ഗവേഷണ വിദ്യാർത്ഥികൾക്ക് പ്രതിമാസം 20,000 രൂപ; ചീഫ് മിനിസ്റ്റേഴ്സ് റിസേർച് ഫെലോഷിപ്പിന് ഇപ്പോൾ അപേക്ഷിക്കാം

സംസ്ഥാനത്തെ ന്യൂനപക്ഷ മതവിഭാഗത്തിൽപ്പെട്ട ഗവേഷണ വിദ്യാർത്ഥികൾക്കായി ന്യൂനപക്ഷ ക്ഷേമ വകുപ്പ് ഏർപ്പെടുത്തിയ ”ചീഫ് മിനിസ്റ്റേഴ്സ് റിസർച് ഫെലോഷിപ് ഫോർ മൈനോറിറ്റീസ്” (Chief Minister’s Research Fellowship for Minorities) പദ്ധതിയിലേക്ക് അപേക്ഷ ക്ഷണിച്ചു.

2025-26 അദ്ധ്യയന വർഷത്തിൽ യു.ജി.സി അംഗീകൃത സർവകലാശാലകളിൽ റെഗുലർ/ഫുൾടൈം ഗവേഷണം നടത്തുന്നവർക്കാണ് അവസരം.

ഫെലോഷിപ്പ് തുക

തിരഞ്ഞെടുക്കപ്പെടുന്നവർക്ക് പ്രതിമാസം 20,000 രൂപ വീതം ഒരു വർഷത്തേക്ക് ഒറ്റത്തവണയായി 2,40,000 രൂപ ഫെലോഷിപ്പായി ലഭിക്കും.

അർഹതാ മാനദണ്ഡങ്ങൾ

• മതവിഭാഗം: മുസ്ലീം, ക്രിസ്ത്യൻ (എല്ലാ വിഭാഗക്കാരും), സിഖ്, ബുദ്ധ, ജൈന, പാഴ്സി.

• യോഗ്യത: മറ്റ് സർക്കാർ/സർവകലാശാല ഫെലോഷിപ്പുകൾ ലഭിക്കാത്ത റെഗുലർ ഗവേഷണ വിദ്യാർത്ഥികൾ ആയിരിക്കണം. വിജ്ഞാപന വർഷം രജിസ്റ്റർ ചെയ്തവർക്കും അപേക്ഷിക്കാം.

• പ്രായപരിധി: 40 വയസ്സ് കവിയാൻ പാടില്ല.

• വരുമാനം: ബി.പി.എൽ (BPL) വിഭാഗത്തിന് മുൻഗണന. അഭാവത്തിൽ 8 ലക്ഷം രൂപ വരെ വാർഷിക വരുമാനമുള്ള എ.പി.എൽ (APL) വിഭാഗത്തെയും പരിഗണിക്കും.

30% ഫെലോഷിപ്പ് പെൺകുട്ടികൾക്കും 5% ഭിന്നശേഷിക്കാർക്കുമായി സംവരണം ചെയ്തിട്ടുണ്ട്.

അപേക്ഷിക്കേണ്ട വിധം

അപേക്ഷാ ഫോമും വിജ്ഞാപനവും www.minoritywelfare.kerala.gov.in എന്ന വെബ്സൈറ്റിൽ ലഭിക്കും. പൂരിപ്പിച്ച അപേക്ഷ നേരിട്ടോ തപാൽ മുഖേനയോ താഴെ പറയുന്ന വിലാസത്തിൽ എത്തിക്കണം.

വിലാസം:
ഡയറക്ടർ, ന്യൂനപക്ഷ ക്ഷേമ വകുപ്പ്,
നാലാം നില, വികാസ് ഭവൻ,
തിരുവനന്തപുരം – 33.

അവസാന തീയതി: 2025 ജനുവരി 15.
കൂടുതൽ വിവരങ്ങൾക്ക്: 0471 2300523, 0471 2300524.

📅 Last Day Reminder