കുതിരകൾക്കൊപ്പം വളർന്ന പശുക്കുട്ടി: കൂട്ട് നമ്മുടെ വിധിയെ മാറ്റുന്നതെങ്ങനെ? 🐴🐮

🌿പ്രഭാത ചിന്തകൾ – വിജയത്തിലേക്കുള്ള പാഠങ്ങൾ🌿

ഒരിടത്ത് ഒരു കർഷകന് നാല് കുതിരകളുണ്ടായിരുന്നു. അയാൾ ഒരു പശുവിനെയും അതിൻ്റെ കുഞ്ഞിനെയും കൂടെ വാങ്ങി. പശുക്കുട്ടി ജനിച്ചതും വളർന്നതും എല്ലാം ആ നാല് കുതിരകൾക്കൊപ്പമായിരുന്നു.

കുതിരകൾ ഓടുന്നത് കണ്ട് പശുക്കുട്ടിയും ഓടാൻ പഠിച്ചു. കുതിരകൾ ചാടുന്നത് കണ്ട് അതും ചാടാൻ തുടങ്ങി. ക്രമേണ, ഒരു കുതിരക്കുട്ടിയെപ്പോലെ അത് കുതിച്ചുപായാൻ തുടങ്ങി. സ്വന്തം തള്ളപ്പശുവിനെപ്പോലും അത് ശ്രദ്ധിക്കാതെയായി. ജന്മം കൊണ്ട് പശുവാണെങ്കിലും, കർമ്മം കൊണ്ടും സ്വഭാവം കൊണ്ടും അത് പൂർണ്ണമായും ഒരു കുതിരയായി മാറി!

ഇത് വെറുമൊരു കഥയല്ല, മനുഷ്യരായ നമ്മുടെയും അവസ്ഥയാണ്.

ചിന്തിക്കേണ്ട കാര്യങ്ങൾ:

നമ്മുടെ പാരമ്പര്യത്തേക്കാളും ജന്മത്തേക്കാളും നമ്മളെ സ്വാധീനിക്കുന്നത് നമ്മുടെ സാഹചര്യങ്ങളാണ്.
“സംഘമനുസരിച്ചാണ് രംഗം” എന്ന് നീതിസാരത്തിൽ പറയുന്നു. നമ്മുടെ കൂട്ട് ആരുമായാണോ, അവരെപ്പോലെ നമ്മളും മാറും.

• മലയാളിയായി ജനിച്ചിട്ടും വിദേശത്ത് വളരുന്നതുകൊണ്ട് മലയാളം മറന്ന് ഇംഗ്ലീഷ് സംസാരിക്കുന്നവരെ കണ്ടിട്ടില്ലേ?

• ആമകൾക്കൊപ്പം വളർന്ന പട്ടിക്കുട്ടി നടക്കാൻ മറന്ന് ഇഴഞ്ഞു നീങ്ങുന്ന വീഡിയോ കണ്ടിട്ടില്ലേ?

ഇതെല്ലാം തെളിയിക്കുന്നത് ഒരേയൊരു കാര്യമാണ്: നിങ്ങൾ ആരോടൊപ്പം സമയം ചിലവഴിക്കുന്നുവോ, അതാണ് നിങ്ങളുടെ ഭാവി.

കല്ലിനും സുഗന്ധം!
കുഞ്ചൻ നമ്പ്യാർ പാടിയത് എത്ര അർത്ഥവത്താണ്:
“മുല്ലപ്പൂമ്പൊടി ഏറ്റു കിടക്കും കല്ലിനുമുണ്ടാമൊരു സൗരഭ്യം”

കല്ലിന് സ്വന്തമായി മണമില്ല. പക്ഷേ മുല്ലപ്പൂവിൻ്റെ കൂടെയിരുന്നാൽ കല്ലും മണക്കും. അതുപോലെ, ഉന്നതമായ ചിന്തകളും ലക്ഷ്യങ്ങളുമുള്ള ആളുകൾക്കൊപ്പമാണ് നിങ്ങൾ നടക്കുന്നതെങ്കിൽ, നിങ്ങളും ഉന്നതങ്ങളിലെത്തും. മറിച്ച്, ലക്ഷ്യബോധമില്ലാത്തവർക്കൊപ്പമാണ് കൂട്ടെങ്കിൽ, നമ്മുടെ ജീവിതവും വഴിതെറ്റും.

പണം ഉണ്ടാക്കുന്നതല്ല ജീവിതവിജയം, മികച്ചൊരു വ്യക്തിത്വത്തിന് ഉടമയാകുന്നതാണ്. അതിന് ആദ്യം വേണ്ടത് നല്ലൊരു ചുറ്റുപാടാണ്.

ഇന്നത്തെ ദിവസം ഒന്ന് ചിന്തിക്കൂ: “എന്റെ വളർച്ചയ്ക്ക് സഹായിക്കുന്നവരാണോ എൻ്റെ സുഹൃത്തക്കൾ?”

നല്ലൊരു ദിനം നേരുന്നു!

📅 Last Day Reminder