2025-27 അധ്യയന വർഷത്തെ ഡി.എൽ.എഡ്. (D.El.Ed – പഴയ TTC) കോഴ്സിന് സർക്കാർ, എയ്ഡഡ്, സ്വാശ്രയ സ്ഥാപനങ്ങളിലേക്ക് അപേക്ഷ ക്ഷണിച്ചു. ഓഗസ്റ്റ് 11 ആണ് അവസാന തീയതി.

 കേരളത്തിലെ എൽ.പി./യു.പി. ക്ലാസുകളിൽ അധ്യാപകരാകാൻ ആഗ്രഹിക്കുന്നവർക്ക് സുവർണ്ണാവസരം! 2025-27 അധ്യയന വർഷത്തെ ഡി.എൽ.എഡ്. (D.El.Ed), മുൻപ് ടി.ടി.സി. (TTC) എന്നറിയപ്പെട്ടിരുന്ന കോഴ്സിന് സർക്കാർ, എയ്ഡഡ്, സ്വാശ്രയ സ്ഥാപനങ്ങളിലേക്ക് അപേക്ഷ ക്ഷണിച്ചു. 

രണ്ട് വർഷവും നാല് സെമസ്റ്ററുകളുമുള്ള ഈ കോഴ്സിന് അതാത് ജില്ലാ ഡെപ്യൂട്ടി ഡയറക്ടർ ഓഫ് എജ്യുക്കേഷൻ (DDE) ഓഫീസിൽ അപേക്ഷ സമർപ്പിക്കാനുള്ള അവസാന തീയതി 2025 ഓഗസ്റ്റ് 11 ആണ്.

◼️ യോഗ്യതയും പ്രധാന വ്യവസ്ഥകളും

▪️ വിദ്യാഭ്യാസ യോഗ്യത: ഹയർസെക്കൻഡറി പരീക്ഷയിലോ തത്തുല്യ പരീക്ഷയിലോ കുറഞ്ഞത് 50% മാർക്ക് നേടിയിരിക്കണം. 

▪️ പ്രായപരിധി (2025 ജൂലൈ 1-ന് അടിസ്ഥാനമാക്കി): 17 വയസ്സിൽ കുറയാനോ 33 വയസ്സിൽ കൂടാനോ പാടില്ല. 

▪️ പ്രായപരിധിയിൽ ഇളവ്: പട്ടികജാതി/പട്ടികവർഗ്ഗ വിഭാഗക്കാർക്ക് 5 വർഷവും, മറ്റ് പിന്നാക്ക വിഭാഗക്കാർക്ക് 3 വർഷവും ഉയർന്ന പ്രായപരിധിയിൽ ഇളവ് ലഭിക്കും. 

▪️ വിദ്യാഭ്യാസ അവസരം: യോഗ്യതാ പരീക്ഷ പാസാകാൻ മൂന്നിൽ കൂടുതൽ ചാൻസുകൾ എടുത്തവർക്ക് അപേക്ഷിക്കാൻ അർഹതയില്ല. എന്നാൽ, പട്ടികജാതി/പട്ടികവർഗ്ഗ വിഭാഗങ്ങൾക്ക് ഈ നിബന്ധന ബാധകമല്ല.

◼️ സീറ്റ് സംവരണങ്ങൾ

▪️ സയൻസ്, ഹ്യുമാനിറ്റീസ് വിഭാഗങ്ങൾക്ക് 40% വീതവും, കൊമേഴ്സ് വിഭാഗത്തിന് 20% വും സീറ്റുകൾ സംവരണം ചെയ്തിട്ടുണ്ട്. 

▪️ ഭിന്നശേഷിയുള്ളവർക്ക് 3% സീറ്റുകൾ സംവരണം ചെയ്തിട്ടുണ്ട്. 

▪️ സാമ്പത്തികമായി പിന്നാക്കം നിൽക്കുന്ന മുന്നോക്ക വിഭാഗങ്ങൾക്ക് 10% സീറ്റുകൾ അധികമായി നൽകും. 

▪️ സർക്കാർ/എയ്ഡഡ് സ്ഥാപനങ്ങളിൽ വിമുക്തഭടന്മാർക്ക് ഓരോ റവന്യൂ ജില്ലയിലും 6 സീറ്റും, ജവാന്മാരുടെ കുടുംബാംഗങ്ങൾക്ക് 2 സീറ്റും നീക്കിവച്ചിട്ടുണ്ട്.

◼️ അപേക്ഷ സമർപ്പിക്കേണ്ട രീതി

▪️ അവസാന തീയതി: 2025 ഓഗസ്റ്റ് 11 വൈകുന്നേരം 5:00 മണിക്ക് മുൻപ്.

▪️ സ്വാശ്രയ സ്ഥാപനങ്ങൾ:
▪️ മെറിറ്റ് ക്വാട്ടയിലേക്കുള്ള അപേക്ഷകൾ ബന്ധപ്പെട്ട വിദ്യാഭ്യാസ ഉപഡയറക്ടർക്ക് ₹100 ഡിമാൻഡ് ഡ്രാഫ്റ്റിനൊപ്പം സമർപ്പിക്കണം. 

▪️ മാനേജ്മന്റ് ക്വാട്ടയിലേക്കുള്ള അപേക്ഷകൾ ₹100 ഡിമാൻഡ് ഡ്രാഫ്റ്റിനൊപ്പം സ്ഥാപനത്തിൻ്റെ മാനേജർക്ക് നേരിട്ട് നൽകണം.

▪️ സർക്കാർ/എയ്ഡഡ് സ്ഥാപനങ്ങൾ: 

▪️ അപേക്ഷ ഫോമിനൊപ്പം ₹5 കോർട്ട് ഫീ സ്റ്റാമ്പോ ചെലാൻ രസീതോ ഉണ്ടായിരിക്കണം. 

▪️ പട്ടികജാതി/പട്ടികവർഗ്ഗക്കാർക്ക് ഫീസ് ഇല്ല.

വകുപ്പ് തല ക്വാട്ട: സർക്കാർ/എയ്ഡഡ് സ്കൂളുകളിലെ അധ്യാപകർക്കും അനധ്യാപകർക്കും ഡിപ്പാർട്ട്മെൻ്റ് ക്വാട്ട വഴി അപേക്ഷിക്കാം. ഇവർക്ക് 5 വർഷത്തെ സർവീസും പ്ലസ് ടുവിന് 50% മാർക്കും വേണം.

◼️ പ്രവേശന നടപടികളും ക്ലാസുകളും

▪️ പ്രവേശന നടപടികൾ ഓഗസ്റ്റ് 25-നകം പൂർത്തിയാക്കി സെപ്റ്റംബർ 1-ന് ക്ലാസുകൾ ആരംഭിക്കും. 

▪️ കൂടുതൽ വിവരങ്ങൾക്ക് www.education.kerala.gov.in എന്ന വെബ്സൈറ്റ് സന്ദർശിക്കുക.

English Summary:

Applications are open for the two-year D.El.Ed (formerly TTC) course for the 2025-27 academic year in government, aided, and self-financing institutions in Kerala. The deadline to submit applications to the respective District DDE offices is August 11, 2025, 5 PM. Eligibility requires a minimum of 50% marks in Plus Two, with an age limit of 17-33 years. Admissions will be finalized by August 25, with classes commencing on September 1.

📅 Last Day Reminder