FACT-ൽ മെയിൽ നഴ്സ് ഒഴിവ്; ശമ്പളം 45,000 രൂപ വരെ; പരീക്ഷയില്ല, ഇന്റർവ്യൂ വഴി നിയമനം

 കേന്ദ്ര സർക്കാർ പൊതുമേഖലാ സ്ഥാപനമായ ഫെർട്ടിലൈസേഴ്സ് ആൻഡ് കെമിക്കൽസ് ട്രാവൻകൂർ ലിമിറ്റഡിൽ (FACT) തൊഴിലവസരം. നഴ്സ് (മെയിൽ) തസ്തികയിലേക്ക് കരാർ അടിസ്ഥാനത്തിൽ നിയമനം നടത്തുന്നതിനായി യോഗ്യരായ ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചു.

തസ്തികയും ശമ്പളവും

• തസ്തിക: നഴ്സ് (മെയിൽ) – Nurse (Male).

• നിയമന രീതി: ഫിക്സഡ് ടെന്നുവർ കോൺട്രാക്ട് (താൽക്കാലികം).

• ശമ്പളം: പ്രതിമാസം 30,000 രൂപ മുതൽ 45,000 രൂപ വരെ.

• സ്ഥലം: ഉദ്യോഗമണ്ഡൽ, കേരളം.

യോഗ്യതകൾ

1. വിദ്യാഭ്യാസം: പത്താം ക്ലാസ് പാസായിരിക്കണം. കൂടാതെ ജനറൽ നഴ്സിങ് ആൻഡ് മിഡ്വൈഫറിയിൽ (GNM) 3 വർഷത്തെ ഡിപ്ലോമ അല്ലെങ്കിൽ ബി.എസ്.സി നഴ്സിങ് (B.Sc Nursing) ബിരുദം.

2. രജിസ്ട്രേഷൻ: കേരള നഴ്സസ് ആൻഡ് മിഡ്വൈഫ്സ് കൗൺസിൽ രജിസ്ട്രേഷൻ നിർബന്ധമാണ്.

3. മുൻഗണന: എമർജൻസി/കാഷ്വാലിറ്റി/ഐസിസി യൂണിറ്റ് അല്ലെങ്കിൽ ഒക്യുപേഷണൽ ഹെൽത്ത് സെന്റർ എന്നിവിടങ്ങളിൽ പ്രവൃത്തിപരിചയമുള്ളവർക്ക് മുൻഗണന ലഭിക്കും.

പ്രായപരിധി

അപേക്ഷകർക്ക് 50 വയസ്സ് കവിയാൻ പാടില്ല (01.11.1975-നും 31.10.2007-നും ഇടയിൽ ജനിച്ചവരായിരിക്കണം). വിമുക്തഭടന്മാർക്ക് നിയമാനുസൃതമായ വയസ്സിളവ് ലഭിക്കും (പരമാവധി 53 വയസ്സ് വരെ).

തിരഞ്ഞെടുപ്പ് രീതി

എഴുത്തുപരീക്ഷ ഉണ്ടായിരിക്കില്ല. രേഖകൾ പരിശോധിക്കൽ (Document Verification), ഷോർട്ട്ലിസ്റ്റിംഗ്, വ്യക്തിഗത അഭിമുഖം (Personal Interview) എന്നിവയുടെ അടിസ്ഥാനത്തിലായിരിക്കും നിയമനം. അപേക്ഷാ ഫീസ് ഇല്ല എന്നത് ഉദ്യോഗാർത്ഥികൾക്ക് ആശ്വാസമാണ്.

അപേക്ഷിക്കേണ്ട വിധം

ഓൺലൈൻ വഴിയല്ല, മറിച്ച് തപാൽ വഴി (Offline) ആണ് അപേക്ഷിക്കേണ്ടത്.

നിശ്ചിത മാതൃകയിലുള്ള അപേക്ഷ ഫോം പൂരിപ്പിച്ച്, യോഗ്യത, വയസ്സ്, ജാതി എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പുകൾ സഹിതം താഴെ പറയുന്ന വിലാസത്തിൽ അയക്കണം.

അപേക്ഷ അയക്കേണ്ട വിലാസം:

DGM (HR), HR Department, FEDO Building, FACT, Udyogamandal, PIN–683501.

കവറിന് പുറത്ത് “Application for the post of (Nurse(Male)) – Ad.10/2025” എന്ന് രേഖപ്പെടുത്തിയിരിക്കണം.

അവസാന തീയതി: ഡിസംബർ 10, 2025.

കൂടുതൽ വിവരങ്ങൾക്കും അപേക്ഷാ ഫോമിനും www.fact.co.in സന്ദർശിക്കുക.

Notification    Click Here