നീറ്റിന് അപേക്ഷിച്ചോ? പ്രവേശന രീതികൾ അറിയാം | NEET UG Admission Process & Quotas Explained | MBBS BDS 2026
ദേശീയ മെഡിക്കൽ പ്രവേശനപരീക്ഷയായ നീറ്റ്–യുജിക്ക് (NEET-UG) അപേക്ഷിക്കുമ്പോൾ തന്നെ, പരീക്ഷാ ഫലം വന്ന ശേഷമുള്ള പ്രവേശന നടപടികളെക്കുറിച്ചും വിദ്യാർത്ഥികൾക്കും രക്ഷിതാക്കൾക്കും വ്യക്തമായ ധാരണ ഉണ്ടായിരിക്കണം. സർക്കാർ, സ്വകാര്യ മേഖലകളിലായി രാജ്യത്താകെ ഏകദേശം 1,37,000 എംബിബിഎസ് സീറ്റുകളും മുപ്പതിനായിരത്തോളം ബിഡിഎസ് സീറ്റുകളുമുണ്ട്.
എന്നാൽ, എല്ലാ വിദ്യാർഥികൾക്കും എല്ലാ സീറ്റുകളിലേക്കും നേരിട്ട് അപേക്ഷിക്കാനാകില്ല. അവരവരുടെ യോഗ്യത, സംസ്ഥാനം, സംവരണം എന്നിവ അനുസരിച്ചാണ് കൗൺസിലിംഗിൽ പങ്കെടുക്കേണ്ടത്. NEET UG Admission Process-ലെ വിവിധ ക്വോട്ടകളെക്കുറിച്ചും അപേക്ഷാ രീതികളെക്കുറിച്ചും താഴെ വിശദമായി പ്രതിപാദിക്കുന്നു.
Table of Contents
1. അഖിലേന്ത്യാ, സംസ്ഥാന ക്വോട്ടകൾ (AIQ vs State Quota)
എംബിബിഎസ്/ബിഡിഎസ് പ്രവേശനം പ്രധാനമായും രണ്ട് തലങ്ങളിലായാണ് നടക്കുന്നത്:
അഖിലേന്ത്യാ ക്വോട്ട (All India Quota – 15%)
എല്ലാ സംസ്ഥാനങ്ങളിലെയും സർക്കാർ മെഡിക്കൽ/ ഡെന്റൽ കോളേജുകളിലെ 15% സീറ്റുകൾ അഖിലേന്ത്യാ ക്വോട്ടയിലേക്ക് മാറ്റിവെച്ചിട്ടുണ്ട്. ഈ സീറ്റുകളിലേക്ക് രാജ്യത്തെവിടെയുമുള്ള വിദ്യാർത്ഥികൾക്ക് അപേക്ഷിക്കാം. മെഡിക്കൽ കൗൺസലിങ് കമ്മിറ്റി (MCC) യുടെ വെബ്സൈറ്റിലാണ് ഇതിനായി അപേക്ഷിക്കേണ്ടത്. കേരളത്തിലെ സർക്കാർ മെഡിക്കൽ കോളേജുകളിൽ പഠിക്കാൻ ആഗ്രഹിക്കുന്ന മറ്റ് സംസ്ഥാനക്കാർക്കും, മറ്റ് സംസ്ഥാനങ്ങളിൽ പോയി പഠിക്കാൻ ആഗ്രഹിക്കുന്ന മലയാളികൾക്കും ഈ ക്വോട്ട ഉപയോഗിക്കാം.
സംസ്ഥാന ക്വോട്ട (State Quota – 85%)
ബാക്കിയുള്ള 85% സീറ്റുകൾ അതതു സംസ്ഥാനത്തെ വിദ്യാർഥികൾക്കു മാത്രമായി സംവരണം ചെയ്തിട്ടുള്ളതാണ്. കേരളത്തിൽ ഈ സീറ്റുകളിലേക്കുള്ള പ്രവേശനം നടത്തുന്നത് എൻട്രൻസ് കമ്മിഷണർ (CEE Kerala) ആണ്. ഇതിനായി കീം (KEAM) വിജ്ഞാപനപ്രകാരം വിദ്യാർത്ഥികൾ മുൻകൂട്ടി അപേക്ഷ സമർപ്പിക്കേണ്ടതുണ്ട്.
2. എയിംസ്, ജിപ്മെർ, കേന്ദ്ര സർവകലാശാലകൾ
ഇവിടെ സംസ്ഥാന ക്വോട്ട ബാധകമല്ല. പ്രവേശനം പൂർണ്ണമായും കേന്ദ്രീകൃതമാണ്.
- AIIMS (എയിംസ്): ന്യൂഡൽഹി ഉൾപ്പെടെ രാജ്യത്തെ 20 എയിംസുകളിലായി 2200-ഓളം എംബിബിഎസ് സീറ്റുകളുണ്ട്. ഇവിടേക്കുള്ള 100% സീറ്റുകളിലേക്കും MCC വഴിയാണ് അലോട്ട്മെന്റ്. (ശ്രദ്ധിക്കുക: എയിംസിൽ ബിഡിഎസ് കോഴ്സ് ലഭ്യമല്ല).
- JIPMER (ജിപ്മെർ): പുതുച്ചേരി, കാരയ്ക്കൽ ക്യാംപസുകളിലായി 243 സീറ്റുകളാണുള്ളത്. ഇവിടേക്കും MCC വഴിയാണ് പ്രവേശനം. എന്നാൽ, പുതുച്ചേരി നിവാസികൾക്കായി 64 സീറ്റുകൾ ഇവിടെ സംവരണം ചെയ്തിട്ടുണ്ട്.
- AMU & BHU: അലിഗഡ് മുസ്ലിം സർവകലാശാല, ബനാറസ് ഹിന്ദു സർവകലാശാല (BHU), ഡൽഹി ജാമിയ മിലിയ തുടങ്ങിയ കേന്ദ്ര സർവകലാശാലകളിലേക്കും MCC വഴിയാണ് അപേക്ഷിക്കേണ്ടത്. അലിഗഡിൽ 50% സീറ്റുകൾ അവിടെത്തന്നെ പഠിച്ചവർക്ക് സംവരണമുണ്ട്.
- AFMC Pune: ആംഡ് ഫോഴ്സ് മെഡിക്കൽ കോളജിലേക്ക് നീറ്റ് യോഗ്യത നേടിയ ശേഷം MCC വഴി രജിസ്റ്റർ ചെയ്യണം. നീറ്റ് സ്കോർ അടിസ്ഥാനത്തിൽ ഷോർട്ലിസ്റ്റ് ചെയ്യുന്നവർക്ക് പ്രത്യേക പരീക്ഷയും അഭിമുഖവും ഉണ്ടാകും.
Watch Video: NEET Counselling Explained
നീറ്റ് കൗൺസിലിംഗ് പ്രക്രിയയെക്കുറിച്ചും, AIQ vs State Quota എന്നിവയെക്കുറിച്ചും കൂടുതൽ വ്യക്തത ലഭിക്കാൻ ഈ വീഡിയോ കാണുക.
3. വെറ്ററിനറി, ആയുഷ്, ഇഎസ്ഐ (Other Medical Streams)
വെറ്ററിനറി (BVSc & AH)
രാജ്യത്തെ വെറ്ററിനറി കോളേജുകളിലെ 15% സീറ്റുകളിലേക്ക് നീറ്റ് സ്കോർ അടിസ്ഥാനത്തിൽ വെറ്ററിനറി കൗൺസിൽ ഓഫ് ഇന്ത്യ (VCI) ആണ് പ്രവേശനം നടത്തുന്നത്. കേരളത്തിലെ മണ്ണുത്തി, പൂക്കോട് വെറ്ററിനറി കോളജുകളിലായി അഖിലേന്ത്യാ ക്വാട്ടയിൽ 34 സീറ്റുകളുണ്ട്. ബാക്കി സീറ്റുകളിലേക്ക് കീം (KEAM) വഴിയാണ് പ്രവേശനം.
ആയുഷ് കോഴ്സുകൾ (BAMS, BHMS, BSMS, BUMS)
ആയുർവേദ, ഹോമിയോ, സിദ്ധ, യുനാനി കോഴ്സുകളിലെ അഖിലേന്ത്യാ ക്വോട്ട സീറ്റുകളിലേക്ക് ആയുഷ് അഡ്മിഷൻ സെൻട്രൽ കൗൺസലിങ് കമ്മിറ്റി (AACCC) ആണ് കൗൺസിലിങ് നടത്തുന്നത്.
- സിദ്ധ (Siddha): 10-ലോ 12-ലോ തമിഴ് പഠിച്ചിരിക്കണം.
- യുനാനി (Unani): 10-ാം ക്ലാസിൽ ഉറുദു, അറബിക്, പേർഷ്യൻ ഇവയിലൊരു ഭാഷ പഠിച്ചിരിക്കണം.
ESI മെഡിക്കൽ കോളേജുകൾ
കൊല്ലം പാരിപ്പള്ളി ഉൾപ്പെടെയുള്ള ഇഎസ്ഐ കോളേജുകളിലെ 15% സീറ്റുകളിലേക്കും, ഇഎസ്ഐ ഇൻഷുറൻസ് ഉള്ളവരുടെ മക്കൾക്കുള്ള സീറ്റുകളിലേക്കും (IP Quota) MCC വഴിയാണ് അലോട്ട്മെന്റ്.
4. നീറ്റ് വഴി നഴ്സിംഗ് പ്രവേശനം (BSc Nursing)
ബി.എസ്.സി നഴ്സിംഗ് പ്രവേശനത്തിന് എല്ലായിടത്തും നീറ്റ് നിർബന്ധമല്ല. പ്രധാനപ്പെട്ട വ്യത്യാസങ്ങൾ താഴെ:
- Military Nursing Service (MNS): ആംഡ് ഫോഴ്സസ് മെഡിക്കൽ സർവീസസിന് കീഴിലുള്ള കോളേജുകളിൽ പ്രവേശനം ആഗ്രഹിക്കുന്നവർ നീറ്റ് നിർബന്ധമായും എഴുതണം. joinindianarmy.nic.in വഴിയാണ് അപേക്ഷിക്കേണ്ടത്.
- Central Institutes: ബനാറസ് ഹിന്ദു സർവകലാശാല (BHU), ജിപ്മെർ (JIPMER), ഡൽഹിയിലെ ചില കോളേജുകൾ എന്നിവ നീറ്റ് സ്കോർ അടിസ്ഥാനമാക്കിയാണ് നഴ്സിംഗ് അഡ്മിഷൻ നടത്തുന്നത്.
- AIIMS Nursing: എയിംസുകളിലെ നഴ്സിംഗ് പ്രവേശനത്തിന് നീറ്റ് ബാധകമല്ല. ഇതിനായി എയിംസ് പ്രത്യേകം എൻട്രൻസ് പരീക്ഷ നടത്തും.
- Kerala Nursing: കേരളത്തിൽ ബി.എസ്.സി നഴ്സിങ്ങിന് നീറ്റ് സ്കോർ പരിഗണിക്കുന്നില്ല. പ്ലസ് ടു മാർക്കിന്റെ അടിസ്ഥാനത്തിൽ എൽബിഎസ് (LBS Centre) ആണ് പ്രവേശനം നടത്തുന്നത്.
5. നീറ്റ് യോഗ്യത (Qualifying Criteria)
നീറ്റ് റാങ്ക് ലിസ്റ്റിൽ ഉൾപ്പെടാൻ നിശ്ചിത ‘പെർസെന്റൈൽ’ (Percentile) സ്കോർ നേടേണ്ടതുണ്ട്. ഇത് മാർക്കല്ല, മറിച്ച് പരീക്ഷ എഴുതിയവരിൽ എത്ര ശതമാനം പേർക്ക് മുകളിലാണ് നിങ്ങളുടെ സ്ഥാനം എന്നതിന്റെ സൂചികയാണ്.
- General / EWS: 50th Percentile
- OBC / SC / ST: 40th Percentile
- PwD (General/EWS): 45th Percentile
(കുറിപ്പ്: കട്ട്ഓഫ് മാർക്ക് നേടുക എന്നത് അഡ്മിഷൻ ലഭിക്കാനുള്ള യോഗ്യത മാത്രമാണ്. സീറ്റ് ലഭിക്കാൻ ഉയർന്ന റാങ്ക് തന്നെ ആവശ്യമാണ്).
Conclusion
നീറ്റ് പരീക്ഷയ്ക്ക് തയ്യാറെടുക്കുമ്പോൾ തന്നെ, ഏത് ക്വോട്ട വഴി എവിടെയൊക്കെ അപേക്ഷിക്കാം എന്നതിനെക്കുറിച്ച് വ്യക്തമായ ധാരണയുണ്ടാക്കുക. പ്രത്യേകിച്ച്, കേരളത്തിന് പുറത്ത് പഠിക്കാൻ ആഗ്രഹിക്കുന്നവർ MCC, AACCC വെബ്സൈറ്റുകൾ കൃത്യമായി ഫോളോ ചെയ്യുക.
Frequently Asked Questions (FAQ)
1. Is NEET required for BSc Nursing in Kerala?
No, admission to BSc Nursing in Kerala is based on Plus Two marks and is conducted by the LBS Centre for Science and Technology.
2. What is the difference between All India Quota and State Quota?
All India Quota (15%) allows students from any state to apply for government medical colleges across India. State Quota (85%) is reserved for students domiciled in that specific state.
3. How to apply for AIIMS MBBS?
Admission to all AIIMS institutes is through NEET UG score. You must register for counselling via the MCC website (mcc.nic.in).
4. Can I get admission in Veterinary colleges through NEET?
Yes, 15% of seats in Veterinary colleges across India are filled through NEET score via VCI counselling. The rest are filled by state entrance exams (like KEAM in Kerala).
5. Does JIPMER have a separate entrance exam?
No, JIPMER MBBS admissions are now conducted solely based on NEET UG scores through MCC counselling.
🩺 Career Clinic - സംശയങ്ങൾ ചോദിക്കാം!
താഴെ വിവരങ്ങൾ നൽകുക. വിദഗ്ദ്ധർ മറുപടി നൽകും.
