LD ക്ലാർക്ക്, LP അധ്യാപക പരീക്ഷകള് ജൂലായ് മുതല്; 2024-ലെ പരീക്ഷ കലണ്ടര് പ്രസിദ്ധീകരിച്ച് PSC

2024-ലെ വാര്ഷിക പരീക്ഷ കലണ്ടര് കേരള പബ്ലിക് സർവീസ് കമ്മീഷന് (PSC) പ്രസിദ്ധീകരിച്ചു. 2023-ല് വിജ്ഞാപനം ചെയ്തതും പരീക്ഷാ തീയ്യതി പ്രഖ്യാപിച്ചിട്ടില്ലാത്തതുമായ എല്ലാ തസ്തികകളുടേയും പരീക്ഷകള് മാര്ച്ച് മുതല് നടക്കുമെന്നും പി.എസ്.സി അറിയിച്ചു.

പ്രധാന തസ്തികകളുടെ പരീക്ഷാ തീയ്യതികള്

• എൽ.ഡി.ക്ലാർക്ക് (വിവിധ വകുപ്പുകള്): ജൂലായ്, ഓഗസ്റ്റ്, സെപ്റ്റംബർ
• ലാസ്റ്റ് ഗ്രേഡ് സർവെന്റ്സ്: സെപ്റ്റംബർ, ഒക്ടോബർ, നവംബർ
• പുരുഷ/വനിതാ പോലീസ് കോൺസ്റ്റബിൾ, സിവിൽ എക്സൈസ് ഓഫീസർ: മേയ്, ജൂൺ, ജൂലായ്
• യു.പി.സ്കൂൾ അധ്യാപക: ജൂൺ മുതൽ ഓഗസ്റ്റ് വരെ
• എൽ.പി.സ്കൂൾ അധ്യാപക: ജൂലൈ മുതൽ സെപ്റ്റംബർ വരെ

പ്രാഥമിക പരീക്ഷകളും മുഖ്യപരീക്ഷകളും

• എൽ.ഡി.ക്ലാർക്ക്, ലാസ്റ്റ് ഗ്രേഡ് സർവെന്റ്സ്, യു.പി.സ്കൂൾ അധ്യാപക, എൽ.പി.സ്കൂൾ അധ്യാപക തസ്തികകളിലേക്ക് പ്രാഥമിക പരീക്ഷ ഒഴിവാക്കി.
• തദ്ദേശ സ്വയംഭരണ വകുപ്പിൽ സെക്രട്ടറി, പോലീസ് എസ്.ഐ., എക്സൈസ് ഇൻസ്പെക്ടർ, കേരള ബാങ്കിൽ അസിസ്റ്റന്റ് മാനേജർ, മിൽമയിൽ മാർക്കറ്റിങ് ഓർഗനൈസർ തുടങ്ങി ബിരുദം യോഗ്യതയുള്ള തസ്തികകൾക്ക് ഏപ്രിൽ, മേയ്, ജൂൺ മാസങ്ങളിൽ പൊതുപ്രാഥമിക പരീക്ഷ നടക്കും

പരീക്ഷാ തീയ്യതികളും വിശദാംശങ്ങളും PSC-യുടെ വെബ്സൈറ്റിൽ (www.keralapsc.gov.in) ലഭ്യമാണ്.

📅 Last Day Reminder