New Gen Career Guidance Malayalam | നമ്മളൊരു ‘തന്ത വൈബ്’ ആണോ? | Career Trends 2026
“മാഷേ, നിങ്ങളീ കുട്ടികളോട് എപ്പോഴും എഞ്ചിനീയറിംഗിനെക്കുറിച്ചും മെഡിസിനെക്കുറിച്ചും പിഎസ്സിയെക്കുറിച്ചുമൊക്കെയാണല്ലോ സംസാരിക്കുന്നത്? ഇതൊരുമാതിരി ‘തന്ത വൈബ്’ (Thantha Vibe) ആണെന്ന് പിള്ളേർ പറയുന്നു!”
കഴിഞ്ഞ ദിവസം ഒരു രക്ഷിതാവ് ചോദിച്ച ഈ ചോദ്യം കരിയർ ഗൈഡൻസ് രംഗത്തുള്ളവരെ മാത്രമല്ല, ഓരോ അധ്യാപകരെയും രക്ഷിതാക്കളെയും ഇരുത്തി ചിന്തിപ്പിക്കുന്നതാണ്. പഴയ ചിന്താഗതികളും പുതിയ കാലത്തെ സാധ്യതകളും തമ്മിലുള്ള ഈ വലിയ വിടവ് നമുക്കൊന്ന് പരിശോധിക്കാം.
ഉള്ളടക്കം (Table of Contents)
എന്താണ് ഈ ‘തന്ത വൈബ്’?
ന്യൂ ജെൻ പിള്ളേർക്കിടയിൽ ‘തന്ത വൈബ്’ അല്ലെങ്കിൽ ‘അമ്മാവൻ വൈബ്’ എന്നൊക്കെ പറയുന്നത് കേവലം പ്രായത്തെ കളിയാക്കലല്ല. അതൊരു ‘മൈൻഡ്സെറ്റ്’ (Mindset) ആണ്. പഴയ തലമുറയ്ക്ക് കരിയർ എന്നാൽ ‘സുരക്ഷിതത്വം’ ആയിരുന്നു. എന്നാൽ പുതിയ തലമുറയ്ക്ക് വേണ്ടത് ‘സംതൃപ്തി’ (Satisfaction) ആണ്.
“നീ നന്നായി പഠിച്ച് ഒരു എഞ്ചിനീയറാകൂ” എന്ന് പറയുമ്പോൾ, അവർ കേൾക്കുന്നത് “നീ നിന്റെ ക്രിയേറ്റിവിറ്റി കൊന്നു കളഞ്ഞ് ഒരു മെഷീനായി മാറൂ” എന്നാണ്. ഈ ഉപദേശത്തെയാണ് അവർ ‘തന്ത വൈബ്’ എന്ന് വിളിക്കുന്നത്. അത് മോശമായതുകൊണ്ടല്ല, അത് അവരുടെ ലോകത്തിന് ചേരാത്തതുകൊണ്ടാണ്.
ലോകം മാറിയത് നമ്മൾ അറിഞ്ഞോ?
കഴിഞ്ഞ 10 വർഷത്തിനിടയിൽ ലോകത്തുണ്ടായ മാറ്റം കഴിഞ്ഞ 100 വർഷത്തേക്കാൾ വലുതാണ്. New Gen Career Guidance Malayalam മേഖലയിൽ വന്നിട്ടുള്ള പ്രധാന മാറ്റങ്ങൾ നോക്കാം:
- ഇന്റർനെറ്റ് വിപ്ലവം: പണ്ട് വിവരങ്ങൾ കിട്ടാൻ എംപ്ലോയ്മെന്റ് എക്സ്ചേഞ്ചിൽ പോകണമായിരുന്നു. ഇന്ന് ഗൂഗിളും ചാറ്റ്ജിപിടിയും (ChatGPT) കുട്ടികളുടെ വിരൽത്തുമ്പിലുണ്ട്.
- ആർട്ടിഫിഷ്യൽ ഇന്റലിജൻസ് (AI): ക്ലർക്കുമാർ മുതൽ കോഡിംഗ് വരെയുള്ള ജോലികൾ AI ഏറ്റെടുക്കുമ്പോൾ പരമ്പരാഗത ജോലികൾക്ക് ഭീഷണിയുണ്ട്.
- ഗിഗ് ഇക്കോണമി (Gig Economy): ഒരേ സമയം ഒന്നിലധികം കമ്പനികൾക്ക് വേണ്ടി ഫ്രീലാൻസ് ആയി ജോലി ചെയ്യുന്ന രീതി സർവ്വസാധാരണമായി.
ന്യൂ ജെൻ നോക്കുന്നത് എങ്ങോട്ട്?
യൂട്യൂബും ഇൻസ്റ്റാഗ്രാമും മാത്രമല്ല ന്യൂ ജെന്നിന്റെ ലോകം. നമ്മൾ കേട്ടിട്ടുപോലുമില്ലാത്ത അനന്തസാധ്യതകളാണ് അവർക്ക് മുന്നിലുള്ളത്.
| തൊഴിൽ മേഖല | വിശദാംശങ്ങൾ |
|---|---|
| Data Scientist | ഡാറ്റ വിശകലനം ചെയ്ത് ബിസിനസ്സ് തീരുമാനങ്ങൾ എടുക്കാൻ സഹായിക്കുന്നവർ. |
| Ethical Hacking | സൈബർ സുരക്ഷ ഉറപ്പാക്കാനും കള്ളന്മാരെ പിടിക്കാനും മിടുക്കരായവർ. |
| Game Designing & VFX | സിനിമയും ഗെയിമും വെറും വിനോദമല്ല, കോടികളുടെ ബിസിനസ്സാണ്. |
| Sustainability Manager | പരിസ്ഥിതിക്ക് ദോഷമില്ലാതെ ബിസിനസ്സ് ചെയ്യാൻ സഹായിക്കുന്നവർ. |
| Drone Pilot | കൃഷി മുതൽ സിനിമ വരെ ഡ്രോണുകൾ ഉപയോഗിക്കുന്ന പുതിയ കാലം. |
ഡിഗ്രിയല്ല, സ്കില്ലാണ് താരം!
നമ്മൾ ഇപ്പോഴും സർട്ടിഫിക്കറ്റുകൾക്ക് കൊടുക്കുന്ന വില, ന്യൂ ജെൻ കൊടുക്കുന്നത് ‘സ്കില്ലി’നാണ് (Skill). ഗൂഗിളോ ആപ്പിളോ ഇന്ന് നോക്കുന്നത് “നിനക്ക് എന്ത് ഡിഗ്രിയുണ്ട്?” എന്നല്ല, “നിനക്ക് എന്ത് ചെയ്യാൻ അറിയാം?” എന്നാണ്.
- പ്രശ്നങ്ങൾ പരിഹരിക്കാൻ (Problem Solving) അറിയാമോ?
- ടീമിനെ നയിക്കാൻ (Leadership) കഴിയുമോ?
- ആശയവിനിമയം (Communication) വഴങ്ങുമോ?
ഇതൊക്കെയാണ് പുതിയ കാലത്തെ യഥാർത്ഥ യോഗ്യതകൾ.
രക്ഷിതാക്കൾക്കും അധ്യാപകർക്കും ഒരു ‘അപ്ഡേഷൻ’
അപ്പോൾ നമ്മൾ എന്ത് ചെയ്യണം? പഴയതെല്ലാം ഉപേക്ഷിക്കണോ? വേണ്ട. നമ്മുടെ ‘അനുഭവം’ (Experience) അവർക്ക് പകർന്നു നൽകണം. പക്ഷെ രീതി ഒന്ന് മാറ്റണം.
- Active Listening: ഉപദേശിക്കുന്നതിന് മുമ്പ്, അവർക്ക് പറയാനുള്ളത് കേൾക്കുക.
- Learn Together: “എന്താണ് ഈ ബ്ലോക്ക് ചെയിൻ?” എന്ന് മക്കളോട് ചോദിച്ച് പഠിക്കുക. അത് അവരിലുണ്ടാക്കുന്ന ആത്മവിശ്വാസം വലുതാണ്.
- Normalise Failure: പരാജയം സ്വാഭാവികമാണെന്നും, അവിടെ നിന്ന് എഴുന്നേൽക്കാനാണ് പഠിക്കേണ്ടതെന്നും പറഞ്ഞു കൊടുക്കുക.
നമ്മുടെ കുട്ടികൾ പറക്കുന്ന പക്ഷികളാണ്. അവർക്ക് പറക്കാൻ ആകാശമൊരുക്കുകയാണ് നമ്മുടെ ജോലി. ന്യൂ ജെൻ വൈബിലേക്ക് നമുക്കും മാറാം!
ലേഖനം തയ്യാറാക്കിയത്: മുജീബുല്ല കെ.എം
(കരിയർ കോർഡിനേറ്റർ, സിജി ഇന്റർനാഷണൽ)
📅 Last Day Reminder
കേരള സഹകരണ അപെക്സ് സൊസൈറ്റികളില് ഓഫീസര്; 25,280 രൂപവരെ ശമ്പളം | Kerala Cooperative Apex Societies Project Officer Recruitment
⏳ Deadline: 04-02-2026
CUET UG 2026: ഫെബ്രുവരി 4 വരെ അപേക്ഷിക്കാം | CUET UG 2026 Application Date Extended
⏳ Deadline: 04-02-2026
KIIFB റിക്രൂട്ട്മെന്റ് 2026: എഞ്ചിനീയറിംഗ് കൺസൾട്ടന്റ് ഒഴിവ് | KIIFB Recruitment 2026
⏳ Deadline: 04-02-2026
പുതുവർഷത്തിലേക്ക് പി.എസ്.സിയുടെ സമ്മാനം; 171 തസ്തികകളിൽ വിജ്ഞാപനം; HSST, വനിതാ ഫയർ ഓഫീസർ, അസിസ്റ്റന്റ് എൻജിനീയർ ഒഴിവുകൾ
⏳ Deadline: 04-02-2026
എൽ.ഡി ടൈപ്പിസ്റ്റ് വിജ്ഞാപനം പ്രസിദ്ധീകരിച്ചു; 14 ജില്ലകളിലും അപേക്ഷിക്കാം; 60,700 രൂപ വരെ ശമ്പളം
⏳ Deadline: 04-02-2026
Mujeebulla K.M. is a Career Coordinator at CIGI International with over two decades of experience in career guidance. A former Kerala Government servant, he is a noted author and columnist specializing in Gen Z career trends, parenting, and skill development.
