ആര്ക്കിടെക്ചര് കരിയറായി തിരഞ്ഞെടുക്കാൻ ആഗ്രഹിക്കുന്നവർ അറിയേണ്ട കാര്യങ്ങളിതാ…..

• കേരളത്തിലെ എൻജിനീയറിങ് പ്രവേശനത്തോടൊപ്പം നടക്കുന്ന ബി.ആർക് പ്രവേശനം ആഗ്രഹിക്കുന്നവർ എൻജിനീയറിങ് പ്രവേശന പരീക്ഷയുടെ നോട്ടിഫിക്കേഷൻ വരുമ്പോൾ അപേക്ഷ സമർപ്പിക്കണം. 

• നാറ്റ സ്കോർ കൂടാതെ ചില അധിക യോഗ്യതകൾ നിഷ്കർഷിക്കുന്ന സ്ഥാപനങ്ങളുമുണ്ട്. 

• നാറ്റ സ്കോർ ബാധകമല്ലാത്ത ആർക്കിടെക്ചർ പഠനാവസരങ്ങളുമുണ്ട്.

• നാഷനൽ ഇൻസ്റ്റിറ്റ്യൂട്ട് ഓഫ് ടെക്നോളജിയിലെ ബി.ആർക് പ്രവേശനത്തിന് ജെ.ഇ.ഇ മെയിൻ പരീക്ഷയുടെ ഭാഗമായുള്ള അഭിരുചി പരീക്ഷയിലും ഐ.ഐ.ടികളിലെ ആർക്കിടെക്ചർ പ്രവേശനത്തിന് ജെ.ഇ.ഇ അഡ്വാൻസ്ഡിന്റെ ഭാഗമായി നടത്തുന്ന അഭിരുചി പരീക്ഷയിലും യോഗ്യത നേടണം.

• കമ്പ്യൂട്ടർ അധിഷ്ഠിത രീതിയിലാവും നാറ്റ പരീക്ഷ. 

• യോഗ്യത നേടാൻ 200ൽ 70 മാർക്ക് വേണം. 

• മൂന്നുമണിക്കൂർ ദൈർഘ്യമുള്ള പരീക്ഷ രണ്ടു സെഷനിൽ നടത്തും. 

• രജിസ്റ്റർ ചെയ്യുമ്പോൾ സെഷൻ താൽപര്യം അറിയിക്കണം. 

• മൊത്തത്തിൽ 200 മാർക്കുള്ള 125 ചോദ്യങ്ങൾ ഉണ്ടാകും. 

• ഇതിൽ 1/2/3 മാർക്കുള്ള മൾട്ടിപ്ൾ ചോയ്സ്, മൾട്ടിപ്ൾ സെലക്ട്, പ്രിഫറൻഷ്യൽ ചോയ്സ് ടൈപ്, ന്യൂമെറിക്കൽ ആൻസർ ടൈപ്, മാച്ച് ദ ഫോളോവിങ് ചോദ്യങ്ങളുണ്ടാകാം.

• പ്ലസ് ടുതല യോഗ്യത പരീക്ഷ, ഫിസിക്സ്, കെമിസ്ട്രി, മാത്തമാറ്റിക്സ് വിഷയങ്ങള് പഠിച്ച് ജയിച്ചിരിക്കണം. 

• അപേക്ഷാർഥി പ്ലസ് ടു/തത്തുല്യ പ്രോഗ്രാം മാത്തമാറ്റിക്സ്, ഫിസിക്സ്, കെമിസ്ട്രി എന്നിവ പഠിച്ച് മൂന്നിനുംകൂടി മൊത്തത്തിൽ 50 ശതമാനം മാർക്കും പ്ലസ് ടു പരീക്ഷയിൽ മൊത്തത്തിൽ 50 ശതമാനം മാർക്കും വാങ്ങി ജയിക്കണം.

• മാത്തമാറ്റിക്സ് നിർബന്ധ വിഷയമായി പഠിച്ച് അംഗീകൃത ത്രിവത്സര ഡിപ്ലോമ 50 ശതമാനം മാർക്കോടെ ജയിച്ചവർക്കും അപേക്ഷിക്കാം. നാറ്റ നടക്കുന്ന വര്ഷം യോഗ്യത പരീക്ഷ അഭിമുഖീകരിക്കുന്നവരെയും പരീക്ഷക്ക് അനുവദിക്കാറുണ്ട്.

• അപേക്ഷഫീസ് ഓരോ ടെസ്റ്റിനും 2000 രൂപയാണ് (വനിതകൾ/പട്ടിക/ ഭിന്നശേഷി/ട്രാൻസ്ജെൻഡർ വിഭാഗക്കാർക്ക് 1500 രൂപ). 

• ഏതെങ്കിലും രണ്ടു ടെസ്റ്റുകൾക്ക് അപേക്ഷിക്കാൻ ഇത് 4000/3000 രൂപയാണ്. 

• ആദ്യ പരീക്ഷ എഴുതിക്കഴിഞ്ഞും രണ്ടാമത്തേതിന് അപേക്ഷിക്കാൻ സമയമുണ്ട്.

• മൂന്നു ടെസ്റ്റുകൾക്കും ഒരുമിച്ച് അപേക്ഷിക്കാനുള്ള ഫീസ് 5400/4050 രൂപയാണ്. 

• വിദേശത്ത് പരീക്ഷകേന്ദ്രം എടുക്കുന്നവർക്ക് ഒന്ന്, രണ്ട്, മൂന്ന് പരീക്ഷകൾക്ക് അപേക്ഷിക്കാൻ യഥാക്രമം 10,000, 20,000, 27,000 രൂപയാണ് അപേക്ഷഫീസ്. 

• പ്രോസസിങ് ചാർജും ജി.എസ്.ടിയും പുറമെ.

• തിരുവനന്തപുരം, കൊല്ലം, കോട്ടയം, ആലപ്പുഴ, എറണാകുളം, തൃശൂർ, കോഴിക്കോട്, കണ്ണൂർ ഉൾപ്പെടെ ഇന്ത്യയിലെ 158 കേന്ദ്രങ്ങൾക്കു പുറമെ ദുബൈ, മനാമ, ദോഹ, കുവൈത്ത്, മസ്കത്ത്,റിയാദ്എന്നിവിടങ്ങളിലും കേന്ദ്രങ്ങളുണ്ട്. 

• അഖിലേന്ത്യ അടിസ്ഥാനത്തിൽ മൂന്നു ചോയ്സുകൾ തിരഞ്ഞെടുക്കാം.

• ഇന്ത്യക്കു പുറത്ത് ദുബൈ സെന്റർ തിരഞ്ഞെടുക്കുന്നവർക്ക് മറ്റ് ഓപ്ഷനുകൾ നൽകാൻ സാധിക്കില്ല. ദുബൈ എന്നത് മൂന്നാമത്തെയോ നാലാമത്തെയോ സെന്റർ ആയി നൽകാനും സാധിക്കില്ല.

പ്രവേശനം എവിടെയൊക്കെ 

• കോളജ് ഓഫ് എന്ജിനീയറിങ് (സി.ഇ.ടി),ശ്രീകാര്യം, 
• തിരുവനന്തപുരംഗവ. എന്ജിനീയറിങ് കോളജ്, തൃശൂര്, 
• കോളജ് ഓഫ് ആര്ക്കിടെക്ചര്, വെള്ളനാട്, തിരുവനന്തപുരം, 
• ടി.കെ.എം കോളജ് ഓഫ് എന്ജിനീയറിങ് കൊല്ലം, 
• ബിഷപ് ജെറോം ഇന്സ്റ്റിറ്റ്യൂട്ട് കൊല്ലം, 
• രാജീവ് ഗാന്ധി ഇന്സ്റ്റിറ്റ്യൂട്ട് ഓഫ് ടെക്നോളജി പാമ്പാടി, കോട്ടയം, 
• ഗ്ലോബല് ഇന്സ്റ്റിറ്റ്യൂട്ട് ഓഫ് ആര്ക്കിടെക്ചര് പാലക്കാട്, 
• ഹോളി ക്രസന്റ് കോളജ് ഓഫ് ആര്ക്കിടെക്ചര് ആലുവ, 
• ഏഷ്യന് കോളജ് ഓഫ് ആര്ക്കിടെക്ചര് വൈറ്റില, കൊച്ചി.
• സ്കൂള് ഓഫ് ആര്ക്കിടെക്ചര് മൂവാറ്റുപുഴ, 
• കെ.എം.ഇ.എ കോളജ് ഓഫ് ആര്ക്കിടെക്ചര് കുഴിവേലിപ്പടി, ആലുവ, 
• ഐ.ഇ.എസ് കോളജ് ഓഫ് ആര്ക്കിടെക്ചര് ചിറ്റിലപ്പള്ളി, തൃശൂര്, 
• തേജസ് കോളജ് ഓഫ് ആര്ക്കിടെക്ചര്, തൃശൂര്, 
• സ്നേഹ കോളജ് ഓഫ് ആര്ക്കിടെക്ചര് പാലക്കാട്, 
• ദേവകി അമ്മാസ് ഗുരുവായൂരപ്പന് കോളജ് ഓഫ് ആര്ക്കിടെക്ചര് ചേലേമ്പ്ര,  
• എം.ഇ.എസ് കോളജ് ഓഫ് എന്ജിനീയറിങ് കുറ്റിപ്പുറം.
• അല് സലാമ ഇന്സ്റ്റിറ്റ്യൂട്ട് ഓഫ് ആര്ക്കിടെക്ചര്, പെരിന്തല്മണ്ണ,  വേദവ്യാസ കോളജ് ഓഫ് ആര്ക്കിടെക്ചര്, മലപ്പുറം, 
• ഏറനാട് നോളജ് സിറ്റി കോളജ് ഓഫ് ആര്ക്കിടെക്ചര് മഞ്ചേരി,  കെ.എം.സി.ടി കോളജ് ഓഫ് ആര്ക്കിടെക്ചര് മണാശ്ശേരി, കോഴിക്കോട്, എം.ഇ.എസ് കോളജ് ഓഫ് ആര്ക്കിടെക്ചര് കക്കോടി, കോഴിക്കോട് തുടങ്ങിയവയാണ് കേരളത്തിലെ സ്ഥാപനങ്ങൾ.