പരീക്ഷയില്ല, നേരിട്ട് ഇന്റർവ്യൂ; വിക്രം സാരാഭായ് സ്പേസ് സെന്ററിൽ ബിരുദധാരികൾക്കും ഡിപ്ലോമക്കാർക്കും അവസരം

ഐ.എസ്.ആർ.ഒയുടെ കീഴിൽ തിരുവനന്തപുരത്ത് പ്രവർത്തിക്കുന്ന വിക്രം സാരാഭായ് സ്പേസ് സെന്ററിൽ (VSSC) ഗ്രാജ്വേറ്റ്, ടെക്നീഷ്യൻ അപ്രന്റിസ് തസ്തികകളിലേക്ക് അപേക്ഷ ക്ഷണിച്ചു. ആകെ 90 ഒഴിവുകളാണുള്ളത്. പരീക്ഷകളില്ലാതെ, നേരിട്ടുള്ള കൂടിക്കാഴ്ച (Walk-in Interview) വഴിയാണ് ഉദ്യോഗാർത്ഥികളെ തിരഞ്ഞെടുക്കുന്നത്.

ഇന്റർവ്യൂ തീയതി: 2025 ഡിസംബർ 29 (തിങ്കൾ).

ഒഴിവുകളും യോഗ്യതയും

1. ഗ്രാജ്വേറ്റ് അപ്രന്റിസ് (ജനറൽ സ്ട്രീം) – 23 ഒഴിവുകൾ

• വിഭാഗം: അഡ്മിനിസ്ട്രേഷൻ, ഫിനാൻസ് & അക്കൗണ്ട്സ്, പർച്ചേസ് തുടങ്ങിയ അഡ്മിനിസ്ട്രേറ്റീവ് മേഖലകളിലേക്കാണ് നിയമനം.

• യോഗ്യത: അംഗീകൃത സർവകലാശാലയിൽ നിന്നും ബിരുദം (ബി.എ/ ബി.എസ്.സി/ ബി.കോം തുടങ്ങിയ 3 വർഷ കോഴ്സ്). കുറഞ്ഞത് 60% മാർക്ക് അല്ലെങ്കിൽ 6.32 CGPA ഉണ്ടായിരിക്കണം.

• സ്റ്റൈപ്പൻഡ്: 9,000 രൂപ (പ്രതിമാസം).

2. ടെക്നീഷ്യൻ അപ്രന്റിസ് – 67 ഒഴിവുകൾ

• യോഗ്യത: സ്റ്റേറ്റ് ബോർഡ് ഓഫ് ടെക്നിക്കൽ എജുക്കേഷനിൽ നിന്നും ‘കൊമേഴ്സ്യൽ പ്രാക്ടീസിൽ’ (Commercial Practice) ഫസ്റ്റ് ക്ലാസ് ഡിപ്ലോമ (3 വർഷം).

• സ്റ്റൈപ്പൻഡ്: 8,000 രൂപ (പ്രതിമാസം).

പ്രായപരിധി (31.12.2025 അടിസ്ഥാനമാക്കി)

• ജനറൽ: 28 വയസ്സ്.

• OBC: 31 വയസ്സ്.

• SC/ST: 33 വയസ്സ്.

• ഭിന്നശേഷിക്കാർ (PWBD): 38 വയസ്സ്.

തിരഞ്ഞെടുപ്പ് രീതി

യോഗ്യതാ പരീക്ഷയിൽ ലഭിച്ച മാർക്കിന്റെ അടിസ്ഥാനത്തിലായിരിക്കും ഉദ്യോഗാർത്ഥികളെ ഷോർട്ട്ലിസ്റ്റ് ചെയ്യുന്നതും പാനൽ തയ്യാറാക്കുന്നതും. സംവരണ വിഭാഗങ്ങൾക്ക് നിയമാനുസൃതമായ ഇളവുകൾ ലഭിക്കും. അപേക്ഷാ ഫീസ് ഇല്ല.

ഇന്റർവ്യൂ നടക്കുന്ന സ്ഥലം

യോഗ്യരായ ഉദ്യോഗാർത്ഥികൾ നിശ്ചിത മാതൃകയിലുള്ള അപേക്ഷാ ഫോമും, സർട്ടിഫിക്കറ്റുകളുടെ അസ്സലും പകർപ്പും സഹിതം താഴെ പറയുന്ന സ്ഥലത്ത് എത്തണം.

• വേദി: വി.എസ്.എസ്.സി ഗസ്റ്റ് ഹൗസ് (VSSC Guest House), എ.ടി.എഫ് ഏരിയ, വേളി (വേളി പള്ളിക്ക് സമീപം), തിരുവനന്തപുരം.

• സമയം: രാവിലെ 09:30 മുതൽ വൈകുന്നേരം 05:00 വരെ.

ഉദ്യോഗാർത്ഥികൾ www.vssc.gov.in എന്ന വെബ്സൈറ്റിൽ നിന്നും അപേക്ഷാ ഫോം ഡൗൺലോഡ് ചെയ്ത് പൂരിപ്പിച്ചു കൊണ്ടുവരേണ്ടതാണ്.

Notification Click Here

Website Click Here