എസ്.എസ്.സി. സെലക്ഷൻ പോസ്റ്റ് Phase XIII: 2423 ഒഴിവുകൾ; ഇന്ന് June 23 അവസാന തീയതി

സ്റ്റാഫ് സെലക്ഷൻ കമ്മീഷൻ സെലക്ഷൻ പോസ്റ്റ് Phase XIII റിക്രൂട്ട്മെൻ്റ് 2025

കേന്ദ്ര സർക്കാർ സർവീസിൽ ജോലി ആഗ്രഹിക്കുന്നവർക്ക് സുവർണ്ണാവസരം. സ്റ്റാഫ് സെലക്ഷൻ കമ്മീഷൻ (SSC) സെലക്ഷൻ പോസ്റ്റ് Phase XIII റിക്രൂട്ട്മെൻ്റ് 2025-ലേക്ക് ഓൺലൈൻ അപേക്ഷ ക്ഷണിച്ചു. വിവിധ തസ്തികകളിലായി ആകെ 2423 ഒഴിവുകളാണുള്ളത്.

പ്രധാന അറിയിപ്പ്: ഓൺലൈനായി അപേക്ഷിക്കാനുള്ള അവസാന തീയതി 2025 ജൂൺ 23 രാത്രി 11 മണി വരെയാണ്.  

പ്രധാന തീയതികൾ

• ഓൺലൈൻ അപേക്ഷ സമർപ്പിക്കാനുള്ള തീയതികൾ: 2025 ജൂൺ 2 മുതൽ ജൂൺ 23 വരെ.
• ഓൺലൈൻ അപേക്ഷ സ്വീകരിക്കുന്ന അവസാന തീയതിയും സമയവും: 2025 ജൂൺ 23 (രാത്രി 23:00 വരെ).
• ഓൺലൈൻ ഫീസ് അടക്കാനുള്ള അവസാന തീയതിയും സമയവും: 2025 ജൂൺ 24 (രാത്രി 23:00 വരെ).
• അപേക്ഷാ ഫോം തിരുത്താനുള്ള വിൻഡോ: 2025 ജൂൺ 28 മുതൽ ജൂൺ 30 വരെ (രാത്രി 23:00 വരെ).
• കമ്പ്യൂട്ടർ അധിഷ്ഠിത പരീക്ഷയുടെ തീയതികൾ: 2025 ജൂലൈ 24 മുതൽ ഓഗസ്റ്റ് 4 വരെ (താൽക്കാലികം).

ഒഴിവുകൾ (Vacancy)

ആകെ 2423 ഒഴിവുകളാണുള്ളത്. ഇവയുടെ വിഭാഗം തിരിച്ചുള്ള വിശദാംശങ്ങൾ താഴെക്കൊടുക്കുന്നു:

• UR (GEN): 1169
• EWS: 231
• OBC: 561
• SC: 314
• ST: 148

ശമ്പളം (Salary)

സർക്കാർ നിയമങ്ങൾക്കനുസരിച്ചുള്ള ശമ്പള സ്കെയിൽ ആയിരിക്കും.

പ്രായപരിധി (Age Limit)

• കുറഞ്ഞ പ്രായം: 18 വയസ്സ്.
• കൂടിയ പ്രായം: 30 വയസ്സ് (ഓരോ പോസ്റ്റിനും കൂടിയ പ്രായപരിധി വ്യത്യാസപ്പെടാം).

പ്രായപരിധി ഇളവുകൾ:

• എസ്.സി./എസ്.ടി. വിഭാഗക്കാർക്ക്: 5 വർഷം.
• ഒ.ബി.സി. വിഭാഗക്കാർക്ക്: 3 വർഷം.

ഓരോ പ്രായപരിധിക്കും ബാധകമായ ജനനത്തീയതികൾ വിജ്ഞാപനത്തിൽ വിശദമായി നൽകിയിട്ടുണ്ട്. ഉദാഹരണത്തിന്, 18-25 വയസ്സ് പ്രായപരിധിയുള്ള തസ്തികകളിലേക്ക് 2000 ഓഗസ്റ്റ് 2-നും 2007 ഓഗസ്റ്റ് 1-നും ഇടയിൽ ജനിച്ചവരായിരിക്കണം.

വിദ്യാഭ്യാസ യോഗ്യത (Educational Qualification)

വിവിധ തസ്തികകളിലേക്ക് താഴെ പറയുന്ന യോഗ്യതകളുള്ളവർക്ക് അപേക്ഷിക്കാം:

• പത്താം ക്ലാസ് വിജയം (ഏതെങ്കിലും അംഗീകൃത ബോർഡിൽ നിന്ന്).
• പ്ലസ് ടു വിജയം (ഏതെങ്കിലും അംഗീകൃത ബോർഡിൽ നിന്ന്).
• ബിരുദം (ഏതെങ്കിലും അംഗീകൃത സർവകലാശാലയിൽ നിന്ന്).

ഓരോ തസ്തികയുടെയും കൃത്യമായ യോഗ്യത ഔദ്യോഗിക വിജ്ഞാപനത്തിൽ പരിശോധിക്കുക.

അപേക്ഷിക്കേണ്ട രീതി (How To Apply)

അപേക്ഷകൾ ഓൺലൈൻ മോഡിൽ മാത്രമേ സമർപ്പിക്കാൻ പാടുള്ളൂ. എസ്.എസ്.സി.യുടെ ഔദ്യോഗിക വെബ്സൈറ്റ് വഴിയാണ് അപേക്ഷിക്കേണ്ടത്: https://ssc.gov.in

അപേക്ഷാ ഫീസ് (Application Fee)

• അപേക്ഷാ ഫീസ്: 100 രൂപ.
• ഫീസ് അടക്കേണ്ട രീതി: ഭീം യു.പി.ഐ., നെറ്റ് ബാങ്കിങ്, വിസ, മാസ്റ്റർ, മാസ്ട്രോ കാർഡ്, റുപേ ക്രെഡിറ്റ് അല്ലെങ്കിൽ ഡെബിറ്റ് കാർഡ് എന്നിവ ഉപയോഗിച്ച് ഓൺലൈനായി ഫീസ് അടയ്ക്കാം.
• ഫീസ് ഇളവുകൾ: വനിതാ ഉദ്യോഗാർത്ഥികൾ, പട്ടികജാതി (SC), പട്ടികവർഗ്ഗം (ST), ഭിന്നശേഷിക്കാർ (PwBD), സംവരണത്തിന് അർഹരായ വിമുക്ത ഭടൻമാർ (ESM) എന്നിവർക്ക് ഫീസ് അടയ്ക്കേണ്ടതില്ല.

കൂടുതൽ വിവരങ്ങൾക്കും ഓൺലൈൻ അപേക്ഷ സമർപ്പിക്കുന്നതിനും https://ssc.gov.in എന്ന വെബ്സൈറ്റ് സന്ദർശിക്കുക.

Notification

Apply Online