പ്ലസ് ടു പാസ്സായവർക്ക് നഴ്സറി ടീച്ചർ ആകാം

7 September, 2020 Raouf Elettil

പ്രീ പ്രൈമറി അധ്യാപക പരിശീല കോഴ്സിന് അപേക്ഷ ക്ഷണിച്ചു.
+2 / ഡിഗ്രി പാസ്സായവർക്ക് അപേക്ഷിക്കാം

2021-22 വർഷത്തെ പ്രീ പ്രൈമറി അധ്യാപക പരിശീലന കോഴ്സ് പ്രവേശനത്തിന് അപേക്ഷകൾ ക്ഷണിച്ചു.

പ്രീ-പ്രൈമറി ടീച്ചേഴ്സ് ട്രെയിനിംഗ് കോഴ്സ് എന്നറിയപ്പെട്ടിരുന്നതും, നഴ്സറി ടീച്ചർ എഡ്യൂക്കേഷൻ കോഴ്സ് എന്ന് പുനർനാമകരണം ചെയ്യപ്പെട്ടതുമായ രണ്ട് വർഷത്തെ പ്രീ-പ്രൈമറി അദ്ധ്യാപക പരിശീലന കോഴ്സ് 2020-21, 2021-22 വർഷത്തേക്കുള പ്രവേശനത്തിന് നിശ്ചിത മാതൃകയിലുളള അപേക്ഷകൾ ക്ഷണിയ്ക്കുന്നു.

എൻ.സി.ടി.ഇ നിശ്ചയിച്ചിട്ടുളള സീറ്റുകളിലേക്ക് മാത്രമാണ് അഡ്മിഷൻ നടത്തുന്നത്.

യോഗ്യത

അപേക്ഷകർ 45%-ൽ കുറയാതെ മാർക്കോടെ ഹയർ സെക്കണ്ടറി അഥവാ തത്തുല്യ പരീക്ഷ പാസായിരിക്കണം.
ബിരുദ യോഗ്യതയുള്ളവർക്ക് മാർക്ക് പരിധി ബാധകമല്ല.
പട്ടികജാതി പട്ടികവർഗ്ഗത്തിൽപ്പെട്ടവർ യോഗ്യത പരീക്ഷ പാസായാൽ മതിയാകും.

മാർക്ക് ഇളവ്

ഒ.ബി.സി വിഭാഗത്തിൽപ്പെടുന്നവർക്ക് 2% മാർക്ക് ഇളവ് ലഭിക്കുന്നതാണ്.
സംസ്ഥാന യുവജനോത്സവത്തിൽ സംഗീതം, നൃത്തം, നാടകം എന്നീ ഇനങ്ങളിൽ
മികച്ച പ്രകടനം കാഴ്ചവെച്ചവർക്ക് 55% മാർക്ക് ഇളവും, സ്പോർട്സ്, ഗെയിംസ്,
എൻ.സി.സി, സ്കൗട്ട് എന്നിവയിൽ മികച്ച പ്രകടനം കാഴ്ചവെച്ചവർക്ക് വെയിറ്റേജ്
മാർക്കും ലഭിക്കുന്നതാണ്.

പ്രായപരിധി

01.08.2020 ൽ 17 നും 33 നും മദ്ധ്യേയായിരിക്കണം.
പട്ടികജാതി, പട്ടികവർഗ്ഗവിഭാഗക്കാർക്ക് 5 വർഷവും ഒ.ബി.സി വിഭാഗത്തിന് 3 വർഷവുംവയസ്സിളവ് ലഭിക്കുന്നതാണ്.
ഗവൺമെന്റ് അംഗീകൃത പ്രീ-പ്രൈമറി വിഭാഗങ്ങളിലെ ടീച്ചർമാർക്ക് 2 വർഷത്തെ അധ്യാപക പ്രവ്യത്തി പരിചയത്തിന് ഒരു വർഷത്തെ വയസ്സിളവ് എന്ന തോതിൽ പരമാവധി 3 വർഷം വരെ വയസ്സിളവ് ലഭിക്കും.

അപേക്ഷിക്കേണ്ട വിധം

പ്രവേശനം ആഗ്രഹിക്കുന്ന അപേക്ഷകർ പ്രവേശിക്കുവാൻ ഉദ്ദേശിക്കുന്ന ഗവ:/അംഗീകൃത സ്ഥാപനത്തിൽ നേരിട്ട് അപേക്ഷ സമർപ്പിക്കേണ്ടതാണ്.
അപേക്ഷയുടെ മാതൃക താഴെ നൽകുന്നുണ്ട്
കോവിഡ് – 19 ന്റെ പശ്ചാത്തലത്തിൽ അപേക്ഷകർ നേരിട്ട് സ്ഥാപനത്തിൽ എത്തി അപേക്ഷ നൽകേണ്ടതില്ല. പകരം അപേക്ഷ സ്കാൻ ചെയ്ത് ഇ-മെയിൽ ചെയ്താൽ മതിയാകും
അപേക്ഷയുടെ ഒറിജിനൽ പ്രവേശന സമയത്ത് ഹാജരാക്കിയാൽ മതി.

അപേക്ഷകൾ ലഭിക്കേണ്ട അവസാന തീയതി :18/09/2020 , 5 pm