ഇന്ത്യൻ നേവിയിൽ 1110 സിവിൽ തസ്തികകളിലേക്ക് അപേക്ഷ ക്ഷണിച്ചു: ഫയർമാൻ, ചാർജ്മാൻ, ട്രേഡ്സ്മാൻ മേറ്റ് ഉൾപ്പെടെ നിരവധി ഒഴിവുകൾ!

പ്രായപരിധിയും യോഗ്യതയും

ഓരോ തസ്തികയ്ക്കും വ്യത്യസ്തമായ പ്രായപരിധിയും വിദ്യാഭ്യാസ യോഗ്യതയുമുണ്ട്. പ്രധാന തസ്തികകളുടെ പ്രായപരിധി താഴെക്കൊടുക്കുന്നു:

• സ്റ്റാഫ് നഴ്സ്, ലേഡി ഹെൽത്ത് വിസിറ്റർ: പരമാവധി 45 വയസ്സ്.

• ചാർജ്മാൻ (നേവൽ ഏവിയേഷൻ): 18-30 വയസ്സ്.

• ചാർജ്മാൻ (അമ്യൂണിഷൻ വർക്ക്ഷോപ്പ്): 18-25 വയസ്സ്.

• ഫാർമസിസ്റ്റ്, ഫയർ എഞ്ചിൻ ഡ്രൈവർ, ഫയർമാൻ, ഡ്രാഫ്റ്റ്സ്മാൻ: 18-27 വയസ്സ്.

• മിക്ക ചാർജ്മാൻ തസ്തികകൾക്കും, സ്റ്റോർ സൂപ്രണ്ട്, സ്റ്റോർകീപ്പർ, സിവിലിയൻ മോട്ടോർ ഡ്രൈവർ, ട്രേഡ്സ്മാൻ മേറ്റ്, പെസ്റ്റ് കൺട്രോൾ വർക്കർ, ഭണ്ഡാരി, മൾട്ടി-ടാസ്കിംഗ് സ്റ്റാഫ്: 18-25 വയസ്സ്.

വിദ്യാഭ്യാസ യോഗ്യത:
വിവിധ തസ്തികകൾക്ക് പത്താം ക്ലാസ്, പ്ലസ് ടു, ഡിപ്ലോമ, ബിരുദം, ഐ.ടി.ഐ. സർട്ടിഫിക്കറ്റ് തുടങ്ങിയ യോഗ്യതകൾ ആവശ്യമാണ്. ചില തസ്തികകൾക്ക് പ്രവർത്തിപരിചയവും ശാരീരികക്ഷമതാ മാനദണ്ഡങ്ങളും നിർബന്ധമാണ്. വിശദമായ യോഗ്യതാ മാനദണ്ഡങ്ങൾക്കായി ഔദ്യോഗിക വിജ്ഞാപനം പരിശോധിക്കുക.

അപേക്ഷാ ഫീസ്

• പൊതു/ഇ.ഡബ്ല്യു.എസ്./ഒ.ബി.സി. വിഭാഗക്കാർക്ക്: ₹295/-

• എസ്.സി./എസ്.ടി./ഭിന്നശേഷിക്കാർ (PwBD)/മുൻ സൈനികർ/വനിതാ അപേക്ഷകർക്ക്: ഫീസ് ഇല്ല.

• ഡെബിറ്റ് കാർഡ്, ക്രെഡിറ്റ് കാർഡ്, നെറ്റ് ബാങ്കിംഗ് എന്നിവ വഴി ഫീസ് അടയ്ക്കാം.

തിരഞ്ഞെടുപ്പ് പ്രക്രിയ

തിരഞ്ഞെടുപ്പ് താഴെ പറയുന്ന ഘട്ടങ്ങളിലൂടെയായിരിക്കും:

1. എഴുത്തുപരീക്ഷ (Written Exam)

2. ശാരീരികക്ഷമതാ പരീക്ഷ (Physical Test – ഫയർമാൻ & ഫയർ എഞ്ചിൻ ഡ്രൈവർക്ക് മാത്രം)

3. ഡോക്യുമെന്റ് വെരിഫിക്കേഷൻ

4. മെഡിക്കൽ പരിശോധന

എങ്ങനെ അപേക്ഷിക്കാം?

യോഗ്യരും താൽപ്പര്യമുള്ളവരുമായ ഉദ്യോഗാർത്ഥികൾക്ക് ഇന്ത്യൻ നേവിയുടെ ഔദ്യോഗിക വെബ്സൈറ്റായ www.joinindiannavy.gov.in വഴി ഓൺലൈനായി അപേക്ഷിക്കാം. അപേക്ഷകൾ 2025 ജൂലൈ 5 ന് ആരംഭിച്ചു, അവസാന തീയതി 2025 ജൂലൈ 18 ആണ്.

അപേക്ഷിക്കാനുള്ള നടപടിക്രമങ്ങൾ:

1. ഇന്ത്യൻ നേവിയുടെ ഔദ്യോഗിക വെബ്സൈറ്റായ www.joinindiannavy.gov.in സന്ദർശിക്കുക.

2. “Recruitment / Career / Advertising Menu” എന്ന ഭാഗത്ത് “INCET 01/2025” എന്ന സിവിൽ തസ്തികകളിലേക്കുള്ള വിജ്ഞാപനം കണ്ടെത്തുക.

3. ഔദ്യോഗിക വിജ്ഞാപനം ഡൗൺലോഡ് ചെയ്ത് പൂർണ്ണമായി വായിച്ച് നിങ്ങളുടെ യോഗ്യത ഉറപ്പാക്കുക.

4. ഓൺലൈൻ അപേക്ഷാ ലിങ്കിൽ ക്ലിക്ക് ചെയ്യുക.

5. ആവശ്യമായ വിവരങ്ങൾ തെറ്റുകൂടാതെ പൂരിപ്പിക്കുക.

6. വിജ്ഞാപനത്തിൽ പറഞ്ഞിരിക്കുന്ന ഫോർമാറ്റിലും വലുപ്പത്തിലും ആവശ്യമായ രേഖകൾ അപ്ലോഡ് ചെയ്യുക (പാസ്പോർട്ട് വലുപ്പമുള്ള ഫോട്ടോ, ഒപ്പ്, യോഗ്യതാ സർട്ടിഫിക്കറ്റുകൾ തുടങ്ങിയവ).

7. നൽകിയ വിവരങ്ങൾ ശരിയാണെന്ന് ഉറപ്പുവരുത്തിയ ശേഷം അപേക്ഷ സമർപ്പിക്കുക.

8. അപേക്ഷാ ഫീസ് ബാധകമാണെങ്കിൽ, ഓൺലൈൻ പേയ്മെന്റ് ഗേറ്റ്വേ വഴി അടയ്ക്കുക.

9. അപേക്ഷ സമർപ്പിച്ച ശേഷം അതിന്റെ പ്രിന്റൗട്ട് എടുത്ത് ഭാവിയിലെ ആവശ്യങ്ങൾക്കായി സൂക്ഷിക്കുക.

ഈ അവസരം പ്രയോജനപ്പെടുത്തി ഇന്ത്യൻ നേവിയുടെ ഭാഗമാകാൻ താൽപ്പര്യമുള്ള ഉദ്യോഗാർത്ഥികൾ എത്രയും പെട്ടെന്ന് അപേക്ഷ സമർപ്പിക്കുക.

English Summary:
The Indian Navy has released a recruitment notification (INCET 01/2025) for 1110 civilian posts, including Fireman, Chargeman, Staff Nurse, Tradesman Mate, Storekeeper, and Civilian Motor Driver, across India. Eligible candidates can apply online through www.joinindiannavy.gov.in from July 5, 2025, to July 18, 2025. Vacancies are available for 37 different types of posts with salaries ranging from ₹18,000 to ₹1,42,400 per month. Educational qualifications vary from 10th pass to diploma and degree, depending on the post. Age limits range from 18 to 45 years, with relaxations for reserved categories. The application fee is ₹295 for UR/EWS/OBC, while SC/ST/PwBD/Ex-servicemen/Female candidates are exempted. The selection process involves a written exam, physical test (for Fireman & Fire Engine Driver), document verification, and medical examination.