തീയതികളും വിവരങ്ങളും

▪️ അപേക്ഷിക്കാനുള്ള അവസാന തീയതി: 2025 നവംബർ 10.

▪️ കൂടുതൽ വിവരങ്ങൾക്കും അപേക്ഷിക്കാനും: www.nationallawuniversity.in എന്ന വെബ്സൈറ്റ് സന്ദർശിക്കുക.