കേരള കേന്ദ്ര സർവകലാശാലയിൽ മൂന്ന് പുതിയ ബിരുദ പ്രോഗ്രാമുകൾ

കാസർഗോഡ് ആസ്ഥാനമായുള്ള കേരള കേന്ദ്ര സർവകലാശാല (Central University of Kerala – CUK) ഈ അധ്യയന വർഷം മുതൽ മൂന്ന് പുതിയ ഓണേഴ്സ് ബിരുദ പ്രോഗ്രാമുകൾക്ക് തുടക്കം കുറിച്ചു. ബി.എസ്.സി. ബയോളജി (ഓണേഴ്സ്), ബി.കോം. ഫിനാൻഷ്യൽ അനലിറ്റിക്സ് (ഓണേഴ്സ്), ബി.സി.എ. (ഓണേഴ്സ്) എന്നിവയാണിവ. ഈ നാല് വർഷ ബിരുദ പ്രോഗ്രാമുകൾ, പുതിയ ദേശീയ വിദ്യാഭ്യാസ നയം (NEP) അനുസരിച്ച് മൾട്ടിപ്പിൾ എൻട്രി, മൾട്ടിപ്പിൾ എക്സിറ്റ് രീതിയിലാണ് രൂപകൽപ്പന ചെയ്തിരിക്കുന്നത്.

പുതിയ പ്രോഗ്രാമുകളുടെ പ്രത്യേകതകൾ

മൾട്ടിപ്പിൾ എൻട്രി, മൾട്ടിപ്പിൾ എക്സിറ്റ് രീതി വിദ്യാർത്ഥികൾക്ക് അവരുടെ പഠനം വിവിധ ഘട്ടങ്ങളിൽ പൂർത്തിയാക്കാനുള്ള അവസരം നൽകുന്നു:

• ഒന്നാം വർഷം പൂർത്തിയാക്കുമ്പോൾ: സർട്ടിഫിക്കറ്റ്

• രണ്ടാം വർഷം പൂർത്തിയാക്കുമ്പോൾ: ഡിപ്ലോമ

• മൂന്നാം വർഷം പൂർത്തിയാക്കുമ്പോൾ: ബിരുദം

നാല് വർഷവും വിജയകരമായി പൂർത്തിയാക്കുന്ന വിദ്യാർത്ഥികൾക്ക് ഡിഗ്രി ഓണേഴ്സ് വിത്ത് റിസർച്ച് ബിരുദമാണ് ലഭിക്കുക. ഇവർക്ക് ഒരു വർഷത്തെ ബിരുദാനന്തര ബിരുദം പഠിച്ചാൽ മതിയാകും. കൂടാതെ, നാല് വർഷത്തെ കോഴ്സ് പൂർത്തിയാക്കുന്നവർക്ക് ബിരുദാനന്തര ബിരുദം ഇല്ലാതെ നേരിട്ട് ഗവേഷണത്തിന് (Ph.D.) അഡ്മിഷൻ നേടാനും കഴിയും.

പുതിയ പ്രോഗ്രാമുകളുടെ സ്പെഷ്യലൈസേഷനുകളും തൊഴിൽ സാധ്യതകളും

ബി.കോം. ഫിനാൻഷ്യൽ അനലിറ്റിക്സ് (ഓണേഴ്സ്):

• ഫിനാൻസ്, ഡാറ്റാ സയൻസ്, സാങ്കേതികവിദ്യ എന്നിവ സംയോജിപ്പിച്ച് വിപണികൾ പ്രവചിക്കാനും അപകടസാധ്യത കൈകാര്യം ചെയ്യാനും വിദ്യാർത്ഥികളെ ഇത് സജ്ജരാക്കുന്നു.

• പൈത്തൺ, പവർ ബിഐ, ഗ്ലോബൽ ഫിനാൻഷ്യൽ ഡാറ്റാബേസുകൾ തുടങ്ങിയവയിലും വൈദഗ്ദ്ധ്യം നൽകുന്നു.
• തൊഴിൽ സാധ്യതകൾ: ക്വാണ്ടിറ്റേറ്റീവ് അനലിസ്റ്റ്, ഫിനാൻഷ്യൽ അനലിസ്റ്റ്, റിസ്ക് സ്ട്രാറ്റജിസ്റ്റ്, ഫിൻടെക് സ്പെഷ്യലിസ്റ്റ്.
• അതിവേഗം മാറിക്കൊണ്ടിരിക്കുന്ന വാണിജ്യ മേഖലയുടെ ആവശ്യകതകൾ കണക്കിലെടുത്താണ് ഈ പ്രോഗ്രാം തയ്യാറാക്കിയിരിക്കുന്നത്.

• സാങ്കേതികവിദ്യയുടെ മുന്നേറ്റത്തിനനുസരിച്ച് ലോകം അഭിമുഖീകരിക്കുന്ന വൈദഗ്ധ്യ കുറവുകൾ പരിഹരിക്കുന്നതിനാണ് ഈ പ്രോഗ്രാം രൂപകൽപ്പന ചെയ്തിരിക്കുന്നത്.
• ഡാറ്റാ സയൻസ്, ആർട്ടിഫിഷ്യൽ ഇന്റലിജൻസ്, മെഷീൻ ലേണിംഗ്, സൈബർ സുരക്ഷ, സിസ്റ്റം അനാലിസിസ് തുടങ്ങിയ വിവിധ മേഖലകളെ ഇത് സംയോജിപ്പിക്കുന്നു.
• തൊഴിൽ സാധ്യതകൾ: സോഫ്റ്റ്വെയർ ഡെവലപ്പർ, എ.ഐ. ഡെവലപ്പർ, സൈബർ സെക്യൂരിറ്റി അനലിസ്റ്റ്, നെറ്റ്വർക്ക് അഡ്മിനിസ്ട്രേറ്റർ, സിസ്റ്റം അനലിസ്റ്റ്, ഡാറ്റാ സയന്റിസ്റ്റ്.

ബി.എസ്.സി. ബയോളജി (ഓണേഴ്സ്):

• സുവോളജി, മോളിക്യുലാർ ബയോളജി, എൻവയൺമെന്റൽ ബയോളജി, ജീനോമിക്സ്, ബയോകെമിസ്ട്രി, ബയോടെക്നോളജി, ബയോഇൻഫർമാറ്റിക്സ് എന്നീ പ്രധാന മേഖലകളിൽ പ്രായോഗിക പരിശീലനം നൽകുന്നു.
• തൊഴിൽ സാധ്യതകൾ: ബയോടെക് ക്ലസ്റ്ററുകൾ, എൻവയൺമെന്റൽ കൺസൾട്ടൻസി, ഫാർമസ്യൂട്ടിക്കൽസ്, പൊതുജനാരോഗ്യം, അക്കാഡമിക് ഗവേഷണം.

പ്രവേശനം

നാഷണൽ ടെസ്റ്റിംഗ് ഏജൻസി (NTA) ദേശീയ തലത്തിൽ നടത്തിയ സി.യു.ഇ.ടി. (CUET) യു.ജി. പൊതുപ്രവേശന പരീക്ഷയുടെ അടിസ്ഥാനമാക്കിയാണ് കേരള കേന്ദ്ര സർവകലാശാലയിലും പ്രവേശനം. ഈ പരീക്ഷയിൽ പങ്കെടുത്തവർ സർവകലാശാലയുടെ പ്രവേശന രജിസ്ട്രേഷൻ ആരംഭിക്കുമ്പോൾ ഔദ്യോഗിക വെബ്സൈറ്റ് വഴി രജിസ്റ്റർ ചെയ്യേണ്ടതാണ്.

പുതിയ പ്രോഗ്രാമുകളെക്കുറിച്ചുള്ള കൂടുതൽ വിവരങ്ങൾക്കും രജിസ്ട്രേഷൻ നടപടികൾക്കുമായി കേരള കേന്ദ്ര സർവകലാശാലയുടെ ഔദ്യോഗിക വെബ്സൈറ്റ് സന്ദർശിക്കുക.

English Summary:
The Central University of Kerala (CUK), Kasaragod, has introduced three new four-year Honours undergraduate programs from the current academic year: B.Sc. Biology (Honours), B.Com. Financial Analytics (Honours), and BCA (Honours). T 

📅 Last Day Reminder