ക്യാമറ കൊണ്ട് കഥ പറയുന്ന ഫോട്ടോഗ്രാഫി കരിയർ
✍️മുജീബുല്ല KM
ആദ്യമേ പറയട്ടെ, ഈ മേഖല കരിയറും പാഷനുമാക്കി പുലിറ്റ്സർ സമ്മാനം നേടിയവരുണ്ട്.
സ്വന്തം കലാ വൈഭവത്തെ ക്യാമറക്കണ്ണിലൂടെ പ്രതിഫലിപ്പിക്കുവാൻ സാധിക്കുന്ന മേഖലയാണ് ഫോട്ടോഗ്രാഫി.
വിദ്യാഭ്യാസ യോഗ്യതയേക്കാളുപരി നൈസർഗ്ഗീകമായ കഴിവാണ് ഈ രംഗത്താവശ്യം. അത് കൊണ്ട് തന്നെ വ്യത്യസ്ത സ്ഥാപനങ്ങൾ വ്യത്യസ്തമായ വിദ്യാഭ്യാസ യോഗ്യതയാണ് തങ്ങളുടെ കോഴ്സുകൾക്ക് നിഷ്കർഷിച്ചിരിക്കുന്നത്.
കലാപരമായ കഴിവും സാഹസികതയും അന്വേഷണ ത്വരയുമൊക്കെ ഉള്ളവർക്ക് തിളങ്ങുവാൻ പറ്റിയ രംഗമാണിന്ന് ഫോട്ടോഗ്രാഫി എന്നത്
.
വ്യത്യസ്തമായ ഫോട്ടോഗ്രാഫി മേഖലകൾ:
▫️പത്ര മാധ്യമങ്ങൾക്ക് വേണ്ടി സംസാരിക്കുന്ന വാർത്താ ചിത്രങ്ങളെടുക്കുന്ന വിഭാഗമാണു ന്യൂസ് ഫോട്ടോഗ്രാഫി.
- പത്രപ്രവർത്തനത്തിൽ താല്പര്യമുള്ളവർക്ക് കൂടുതൽ ശോഭിക്കുവാൻ കഴിയും
- പത്രസ്ഥാപനങ്ങളിൽ സ്റ്റിൽ ഫോട്ടോഗ്രാഫർ, ന്യൂസ് ഏജൻസികളിൽ ഫോട്ടോഗ്രാഫർ, പബ്ലിക് റിലേഷൻ വകുപ്പിൽ ഫോട്ടോഗ്രാഫർ തുടങ്ങിയിടങ്ങളിലൊക്കെ അവസരമുണ്ട്.
▫️പരസ്യ ഏജൻസികളിലും വലിയ വലിയ ഫാഷൻ ഡിസൈനിങ്ങ് സെൻറ്ററുകളിലും തൊഴിൽ സാധ്യതയുള്ള വിഭാഗമാണു അഡ്വർടെസിങ്ങ് ആൻഡ് ഫാഷൻ ഫോട്ടോഗ്രാഫി.
▫️ഭക്ഷണ സാധനങ്ങൾ നിർമ്മിക്കുന്ന വൻകിട ബേക്കറി, ഫുഡ് പ്രോസസിങ്ങ് യൂണിറ്റുകൾ തുടങ്ങിയവയൊക്കെ ഇപ്പോൾ ഫോട്ടോഗ്രാഫർമാരെ നിയമിക്കാറുണ്ട്. ഫുഡ് ഡിസ്പ്ലേഫോട്ടോഗ്രാഫി യെന്നാണിതറിയപ്പെടുന്നത്.
▫️ഫോട്ടോഗ്രാഫിയിലെ വെല്ലുവിളിയാർന്ന രംഗമാണു വനം വന്യ ജീവി ഫോട്ടോഗ്രാഫി. അതിനാൽ തന്നെ നിരവധി തൊഴിലവസരങ്ങളുമിതിനുണ്ട്.
▫️യുദ്ധം, പ്രകൃതി ദുരന്തങ്ങൾ, ഭൂപ്രദേശങ്ങൾ, കെട്ടിടങ്ങൾ, സ്ഥലങ്ങൾ എന്നിവയുടെ ചിത്രങ്ങൾ വിമാനത്തിലിരുന്നും അല്ലാതെയും പകർത്തുന്നതാണ് ഏരിയൽ ഫോട്ടോഗാഫി.
▫️കുറ്റാന്വേഷണത്തിന്റെ ഭാഗമായി മൃതദേഹങ്ങളുടേയും, കുറ്റകൃത്യങ്ങൾ നടന്ന സ്ഥലങ്ങൾ തുടങ്ങിയവയുടേയുമൊക്കെ ഫോട്ടോയെടുക്കുന്നതാണു ഫോറൻസിക് ഫോട്ടോഗ്രാഫി.
▫️വൻകിട കമ്പനികൾക്ക് ബ്രോഷർ, കാറ്റലോഗുകൾ, ഡോക്യുമെന്ററികൾ മുതലായവ തയ്യാറാക്കുന്നതിനായി കമ്പനികളുടെ ചിത്രമെടുക്കലാണ് ഇൻഡസ്ട്രിയൽ ഫോട്ടോഗ്രാഫേഴ്സിന്റെ ജോലി.
▫️ശാസ്ത്രീയ പരീക്ഷണങ്ങൾക്കും മറ്റും ഡാറ്റാ തയ്യാറാക്കാനായുള്ള വിവര ശേഖരണമാണു സയൻറ്റിഫിക് ഫോട്ടോഗ്രാഫറുടെ ചുമതല.
▫️സിനിമയിലും സീരിയലിലും മറ്റും സീനുകളുടെ തുടർച്ച നഷ്ടമാവാതിരിക്കുവാൻ ഓരോ സീനും റെക്കോർഡ് ചെയ്യേണ്ടതുണ്ട്. ഇത് ചെയ്യുന്നവരാണു സിനിമ സ്റ്റിൽ ഫോട്ടോഗ്രാഫേഴ്സ്.
▫️തൊഴിൽ മാർഗ്ഗം എന്ന നിലയിൽ ഗൗരവമായി ഈ മേഖലയെ കാണുന്നവർക്ക് കൊമേഴ്സ്യൽ ഫോട്ടോഗ്രാഫിയിൽ എത്തിച്ചേരാം.
സ്വന്തം നിലയിൽ ചിത്രങ്ങൾ എടുത്ത് വിപണനം നടത്തുന്നത് മുതൽ സ്റ്റുഡിയോ, സ്ഥാപനങ്ങൾ എന്നിവയ്ക്ക് വേണ്ടി ഫോട്ടോ എടുക്കുന്നതും ഈ വിഭാഗത്തിൽപ്പെടും. +2 വാണു സാധാരണ അടിസ്ഥാന യോഗ്യത.
▫️സ്വന്തമായി ചിത്രങ്ങളെടുത്ത് പത്ര സ്ഥാപനങ്ങളിലും മറ്റും വിപണനം നടത്തുന്നവരാണു ഫ്രീലാൻസ് ഫോട്ടോഗ്രാഫേഴ്സ്
▫️വിവാഹ പാർട്ടികൾ, ബർത്ത്ഡേ പാർട്ടികൾ, വലിയ സമ്മേളനങ്ങൾ, സ്റ്റേജ് ഷോകൾ തുടങ്ങിയവയുടെയൊക്കെ ഫോട്ടോയെടുക്കുന്നവരാണു ഇവന്റ് ഫോട്ടോഗ്രാഫേഴ്സ്
ഫോട്ടോഗ്രാഫി പഠിപ്പിക്കുന്ന സ്ഥാപനങ്ങളെ വിശദമായി പരിചയപ്പെടുത്തുന്നു
🔰പ്രധാന പഠന കേന്ദ്രങ്ങൾ
▪️ഇന്ത്യൻ ഇൻസ്റ്റിറ്റ്യൂട്ട് ഓഫ് ഡിജിറ്റൽ ആർട്ട് ആൻഡ് ആനിമേഷൻ, കൊൽക്കത്ത:
- ബി.എസ്സി ഇൻ ഫിലിം ആൻഡ് ഫോട്ടോഗ്രഫി (മൂന്നു വർഷം)
- പി.ജി ഡിപ്ലോമ ഇൻ ഫിലിം ആൻഡ് ഫോട്ടോഗ്രഫി (ഒരുവർഷം)
- ഡിപ്ലോമ ഇൻ ഫിലിം ആൻഡ് ഫോട്ടോഗ്രഫി (ഒരുവർഷം)
- www.iidaaindia.com
▪️ജവഹർലാൽ നെഹ്റു ആർക്കിടെക്ചർ ആൻഡ് ഫൈൻ ആർട്സ്
യൂനിവേഴ്സിറ്റി, ഹൈദരാബാദ്
- ബി.എഫ്.എ ഫോട്ടോഗ്രഫി ആൻഡ് വിഷ്വൽ കമ്യൂണിക്കേഷൻ (നാലു വർഷം)
- എം.എഫ്.എ ഫോട്ടോഗ്രഫി ആൻഡ് വിഷ്വൽ കമ്യൂണിക്കേഷൻ (രണ്ടു വർഷം)
- യോഗ്യത: ബി.എഫ്.എ ഇൻ ഫോട്ടോഗ്രഫി
▪️ഏഷ്യന് അക്കാദമി ഓഫ് ഫിലിം ആന്ഡ് ടെലിവിഷന്, നോയ്ഡ
- കോഴ്സുകള്:
- ബി.എ ഫോട്ടോഗ്രഫി (മൂന്നു വര്ഷം)
- എം.എ ഫോട്ടോഗ്രഫി (രണ്ടുവര്ഷം)
- ഡിപ്ലോമ, പി.ജി ഡിപ്ലോമ കോഴ്സുകള് (ഒരു വര്ഷം),
- മൂന്നു മാസത്തെ ഹ്രസ്വകാല കോഴ്സുകളും ലഭ്യം.
- https://aaft.com/
▪️സെൻറര് ഫോര് റിസര്ച് ഇന് ആര്ട്സ് ഓഫ് ഫിലിം ആന്ഡ് ടെലിവിഷന് ഡല്ഹി
- പി.ജി ഡിപ്ലോമ കോഴ്സുകള്
- ഡിപ്ലോമ കോഴ്സുകള്
- https://www.craftfilmschool.com/
▪️ജാമിഅ മില്ലിയ്യ ഇസ്ലാമിയ്യ, ഡല്ഹി
- സർട്ടിഫിക്കറ്റ് ഇന് ഫോട്ടോഗ്രഫി (പാർട്ട്ടൈം സ്വാശ്രയ കോഴ്സ് 20 സീറ്റ്)
- സര്ട്ടിഫിക്കറ്റ് ഇന് ഫോട്ടോഗ്രഫി (സെല്ഫ് / പാർട്ട്ടൈം)
- https://www.jmi.ac.in
▪️ ഉസ്മാനിയ സര്വകലാശാല ഹൈദരാബാദ്
- ബി.എഫ്.എ ഫോട്ടോഗ്രഫി (മൂന്നു വര്ഷം)
- https://www.osmania.ac.in/
▪️ഉത്കല് സര്വകലാശാല ഭുവനേശ്വര്
- ഡിപ്ലോമ, പി.ജി ഡിപ്ലോമ, സര്ട്ടിഫിക്കറ്റ് കോഴ്സുകള്.
- https://www.utkaluniversity.nic.in/
▪️പുണെ സര്വകലാശാല
- ഡിപ്ലോമ, പി.ജി ഡിപ്ലോമ, സര്ട്ടിഫിക്കറ്റ് കോഴ്സുകള്.
- http://www.unipune.ac.in/
▪️അക്കാദമി ഓഫ് ഫോട്ടോഗ്രഫി കൊല്ക്കത്ത:
- സര്ട്ടിഫിക്കറ്റ് ഇന് ഫണ്ടമെൻറൽസ് ഓഫ് ഫോട്ടോഗ്രഫി (ഒരുമാസം)
- സർട്ടിഫിക്കറ്റ് ഇന് അഡ്വാന്സ്ഡ് ഡിജിറ്റല് ഫോട്ടോഗ്രഫി (ആറുമാസം)
- സര്ട്ടിഫിക്കറ്റ് ഇന് ബേസിക്സ് ഓഫ് ഫോട്ടോഗ്രഫി (രണ്ടുമാസം)
- സര്ട്ടിഫിക്കറ്റ് ഇന് ഡിജിറ്റല് ഫോട്ടോഗ്രഫി (അഞ്ച് ആഴ്ച)
- http://napkolkata.co.in/
🔰കേരളത്തിലെ പ്രമുഖ സ്ഥാപനങ്ങൾ
▪️സെൻറര് ഫോര് ഡെവലപ്മെൻറ് ഓഫ് ഇമേജിങ് ടെക്നോളജി (സി-ഡിറ്റ്) തിരുവനന്തപുരം:
- സര്ട്ടിഫിക്കറ്റ് ഇന് ഡിജിറ്റല് ഫോട്ടോഗ്രഫി (അഞ്ച് ആഴ്ച)
- https://www.cdit.org/
▪️കെല്ട്രോണ് ട്രെയിനിങ് സെൻറര് തിരുവനന്തപുരം
- ഡിപ്ലോമ ഇന് ഫോട്ടോഗ്രഫി (ആറുമാസം , യോഗ്യത -പ്ലസ്ടു)
- സര്ട്ടിഫിക്കറ്റ് ഇന് ഫോട്ടോഗ്രഫി (മൂന്നുമാസം, യോഗ്യത -എസ്.എസ്.എല്.സി)
- https://ksg.keltron.in/
▪️നിയോ ഫിലിം സ്കൂൾ കൊച്ചി
- ഡിപ്ലോമ ഇൻ ഡിജിറ്റൽ ഫോട്ടോഗ്രഫി (ആറ് മാസം)
- http://www.neofilmschool.com/
▪️കേരള മീഡിയ അക്കാദമി, കാക്കനാട്
- സർട്ടിഫിക്കറ്റ് ഇൻ ഫോട്ടോ ജേണലിസം (മൂന്നുമാസം)
▪️ ക്രിയേറ്റീവ് ഹട്ട് ഇൻസ്റ്റിറ്റ്യൂട്ട് ഓഫ് ഫോട്ടോഗ്രാഫി, കോട്ടയം
- ഒരു വർഷം നീണ്ടു നിൽക്കുന്ന ഡിപ്ളോമ കോഴ്സുകൾ
- ആർട് ഓഫ് ഫോട്ടോഗ്രാഫി വൈൽഡ് ലൈഫ് ഫോട്ടോഗ്രാഫി ഫാഷൻ ഫോട്ടോഗ്രാഫി ട്രാവൽ ഫോട്ടോഗ്രാഫി പ്രൊഡക്ട് ഫോട്ടോഗ്രാഫി, ഫോട്ടോ ജേർണലിസം എന്നീ വിഷയങ്ങളിൽ നടത്തുന്നു.
✍️മുജീബുല്ല KM
സിജി ഇൻറർനാഷനൽ കരിയർ ടീം
