സർക്കാർ കോളജുകളിൽ 138 അസിസ്റ്റന്റ് പ്രൊഫസർ ഒഴിവുകൾ; 48 പുതിയ തസ്തികകൾക്ക് മന്ത്രിസഭാ അനുമതി
സംസ്ഥാനത്തെ സർക്കാർ ആർട്സ് ആൻഡ് സയൻസ് കോളജുകളിൽ അധ്യാപക തസ്തികകളിൽ വൻ അവസരമൊരുങ്ങുന്നു. 2020-21 അധ്യയന വർഷത്തിൽ അനുവദിച്ച കോഴ്സുകളിലേക്കായി 48 പുതിയ തസ്തികകൾ സൃഷ്ടിക്കാൻ മന്ത്രിസഭ അനുമതി നൽകി. 16 മണിക്കൂർ വർക്ക് ലോഡുള്ള വിഷയങ്ങളിലാണ് ഈ പുതിയ തസ്തികകൾ വരുന്നത്. കൂടാതെ, തസ്തികമാറ്റം (Redeployment) വഴി ലഭ്യമായ 90 ഒഴിവുകൾ കൂടി ചേരുമ്പോൾ ആകെ 138 ഒഴിവുകളിലേക്കാണ് നിയമനം നടക്കുക.
പുതിയ തസ്തികകളും വിഷയങ്ങളും
പുതിയതായി സൃഷ്ടിച്ച 48 തസ്തികകളിൽ ഏറ്റവും കൂടുതൽ ഒഴിവുകൾ ഇംഗ്ലീഷ്, ജോഗ്രഫി, ഫിസിക്കൽ എജുക്കേഷൻ വിഭാഗങ്ങളിലാണ്. ഇംഗ്ലീഷിലും ജോഗ്രഫിയിലും ഫിസിക്കൽ എജുക്കേഷനിലും 10 വീതം തസ്തികകളാണുള്ളത്. സൈക്കോളജി, പൊളിറ്റിക്കൽ സയൻസ്, കമ്പ്യൂട്ടർ സയൻസ്, ബി.ബി.എ, ഇലക്ട്രോണിക്സ് എന്നിവയിൽ 3 വീതം ഒഴിവുകളും, ട്രാവൽ ആൻഡ് ടൂറിസത്തിൽ 2 ഒഴിവുകളും, കെമിസ്ട്രിയിൽ ഒരു ഒഴിവുമാണ് സൃഷ്ടിച്ചിരിക്കുന്നത്.
തസ്തികമാറ്റം വഴിയുള്ള ഒഴിവുകൾ
തസ്തിക വിന്യാസം വഴി ലഭ്യമായ 90 ഒഴിവുകളിൽ കൂടുതൽ അവസരങ്ങൾ ഇംഗ്ലീഷ്, കെമിസ്ട്രി, മാത്സ് വിഷയങ്ങളിലാണ്. ഇംഗ്ലീഷിൽ 15-ഉം കെമിസ്ട്രിയിൽ 14-ഉം മാത്സിൽ 10-ഉം ഒഴിവുകളുണ്ട്. കൊമേഴ്സ് (9), മലയാളം (7), സ്റ്റാറ്റിസ്റ്റിക്സ് (7), പൊളിറ്റിക്കൽ സയൻസ് (7), ഫിസിക്സ് (6), സുവോളജി (5), ബോട്ടണി (5) എന്നിങ്ങനെയാണ് മറ്റ് ഒഴിവുകൾ. ജിയോളജിയിലും ജോഗ്രഫിയിലും 2 വീതം ഒഴിവുകളും അറബിക്കിൽ ഒരു ഒഴിവുമുണ്ട്.
പി.എസ്.സി നടപടികൾ
ഈ ഒഴിവുകൾ രണ്ട് ദിവസത്തിനകം ഉന്നത വിദ്യാഭ്യാസ വകുപ്പ് പി.എസ്.സിക്ക് റിപ്പോർട്ട് ചെയ്യുമെന്ന് അറിയിച്ചിട്ടുണ്ട്. ഫിസിക്കൽ എജുക്കേഷൻ ഒഴികെയുള്ള മറ്റ് വിഷയങ്ങളിൽ നിലവിൽ പി.എസ്.സി റാങ്ക് ലിസ്റ്റുകൾ നിലവിലുണ്ട്. അതിനാൽ ഈ വിഷയങ്ങളിൽ നിയമനം വേഗത്തിലാകും. എന്നാൽ ഫിസിക്കൽ എജുക്കേഷൻ വിഭാഗത്തിൽ പി.എസ്.സി പരീക്ഷ നടത്തി പുതിയ ലിസ്റ്റ് തയ്യാറാക്കേണ്ടതുണ്ട്.
പ്രിൻസിപ്പൽ നിയമനം
ഇതിനുപുറമെ, കോളജുകളിലെ പ്രിൻസിപ്പൽ തസ്തികകളിലേക്ക് സ്ഥാനക്കയറ്റം വഴി നിയമനം നടക്കുന്നതോടെ കൂടുതൽ അധ്യാപക ഒഴിവുകൾ ഉണ്ടാകാൻ സാധ്യതയുണ്ട്. 72 പ്രിൻസിപ്പൽ തസ്തികകളിൽ കോടതി വിധി ബാധകമായ 31 പേർക്കാണ് ആദ്യഘട്ടത്തിൽ നിയമനം ലഭിക്കുക. ഇത്രയും തന്നെ അധ്യാപക ഒഴിവുകൾ കൂടി കോളജുകളിൽ ലഭ്യമാകും.
പുതിയ തൊഴിൽ അവസരങ്ങളും വിദ്യഭ്യാസ വാർത്തകളും ദിവസവും അറിയാൻ
ഇപ്പോൾ തന്നെ WнaтѕAρρ ഗ്രൂപ്പിൽ ജോയിൻ ചെയ്യൂ..👇
📱https://bn1.short.gy/CareerLokam
📅 Last Day Reminder
കേരള സഹകരണ അപെക്സ് സൊസൈറ്റികളില് ഓഫീസര്; 25,280 രൂപവരെ ശമ്പളം | Kerala Cooperative Apex Societies Project Officer Recruitment
⏳ Deadline: 04-02-2026
CUET UG 2026: ഫെബ്രുവരി 4 വരെ അപേക്ഷിക്കാം | CUET UG 2026 Application Date Extended
⏳ Deadline: 04-02-2026
KIIFB റിക്രൂട്ട്മെന്റ് 2026: എഞ്ചിനീയറിംഗ് കൺസൾട്ടന്റ് ഒഴിവ് | KIIFB Recruitment 2026
⏳ Deadline: 04-02-2026
പുതുവർഷത്തിലേക്ക് പി.എസ്.സിയുടെ സമ്മാനം; 171 തസ്തികകളിൽ വിജ്ഞാപനം; HSST, വനിതാ ഫയർ ഓഫീസർ, അസിസ്റ്റന്റ് എൻജിനീയർ ഒഴിവുകൾ
⏳ Deadline: 04-02-2026
എൽ.ഡി ടൈപ്പിസ്റ്റ് വിജ്ഞാപനം പ്രസിദ്ധീകരിച്ചു; 14 ജില്ലകളിലും അപേക്ഷിക്കാം; 60,700 രൂപ വരെ ശമ്പളം
⏳ Deadline: 04-02-2026
Founder and Chief Editor of CareerLokam.com. Dedicated to delivering timely updates on latest job notifications, exam results, and admission details to students and job seekers. Possesses years of experience in the field of career guidance.
.jpg)