നീറ്റ് പരീക്ഷ നീട്ടിവെക്കാനാവില്ല; ആവശ്യം തള്ളി സുപ്രീംകോടതി

 ന്യൂഡല്ഹി: മെഡിക്കല് പ്രവേശനത്തിനുള്ള നീറ്റ് പരീക്ഷ നീട്ടിവെക്കണമെന്ന ആവശ്യം സുപ്രീംകോടതി തള്ളി. പരീക്ഷ നീട്ടിവെക്കണമെന്ന് ആവശ്യപ്പെട്ട് ഒരു വിഭാഗം വിദ്യാര്ത്ഥികള് നല്കിയ ഹര്ജിയാണ് സുപ്രീംകോടതി തള്ളിയത്.

കോവിഡ് സാഹചര്യം ചൂണ്ടിക്കാട്ടിയായിരുന്നു ഹര്ജി. 16 ലക്ഷം വിദ്യാര്ത്ഥികള് എഴുതുന്ന പരീക്ഷ ചില വിദ്യാര്ത്ഥികളുടെ ആവശ്യം പരിഗണിച്ച് മാറ്റിവെക്കാനാകില്ലെന്ന് കോടതി വ്യക്തമാക്കി. ഇതോടൊപ്പം മെഡിക്കല്, ഡെന്റല് പ്രവേശനത്തില് 27 ശതമാനം ഒബിസി സംവരണവും, പത്ത് ശതമാനം സാമ്ബത്തിക സംവരണവും ഉറപ്പാക്കാനുള്ള തീരുമാനം ചോദ്യം ചെയ്തുള്ള ഹര്ജിയില് കേന്ദ്ര സര്ക്കാരിന് കോടതി നോട്ടീസ് അയച്ചു.

Stay connected via Google News

ഗൂഗിളിൽ നിന്നുള്ള കരിയർ വാർത്തകൾ വേഗത്തിൽ ലഭിക്കാൻ Career Lokam വെബ്സൈറ്റ് നിങ്ങളുടെ ഗൂഗിൾ സെർച്ചിൽ Preferred Source ആയി ആഡ് ചെയ്യുക