ഐ.ഐ.എഫ്.ടി (IIFT) വഴി ഓൺലൈൻ എം.ബി.എ നേടാം; അപേക്ഷ 31 വരെ

കേന്ദ്ര വാണിജ്യ വ്യവസായ മന്ത്രാലയത്തിന് കീഴിലുള്ള പ്രശസ്തമായ ഇന്ത്യൻ ഇൻസ്റ്റിറ്റ്യൂട്ട് ഓഫ് ഫോറിൻ ട്രേഡ് (IIFT), ഓൺലൈൻ എം.ബി.എ (ഇന്റർനാഷണൽ ബിസിനസ്) പ്രോഗ്രാമിലേക്ക് അപേക്ഷ ക്ഷണിച്ചു. ജോലി ചെയ്യുന്ന പ്രൊഫഷണലുകൾക്ക് കരിയറിൽ ഇടവേള എടുക്കാതെ തന്നെ ലോകോത്തര ബിരുദം നേടാനുള്ള അവസരമാണിത്.

കോഴ്സ് വിവരങ്ങൾ:
രണ്ട് വർഷത്തെ (4 സെമസ്റ്റർ) കോഴ്സാണ് വിഭാവനം ചെയ്തിരിക്കുന്നത്. ആദ്യ വർഷം ജനറൽ മാനേജ്മെന്റ് വിഷയങ്ങളും, രണ്ടാം വർഷം സ്പെഷ്യലൈസേഷനും (ധനകാര്യം, വ്യാപാരം, മാർക്കറ്റിങ്, എച്ച്.ആർ, ഐ.ടി) പഠിക്കാം.

യോഗ്യതാ മാനദണ്ഡം:

• ഏതെങ്കിലും വിഷയത്തിൽ 50% മാർക്കോടെ ബിരുദം (SC/ST/OBC/PWD വിഭാഗങ്ങൾക്ക് 45% മതി).

• കുറഞ്ഞത് ഒരു വർഷത്തെ പ്രവൃത്തിപരിചയം (Work Experience) നിർബന്ധമാണ്.

തിരഞ്ഞെടുപ്പ്:
ഓൺലൈൻ അപേക്ഷകൾ ഫാക്കൽറ്റി കമ്മിറ്റി പരിശോധിക്കുകയും, യോഗ്യതയും പ്രവൃത്തിപരിചയവും അടിസ്ഥാനമാക്കി ഷോർട്ട് ലിസ്റ്റ് ചെയ്യുകയും ചെയ്യും.

അപേക്ഷാ ഫീസ്:

• ജനറൽ/OBC: 3000 രൂപ.

• SC/ST/PWD: 1500 രൂപ.

അപേക്ഷിക്കേണ്ട വിധം:
ഉദ്യോഗാർത്ഥികൾ www.iift.ac.in എന്ന വെബ്സൈറ്റ് വഴി ഓൺലൈനായി അപേക്ഷിക്കണം.

• അവസാന തീയതി: 2025 ഡിസംബർ 31.

• കോഴ്സ് ആരംഭം: 2026 ജനുവരി അവസാനം.