ജെ.ഇ.ഇ മെയിൻ 2026 ആൻസർ കീ പ്രസിദ്ധീകരിച്ചു | JEE Main Session 1 Answer Key Out

എഞ്ചിനീയറിംഗ് ബിരുദ പ്രവേശനത്തിനായുള്ള ജോയിന്റ് എൻട്രൻസ് എക്സാമിനേഷൻ (JEE Main – 2026) സെഷൻ 1 പരീക്ഷയുടെ പ്രൊവിഷണൽ ആൻസർ കീ പ്രസിദ്ധീകരിച്ചു. നാഷണൽ ടെസ്റ്റിംഗ് ഏജൻസി (NTA) യുടെ ഔദ്യോഗിക വെബ്സൈറ്റിൽ ആൻസർ കീയും ഉദ്യോഗാർത്ഥികളുടെ റെക്കോർഡഡ് റെസ്പോൺസ് ഷീറ്റും (Recorded Response Sheet) ലഭ്യമാണ്.

ജനുവരി 21, 22, 23, 24, 28 (Paper 1: B.E./B.Tech), ജനുവരി 29 (Paper 2: B.Arch/B.Planning) തീയതികളിൽ നടന്ന പരീക്ഷയുടെ ഉത്തരസൂചികയാണ് ഇപ്പോൾ പുറത്തുവിട്ടിരിക്കുന്നത്.

ആൻസർ കീ ചലഞ്ച് (Answer Key Challenge)

പ്രസിദ്ധീകരിച്ച ഉത്തരങ്ങളിൽ എന്തെങ്കിലും പിശകുകൾ ഉണ്ടെന്ന് ബോധ്യപ്പെട്ടാൽ ഉദ്യോഗാർത്ഥികൾക്ക് അത് ചോദ്യം ചെയ്യാവുന്നതാണ് (Challenge). ഇതിനായി ഒരു ചോദ്യത്തിന് 200 രൂപ (Non-refundable) ഫീസ് അടയ്ക്കണം.

വിദഗ്ദ്ധ സമിതി പരിശോധിച്ച ശേഷം ചലഞ്ച് ശരിയാണെന്ന് ബോധ്യപ്പെട്ടാൽ ഫൈനൽ ആൻസർ കീയിൽ മാറ്റം വരുത്തുന്നതാണ്. എന്നാൽ വ്യക്തിപരമായി മറുപടി ലഭിക്കില്ല. ഫൈനൽ ആൻസർ കീയുടെ അടിസ്ഥാനത്തിലാകും ജെ.ഇ.ഇ മെയിൻ ഫലം പ്രഖ്യാപിക്കുക.

എങ്ങനെ ചലഞ്ച് ചെയ്യാം? (Step-by-Step)

1. ഔദ്യോഗിക വെബ്സൈറ്റായ https://jeemain.nta.nic.in സന്ദർശിക്കുക.
2. ‘Challenge (s) regarding Answer Key’ എന്ന ലിങ്കിൽ ക്ലിക്ക് ചെയ്യുക.
3. ആപ്ലിക്കേഷൻ നമ്പറും പാസ്‌വേഡും നൽകി ലോഗിൻ ചെയ്യുക.
4. നിങ്ങൾക്ക് Question ID യും അതിന് നേരെ NTA നൽകിയ ഉത്തരവും (Correct Option) കാണാം.
5. ഏതെങ്കിലും ഉത്തരത്തോട് വിയോജിപ്പുണ്ടെങ്കിൽ, നിങ്ങൾ ശരിയെന്ന് കരുതുന്ന ഓപ്ഷന്റെ ബോക്സിൽ ടിക്ക് ചെയ്യുക.
6. ആവശ്യമെങ്കിൽ ഉത്തരം സാധൂകരിക്കുന്ന രേഖകൾ (Supporting Documents) ഒറ്റ PDF ഫയലായി അപ്‌ലോഡ് ചെയ്യുക.
7. ‘Save your claim and Pay Fee’ ക്ലിക്ക് ചെയ്ത് ഫീസ് (Debit/Credit Card/Net Banking) അടയ്ക്കുക.