നാഷണൽ പവർ ട്രെയിനിംഗ് ഇൻസ്റ്റിറ്റ്യൂട്ടിൽ പി.ജി. ഡിപ്ലോമ കോഴ്സുകൾ: വൈദ്യുതി മേഖലയിൽ കരിയർ നേടാം!
ഫരീദാബാദ്: കേന്ദ്ര സർക്കാരിന് കീഴിൽ ഫരീദാബാദിലുള്ള (ഹരിയാന) നാഷണൽ പവർ ട്രെയിനിംഗ് ഇൻസ്റ്റിറ്റ്യൂട്ട് (എൻ.പി.ടി.ഐ.) വിവിധ പോസ്റ്റ് ഗ്രാജ്വേറ്റ് ഡിപ്ലോമ കോഴ്സുകളിലേക്ക് അപേക്ഷ ക്ഷണിച്ചു.
വൈദ്യുതി മേഖലക്കാവശ്യമായ മനുഷ്യ വിഭവശേഷി വികസിപ്പിച്ചെടുക്കുക എന്ന ലക്ഷ്യത്തോടെയാണ് ഈ കോഴ്സുകൾ സംഘടിപ്പിക്കുന്നത്. ഈ കോഴ്സുകൾക്ക് ഓൺലൈനായി 2025 ജൂലൈ 21 വരെ അപേക്ഷിക്കാം
പ്രധാന കോഴ്സുകളും കേന്ദ്രങ്ങളും:
എൻ.പി.ടി.ഐയുടെ വിവിധ കേന്ദ്രങ്ങളിലാണ് കോഴ്സുകൾ നടക്കുന്നത്. കേരളത്തിൽ ആലപ്പുഴയിലും അവസരമുണ്ട്.
പവർ പ്ലാൻ്റ് എൻജിനിയറിങ് (ഒരു വർഷം):
കേന്ദ്രങ്ങൾ: ആലപ്പുഴ (60 സീറ്റ്), ഫരീദാബാദ് (90), നാഗ്പൂർ (90), നെയ്വലി (60), ദുർഗാപൂർ (60), ശിവപുരി (മധ്യപ്രദേശ് – 60).
യോഗ്യത: ബി.ഇ./ബി.ടെക് (മെക്കാനിക്കൽ/ഇലക്ട്രിക്കൽ/ഇലക്ട്രിക്കൽ ആൻഡ് ഇലക്ട്രോണിക്സ്/പവർ എൻജിനീയറിങ്/അനുബന്ധ ശാഖകൾ) മൊത്തം 60% മാർക്കിൽ കുറയാതെ വിജയിച്ചിരിക്കണം.
റിന്യൂവബിൾ എനർജി ആൻഡ് ഗ്രിഡ് ഇൻ്റർഫേസ് ടെക്നോളജീസ് (ഒരു വർഷം):
▪️ കേന്ദ്രങ്ങൾ: ബംഗളൂരു (60), നെയ്വലി (60), ഗുവാഹതി (40), ന്യൂഡൽഹി (ബദാർപൂർ – 30).
▪️ യോഗ്യത: ബി.ഇ./ബി.ടെക് (ഇലക്ട്രിക്കൽ/ഇലക്ട്രിക്കൽ ആൻഡ് ഇലക്ട്രോണിക്/മെക്കാനിക്കൽ/പവർ എൻജിനീയറിങ്/സി.എസ്./സി. ആൻഡ് ഐ./ഇ.സി./ഐ.ടി. മുതലായവ) 60% മാർക്കിൽ കുറയാതെ പാസായിരിക്കണം.
ഹൈഡ്രോ പവർ പ്ലാൻ്റ് എൻജിനിയറിങ് (9 മാസം):
▪️ കേന്ദ്രം: നങ്കൽ (60 സീറ്റ്).
▪️ യോഗ്യത: ബി.ഇ./ബി.ടെക് (മെക്കാനിക്കൽ/ഇലക്ട്രിക്കൽ/ഇലക്ട്രിക്കൽ ആൻഡ് ഇലക്ട്രോണിക്സ്/പവർ എൻജിനീയറിങ്) 60% മാർക്കിൽ കുറയാതെ പാസായിരിക്കണം.
ട്രാൻസ്മിഷൻ ആൻഡ് ഡിസ്ട്രിബ്യൂഷൻ സിസ്റ്റംസ് (6 മാസം):
▪️ കേന്ദ്രങ്ങൾ: ബംഗളൂരു (60), ഗുവാഹതി (40).
▪️ യോഗ്യത: ബി.ഇ./ബി.ടെക് (ഇലക്ട്രിക്കൽ/ഇലക്ട്രിക്കൽ ആൻഡ് ഇലക്ട്രോണിക്സ്/പവർ എൻജിനീയറിങ്) 60% മാർക്കിൽ കുറയാതെ പാസായിരിക്കണം.
പവർ ഡിസ്ട്രിബ്യൂഷൻ ആൻഡ് എമർജിങ് ടെക്നോളജീസ് (ഒരു വർഷം):
▪️ കേന്ദ്രം: ന്യൂഡൽഹി (50 സീറ്റ്).
▪️യോഗ്യത: ബി.ഇ./ബി.ടെക് (ഏതെങ്കിലും ബ്രാഞ്ച്) 60% മാർക്കിൽ കുറയാതെ പാസായിരിക്കണം
പൊതുവായ യോഗ്യതകൾ:
എല്ലാ കോഴ്സുകൾക്കും മേൽപ്പറഞ്ഞ യോഗ്യതക്ക് പുറമെ, പത്ത്, പന്ത്രണ്ട് ക്ലാസ് പരീക്ഷകളിലും 60% മാർക്കിൽ കുറയാതെ നേടിയിരിക്കണം. പ്രായപരിധി ബാധകമല്ല.
അപേക്ഷാ വിവരങ്ങൾ:
▪️ അപേക്ഷാ ഫീസ്: 500 രൂപ ‘SB Collect’ മുഖേന അടക്കണം.
അപേക്ഷിക്കേണ്ട ലിങ്ക്:
https://bit.ly/NPTIPGDC25-26 വഴി ഓൺലൈനായി അപേക്ഷിക്കാം.
▪️ അവസാന തീയതി: 2025 ജൂലൈ 21.
▪️ തിരഞ്ഞെടുപ്പ് പ്രക്രിയ:
ബി.ഇ./ബി.ടെക് പരീക്ഷയുടെ മാർക്കിൻ്റെയും ഇൻ്റർവ്യൂവിൻ്റെയും അടിസ്ഥാനത്തിൽ എൻ.പി.ടി.ഐ ഫരീദാബാദ് തയ്യാറാക്കുന്ന പൊതു മെറിറ്റ് ലിസ്റ്റ് ജൂലൈ 25-ന് വെബ്സൈറ്റിൽ പ്രസിദ്ധീകരിക്കും.
▪️ കൗൺസലിംഗും പ്രവേശനവും:
ജൂലൈ 29, 30 തീയതികളിൽ കൗൺസലിംഗ് നടത്തി തിരഞ്ഞെടുക്കപ്പെടുന്നവർ ഓഗസ്റ്റ് 4-ന് റിപ്പോർട്ട് ചെയ്ത് പ്രവേശനം നേടണം. ഒഴിവുള്ള സീറ്റുകളിലേക്ക് ഓഗസ്റ്റ് 22-ന് സ്പോട്ട് അഡ്മിഷനുണ്ടാകും.
കോഴ്സ് ഫീസ്:
▪️ ഒരു വർഷത്തെ കോഴ്സിന്: ₹2,30,000 രൂപ.
▪️ ഒമ്പത് മാസത്തെ കോഴ്സിന്: ₹1,75,000 രൂപ.
▪️ ആറ് മാസത്തെ കോഴ്സിന്: ₹1,45,000 രൂപ.
▪️ ഇവയോടൊപ്പം 18% ജി.എസ്.ടി. അധികമായി നൽകണം.
കൂടുതൽ വിവരങ്ങളടങ്ങിയ ബ്രോഷർ www.npti.gov.in എന്ന വെബ്സൈറ്റിൽ ലഭ്യമാണ്.
പുതിയ തൊഴിൽ അവസരങ്ങളും വിദ്യഭ്യാസ വാർത്തകളും ദിവസവും അറിയാൻ
ഇപ്പോൾ തന്നെ WнaтѕAρρ ഗ്രൂപ്പിൽ ജോയിൻ ചെയ്യൂ..👇
📱https://bn1.short.gy/CareerLokam
