ശുഭദിന ചിന്തകൾ : വിശപ്പിന്റെ വേദന പാഠമാക്കി മദർ
ലോകമെമ്പാടും ഭക്ഷണദാരിദ്ര്യം ഒരു വലിയ പ്രശ്നമാണ്. ഓരോ വർഷവും ദശലക്ഷക്കണക്കിന് ആളുകൾ പട്ടിണിമൂലം മരിക്കുന്നു. ഈ പ്രശ്നത്തെക്കുറിച്ച് ബോധവൽക്കരണം നടത്തേണ്ടത് അത്യാവശ്യമാണ്.
“ഒരു കാര്യം ഉറപ്പായി എനിക്കറിയാം. നാമാരും വിശപ്പ് എന്തെന്ന് അറിഞ്ഞിട്ടില്ല. അതിന്റെ വേദന അനുഭവിച്ചിട്ടില്ല. പക്ഷേ അത് എന്തെന്ന് ഞാനൊരു കൊച്ചു കുഞ്ഞിൽ നിന്നും പഠിച്ചു.” ഒരിക്കൽ പാവങ്ങളുടെ അമ്മയായ മദർ തെരേസ പറഞ്ഞു.
മദർ തെരേസ ഒരിക്കൽ ഒരു തെരുവിൽ ഒരു കൊച്ചു കുട്ടിയെ കണ്ടു. ആ കുട്ടിയുടെ കണ്ണുകളിൽ വിശപ്പിന്റെ വേദന മദർ കണ്ടു. അവൾ കുട്ടിക്ക് ഒരു കഷ്ണം റൊട്ടി നൽകി. കുട്ടി ആ റൊട്ടി വളരെ പതുക്കെ കഴിക്കാൻ തുടങ്ങി. മദർ തെരേസ കുട്ടിയോട് ചോദിച്ചു, “എന്താണിങ്ങനെ വളരെ പതുക്കെ കഴിക്കുന്നത്, വേഗം കഴിക്കൂ.” കുട്ടി ഭയത്തോടെ മറുപടി പറഞ്ഞു, “ഇത് തീർന്നു പോയാലോ, പിന്നേം എനിക്കു വിശക്കില്ലേ.”
“അന്നാണ് ഞാൻ വിശപ്പിന്റെ വേദന അറിഞ്ഞത്, ആ കുഞ്ഞുകണ്ണിലും വാക്കിലും വിശപ്പ് തുളുമ്പി നിന്നിരുന്നു. ഈ വിശപ്പിന്റെ വിളി നാം മറക്കരുത്, അവഗണിക്കരുത്.”മദർ തെരേസയുടെ വാക്കുകൾ നമ്മെ ചിന്തിപ്പിക്കുന്നു.
ഈ ഭൂമിയിൽ ധാരാളം ആളുകൾ വിശക്കുന്നുണ്ട്. നമ്മൾ ആഹാരം പാഴാക്കുമ്പോൾ, തെരുവിൽ വിശക്കുന്ന ഈ കുഞ്ഞുങ്ങളെ ഓർക്കണം.
ലോകാരോഗ്യ സംഘടനയുടെ കണക്കനുസരിച്ച്, ലോകത്ത് ഏകദേശം 821 മില്യൺ ആളുകൾ ദാരിദ്ര്യരേഖയ്ക്ക് താഴെ ജീവിക്കുന്നു. ഇവരിൽ ഭൂരിഭാഗവും വികസ്വര രാജ്യങ്ങളിലാണ്.
പുതിയ തൊഴിൽ അവസരങ്ങളും വിദ്യഭ്യാസ വാർത്തകളും ദിവസവും അറിയാൻ
ഇപ്പോൾ തന്നെ WнaтѕAρρ ഗ്രൂപ്പിൽ ജോയിൻ ചെയ്യൂ..👇
📱https://bn1.short.gy/CareerLokam
