ഐ.ടി.ഐ വിദ്യാർത്ഥികൾക്ക് 10,000 രൂപ സ്കോളർഷിപ്പ്; ഫീസ് റീ-ഇംബേഴ്സ്മെന്റ് പദ്ധതിക്ക് അപേക്ഷ ക്ഷണിച്ചു

സംസ്ഥാനത്തെ സർക്കാർ അംഗീകൃത പ്രൈവറ്റ് ഐ.ടി.ഐകളിൽ (Private ITI) പഠിക്കുന്ന ന്യൂനപക്ഷ മതവിഭാഗങ്ങളിലെ വിദ്യാർത്ഥികൾക്കായി കേരള സംസ്ഥാന ന്യൂനപക്ഷക്ഷേമ വകുപ്പ് നടപ്പിലാക്കുന്ന ഫീസ് റീ-ഇംബേഴ്സ്മെന്റ് സ്കീമിലേക്ക് (Fee Reimbursement Scheme) അപേക്ഷ ക്ഷണിച്ചു.

ഒന്ന്, രണ്ട് വർഷ കോഴ്സുകളിൽ പഠിക്കുന്നവർക്കാണ് അവസരം. പ്രതിവർഷം 10,000 രൂപയാണ് സ്കോളർഷിപ്പായി ലഭിക്കുക.

യോഗ്യതാ മാനദണ്ഡങ്ങൾ

മതവിഭാഗം: മുസ്ലീം, ക്രിസ്ത്യൻ (എല്ലാ വിഭാഗവും), സിഖ്, ബുദ്ധ, പാഴ്സി, ജൈന മതവിഭാഗത്തിൽപ്പെട്ട വിദ്യാർത്ഥികൾക്ക് അപേക്ഷിക്കാം.

താമസക്കാര്: കേരളത്തിൽ പഠിക്കുന്ന സ്ഥിര താമസക്കാരായിരിക്കണം.

വരുമാന പരിധി: ബി.പി.എൽ (BPL) വിഭാഗത്തിൽപ്പെടുന്ന വിദ്യാർത്ഥികൾക്ക് മുൻഗണന. ബി.പി.എൽ അപേക്ഷകരുടെ അഭാവത്തിൽ 8 ലക്ഷം രൂപ വരെ വാർഷിക വരുമാനമുള്ള എ.പി.എൽ (APL) വിഭാഗത്തെയും പരിഗണിക്കും.

മറ്റ് നിബന്ധനകൾ: അപേക്ഷകർക്ക് ഷെഡ്യൂൾഡ് കൊമേഴ്സ്യൽ ബാങ്കിൽ സ്വന്തം പേരിൽ അക്കൗണ്ട് ഉണ്ടായിരിക്കണം.

തിരഞ്ഞെടുപ്പ് രീതി

കുടുംബ വാർഷിക വരുമാനത്തിന്റെയും മാർക്കിന്റെയും അടിസ്ഥാനത്തിൽ ജനസംഖ്യാനുപാതികമായാണ് തിരഞ്ഞെടുപ്പ്. 10% സ്കോളർഷിപ്പ് പെൺകുട്ടികൾക്കായി സംവരണം ചെയ്തിട്ടുണ്ട് (പെൺകുട്ടികൾ കുറവാണെങ്കിൽ ആൺകുട്ടികളെയും പരിഗണിക്കും). രണ്ടാം വർഷക്കാർക്കും പുതുതായി അപേക്ഷ നൽകാവുന്നതാണ്.

അപേക്ഷിക്കേണ്ട വിധം

www.mwdscholarship.kerala.gov.in എന്ന വെബ്സൈറ്റ് വഴി ഓൺലൈനായി അപേക്ഷ സമർപ്പിക്കണം.

അവസാന തീയതി: 2025 ജനുവരി 9.

കൂടുതൽ വിവരങ്ങൾക്ക്: 0471 2300523, 0471 2300524.

📅 Last Day Reminder