കോളേജ് / ഹയർ സെക്കൻഡറി വിദ്യാർഥികൾക്കായി സിവിൽ സർവീസ് പരിശീലനവുമായി സ്റ്റേറ്റ് സിവിൽ സർവീസ് അക്കാദമി

23 October, 2020 Raouf Elettil

കേരള സ്റ്റേറ്റ് സിവിൽ സർവീസ് അക്കാഡമി കോളേജ് വിദ്യാർഥികൾക്കായി സിവിൽ സർവീസ് പ്രിലിംസ് കം മെയിൻസ് കോഴ്സും ഹൈസ്കൂൾ ഹയർ സെക്കൻഡറി വിദ്യാർഥികൾക്കായി ടാലന്റ് ഡവലപ്മെന്റ്/ സിവിൽ സർവീസ് ഫൗണ്ടേഷൻ കോഴ്സുകളും ആരംഭിക്കുന്നു.

കോവിഡ് വ്യാപന പശ്ചാത്തലത്തിൽ ഓൺലൈനായാണ് ക്ലാസുകൾ
കോളേജ് വിദ്യാർഥികൾക്ക് ത്രിവത്സര മൂന്ന് വർഷത്തെ പരിശീലനമാണ് ലഭിക്കുക.

പരിശീലനം നൽകുന്ന സിവിൽ സർവീസ് അക്കാഡമി / ഉപകേന്ദ്രങ്ങൾ

തിരുവനന്തപുരം,
പാലക്കാട്,
കോഴിക്കോട്,
പൊന്നാനി,
കല്ല്യാശ്ശേരി,
മൂവാറ്റുപുഴ,
കൊല്ലം

ക്ലാസുകളുടെ സമയക്രമം

നവംബർ ഒന്നു മുതൽ ക്ലാസുകൾ തുടങ്ങും.

പൊതു അവധി ദിവസമൊഴികെയുള്ള എല്ലാ ഞായറാഴ്ചകളിലും രണ്ടാം ശനിയാഴ്ചകളിലും രാവിലെ ഒൻപത് മുതൽ വൈകിട്ട് നാലു വരെയാണ് ക്ലാസുകൾ

ഫീസ് വിവരങ്ങൾ

ഒന്നാം വർഷത്തിൽ 13,900 രൂപയും (ഫീസ് – 10,000 രൂപ, ജി.എസ്.ടി – 1,800 രൂപ, കോഷൻ ഡെപ്പോസിറ്റ് – 2,000 രൂപ, സെസ്സ് – 100 രൂപ)

രണ്ടും മൂന്നും വർഷങ്ങളിൽ 17,850 രൂപയും (ഫീസ് – 15,000 രൂപ, ജി.എസ്.ടി – 2,700 രൂപ, സെസ്സ് – 150 രൂപ) ആണ് ഫീസ്

ഹൈസ്കൂൾ / ഹയർ സെക്കൻഡറി വിദ്യാർഥികൾക്ക് ടാലന്റ് ഡവലപ്മെന്റ് കോഴ്സ് / സർവീസ് ഫൗണ്ടേഷൻ കോഴ്സ്

പരിശീലനം നൽകുന്ന കേന്ദ്രങ്ങൾ

തിരുവനന്തപുരം മണ്ണന്തല അംബേദ്ക്കർ ഭവനിലെ സിവിൽ സർവീസ് അക്കാഡമി
കാഞ്ഞങ്ങാട്
കല്ല്യാശ്ശേരി
കോഴിക്കോട്
പാലക്കാട്
ഐ.സി.എസ്.ആർ പൊന്നാനി
ആളൂർ,
മൂവാറ്റുപുഴ
ചെങ്ങന്നൂർ
കോന്നി
കൊല്ലം ഉപകേന്ദ്രങ്ങൾ

ഹൈസ്കൂൾ വിദ്യാർഥികൾക്ക് ടാലന്റ് ഡവലപ്മെന്റ് കോഴ്സും ഹയർ സെക്കൻഡറി വിദ്യാർഥികൾക്ക് സർവീസ് ഫൗണ്ടേഷൻ കോഴ്സും നടത്തുക.
നവംബർ ഒന്ന് മുതൽ 2021 ഫെബ്രുവരി 15 വരെയാണ് കോഴ്സിന്റെ കാലാവധി.

ടാലന്റ് ഡവലപ്മെന്റ് കോഴ്സിന് 3570 രൂപയും (ഫീസ് 3,000 രൂപയും ജി.എസ്.ടി 18 ശതമാനവും ഒരു ശതമാനം സെസ്സും) ഫൗണ്ടേഷൻ കോഴ്സിന് 5,950 രൂപയുമാണ് (ഫീസ് 5,000 രൂപയും ജി.എസ്.ടി 18 ശതമാനവും ഒരു ശതമാനം സെസ്സും) ഫീസ്.
ഫീസ് 27 മുതൽ 31 വരെഓൺലൈനായി www.ccek.org, www.kscsa.org ൽ അടയ്ക്കാം.